Arsaç

Vilatge d'Occitània

Arsaç
Assas

Lo castèu d'Assaç.

Armas

Geografia fisica

Coordenadas

43° 42′ 10″ N, 3° 54′ 00″ E

Superfícia

19,11 km²

Altituds
· Maximala
· Mejana
· Minimala

164 m
120 m
59 m

Geografia politica

França

Lodeva ^[1]

Sant Geli dau Fesc (Càstias abans 2015)

Intercom
200022986

CC dau Grand Puòg de Sant Lop

Cònsol

Jacques Grau
(2020-2026)

Geografia umana

Populacion
Populacion totala
(2018)

1 505 ab.

1 548 ab.

Densitat

78,28 ab./km²

Autras informacions

arsadenc -enca;

34820

Arsaç (Assas en francés) es una comuna lengadociana situada dins lo departament d'Erau e la region d'Occitània, ancianament de Lengadòc-Rosselhon.

Lo gentilici es arsadenc -enca (fr. assadin -ine o assadain -aine)^[2]. Un escaisnom dels arsadencs es los beu-l'òli^[2] (béu-l'òli en grafia mistralenca^[3]).

Geografia[modificar | modificar la font]

Comunas a l'entorn.

Perimètre del territòri[modificar | modificar la font]

Comunas confrontantas de **Assàs**
Lo Triador	Sant Matieu de Trevièrs	Gusargues
Sant Vincenç de Barbairargues Pradas de Les
Montferrièr de Les	Clapièrs	Teiran

Toponimia[modificar | modificar la font]

Las fòrmas ancianas son : Rostagnus de Arsads, cap a 1103, Rostangni de Arzas en 1130, apud Arzacium en 1156, castrum de Arsacio en 1167, 1185, P. de Arzas en 1191, de Arssacio, de Arsacio, prato de Arsassio, sense data [sègle XII ?], in castro Arsacii, in castro de Arsacio en 1217, parrochia S. Marcialis de Arsacio en 1239, 1288, ecclesie St Marcialis de Arsacio, castro de Arsacio en 1289, cum patuis de Arsacio en 1317, castri Arsassio, castrum de Arsassio, Arsas en 1320, prior de Assercio en 1392, de Arssacio, a la fin dau sègle XIV, la terra et segnorye d'Arsas en 1483, de Assacio en 1529, de Assassio en 1550, Assaz en 1626, Assas en 1622, 1648, 1740-60, 1771, Assas e (a l'èst) Jardin d'Assas en 1770-71 (mapa de Cassini)^[4]

Dauzat explica Assàs per un nom latin d'òme Arcius (o gallés Artius) amb lo sufixe -aceum^[5] e los Féniés i veson un derivat de ars, « cremat » (del vèrbe ardre)^[6] (mas amb quin sufixe ?). Segon Hamlin, Assas dins Sordèl es pas a identificar amb lo toponime. Seriá probablament un derivat dau participi passat occitan ars « cremat », amb lo sufixe -às de valor collectiva : « los luòcs cremats »^[4]. La « valor collectiva » dau sufixe -as (de -aceu-) es una nocion a interrogar.

Fòrmas tiradas dau diccionari topografic d'Eugène Thomas (1865) : Arsads en 1103^[5]; Arzas en 1129; Arciaz en 1132; Arciacium en 1164; Castrum de Arsacio en 1154; De Arzacio en 1176; Arsatium en 1230; De Arssacio en 1304; Assacium en 1528; Assas en 1455^[7]; de Assacio en 1529; de Assassio en 1550; Assas en 1622; Assaz en 1626.