Besièrs

Vila d'Occitània

Besièrs Béziers
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Òrb, lo Pont Vièlh e la catedrala de Sant Nasari.
Armas
Geografia fisica
Coordenadas	43° 20′ 51″ N, 3° 13′ 08″ E
Superfícia	95,48 km²
Altituds  · Maximala  · Mejana  · Minimala	120 m 50 m 4 m
Geografia politica
País	Lengadòc
Parçan	Besierés
Estat	França
Region 76	Occitània (region administrativa)
Departament 34	Erau (sosprefectura)
Arrondiment 341	Arrondiment de Besièrs (capluòc)
Canton 3498	Capluòc de 4 cantons
Intercom 243400769	Comunautat d'aglomeracion de Besièrs Mediterranèa
Cònsol	Robert Menard (2014-2020)
Geografia umana
Populacion Populacion totala (2018)	77 599 ab. 78 823 ab.
Densitat	783,53 ab./km²
Autras informacions
Gentilici	besierenc -a bedarrés -a, bederrés -a
Còde postal	34500
Còde INSEE	34032

Besièrs (Béziers en francés) es una vila lengadociana, situada administrativament dins lo departament francés d'Erau e la region d'Occitània. Sa populacion municipala es de 78 823 abitants (2018), çò que fa de Besièrs la segonda ciutat pus importanta del departament e la cinquena de la region Occitània. Ocupa una superfícia de 95,48 km².

Lo gentilici es besierenc -a.

Geografia

La vila es situada dins la plana lengadociana. Es lo caplòc del parçan de Besierés, a la broa d'Òrb e del Canal de las Doas Mars, a 20 km de la mar Mediterranèa. A 50 km pus al nòrd tròban las montanhas d'altitud mejana del Naut Lengadòc : Carós (1090 m), Espinosa (1124 m) e los Monts de La Cauna dins Tarn (1267 m), que forman los darrièrs retlèus al sud del Massís Central.

Istòria

Se trapan a la broa d'Òrb de traças de vida datadas de l'epòca neolitica, mas es al sègle primièr abans lo Crist que los romans forabandiguèron los celtibèrs per fondar una colonia nomenada Civitas urbs baeterrensis. Situada a qualques quilomètres de la Mediterranèa sul flum Òrb e traversada per la Via Domícia que ligava la futura Itàlia a la peninsula iberica, Baeterrae foguèt lo nom antic de Besièrs, que coneguèt una creissença considerabla fins al sègle III quora comencèt a patir d'atacas e aguèt a bastir las muralhas enrodant la vila.

Las atacas contunhèron e Besièrs aguèt d'endurar l'invasion visigòda al sègle VI que contrarotlèron tot lo país. Dos sègles mai tard foguèt conquistada per las tropas musulmanas abans de patir las atacas furiosas dels francs que, amb son menaire Carles Martèl, la destrusiguèron en 737. Venguèt puèi sedença d'un avescat e un vescomte i apareguèt cap a 885 e aguèt una creissença tan fòrta que venguèt lèu una de las ciutats mai importantas d'Occitània.

La ciutat de Besièrs siaguèt lo 22 de julh de 1209 lo centre d'un dels episòdis pus crusèls e sanguinaris de la crosada francesa contra lo catarisme que culminèt amb la cremada de la ciutat e lo chaple de sos abitadors.

Lo 7 d'abrial de 1247 la ciutat siaguèt integrada definitivament dins lo Reiaume de França. L'annexion foguèt sagelada simbolicament amb lo cambiament de las armas de la ciutat e l'aposicion de las flors d'èli, simbòl dels reis de França.

Administracion

Lista deus cònsols successius

Periòde		Identitat	Etiqueta	Qualitat
2014	2020	Robert Menard	FN
1995	2014	Raymond Couderc	UMP
1989	1995	Alain Barrau	PS
1983	1989	Georges Fontès	PSD
1977	1983	Paul Balmigère	PCF
1967	1977	Pierre Brousse	UDF-RAD
1953	1967	Émile Claparède	PRRS
1944	1947	Joseph Lazare	PCF
Totas las donadas son pas encara conegudas.

Demografia

Evolucion demografica Populacion comunala actuala (2013): 74811, totala: 76382
1793	1800	1806	1821	1831	1836	1841	1846	1851
12 501	14 535	14 565	16 140	16 679	16 233	18 874	19 596	19 333
1856	1861	1866	1872	1876	1881	1886	1891	1896
23 557	24 270	27 722	31 468	38 227	42 915	42 785	45 475	48 012
1901	1906	1911	1921	1926	1931	1936	1946	1954
52 310	52 268	51 042	56 008	65 754	71 527	73 305	64 561	64 929
1962	1968	1975	1982	1990	1999	2006	2007	2008
73 528	80 481	84 029	76 647	70 996	69 153	72 245	72 462	71 672 73 315
2009	2010
70 957 72 554	70 955 72 466
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE

Legenda del camèl de Besièrs

L’evangelista Sant Afrodisi nasquèt en Egipte en 36 abans Jèsus Crist. Dintrèt dins Besièrs sus l’esquina d’un camèl. Davant sa capitada, los romans malcontents li faguèron copar lo cap qu’escampèron dins un potz. Mas las aigas tornèron montar lo cap, Sant Afrodisi l’agantèt e poguèt èsser enterrat coma cal. Los besierencs faguèron del camèl salvat la bèstia totemica de la vila.

Monuments e luòcs d'interès

Òrb a Besièrs

• La catedrala de Sant Nasari
• La glèisa de la Magdalena
• Lo Pont vièlh
• Lo CIRDÒC

Personatges ligats a la vila

• Pèire Pau Riquet (1609-1690), arquitècte e engenhaire, creador del Canal de las Doas Mars.
• Joan Antòni Injalbèrt (1845–1933), escultor famós.
• Maria Roanet (1936), cantaira e escrivana.

Espòrt

• Associacion Esportiva de Besièrs Erau

Ligams extèrnes

• Libre de Memorias (Jacme Mascaro, 1390).

---

Etapa precedenta Sant Tibèri Pelegrinatge de Sant Jacme de Compostèla Via Tolosana (varianta per Carcassona) Etapa seguenta Narbona