L’apartheid foguèt una politica de segregacion raciala qu’es estada en vigor entre 1948 e 1990 en Sud-Africa e Namibia (alara jos tutèla sud-africana). Aqueste mot foguèt prononciat per lo primièr còp dins un discors de Jan Smuts, primièr Ministre d’Africa del Sud. Lo tèrme significa « separacion » en afrikaans e neerlandés mas es estat adoptat per gaireben totas las lengas per exprimir una situacion de discriminacion raciala.
La segregacion raciala comencèt durant lo colonialisme, mas l’oficializacion de l’apartheid comencèt après las eleccions generalas de 1948. La nòva legislacion classificava los abitants en grops racials (blancs, negres, coloured e indians) e las zònas residencialas foguèron segregadas per de transferiments forçats de populacion. Los abitants negres foguèron despossedits de la ciutadanetat e transferits dins un dels 10 territòris tribals autonòms diches bantostans, que quatre venguèron d’estats "independents". Lo govèrn segreguèt l’educacion, la santat e d’autres servicis publics, e reservèt per los blancs los de melhora qualitat e pels negres los piègers.
L’apartheid encontrèt una resisténcia intèrna considerabla. Lo govèrn respondiguèt a las protèstas e rebellions en illegalizant l’oposicion, e per una fòrta repression e en empresonant los líders anti-apartheid mai significatius, coma Nelson Mandela. Las reformas promogudas dins los ans 1980 capitèron pas d’estofar l’oposicion, e en 1990 lo president Frederik Willem de Klerk comencèt las negociacions per metre fin al sistèma. En 1994 i aguèt d'eleccions multiracialas per sufragi universal que ganhèt lo Congrès Nacional African de Nelson Mandela.
17 de setembre: lo lemosin Jean-François Ducay se ganha una medalha d'aur en tennis de taula per equipas aus jòcs paralimpics de Rio.
16 de setembre: l’auvernhat Damien Tokatlian (imatge) se guanha ua medalha de bronze en escrima per equipas (amb Maxime Valet que se ganha sa segonda medalha) aus jòcs paralimpics de Rio.
15 de setembre: lo bordalés Romain Noble se guanha ua medalha d'aur en escrima per equipas aus jòcs paralimpics de Rio.
14 de setembre: lo tolosan Maxime Valet se ganha una medalha de bronze al floret als jòcs paralimpics de Rio. Élodie Lorandi se ganha una segonda medalha de bronze.
7 de setembre: la provençala Élodie Lorandi se ganha una medalha de bronze en natacion ais juecs paralimpics de Rio.
7 de setembre: pel 44en còp lo parlament de Liban capita mal a elegir lo president per manca de quorum.
Lo lògo de l’OGC Niça pòrta en occitan Despì 1904 solament despuèi 2013.
La cançon Zombie dau grop The Cranberries foguèt escricha en memòria de Jonathan Ball e Tim Parry, tuats per l’Armada republicana irlandesa provisòria au moment deis atemptats de Warrington. Ramenta lo conflicte nòrd-irlandés emai fa referéncia a l’insurrecion de Pascas de 1916.
