Arrondiment de Lodeva

Situacion de l'arrondiment de Lodeva dins lo departament d'Erau.

L'arrondiment de Lodeva es una division administrativa francesa, situada dins lo departament d'Erau e la region Occitània.

Istòria

En 1790, lo diocèsi de Lodeva foguèt suprimit coma division administrativa, del temps de la creacion dels departaments per la Constituenta : èra alara comprés dins lo "departament maritim del Lengadòc Bas", que venguèt lo departament d'Erau. Lodeva èra alavetz lo capluòc d'un districte comprenent l'ancian diocèsi civil. Per la lei del 28 pluviôse an VIII (17 de febrièr de 1800), al moment de la creacion de las prefecturas e sosprefecturas, Lodeva venguèt capluòc d'arrondiment d'Erau. En 1926, una reforma administrativa suprimiguèt l'arrondiment de Lodeva que foguèt restacat a l'arrondiment de Montpelhièr. En 1946, l'arrondiment de Lodeva foguèt restablit dins los meteisses limits.

Composicion

Lista dels cantons de l’arrondiment de Lodeva :

• canton de Clarmont d'Erau ;
• canton de Ginhac ;
• canton de Lodeva.