Bedarius

Aqueste article es un esbòs.

Podètz partejar vòstras coneissenças en lo melhorant (cossí ?).

Vila d'Occitània

Bedarius
Bédarieux

La glèisa de Sant Alexandre de Bedarius.

Armas

Geografia fisica

Coordenadas

43° 36′ 18″ N, 3° 09′ 35″ E

Superfícia

27,82 km²

Altituds
· Maximala
· Mejana
· Minimala

520 m
201 m
184 m

Geografia politica

França

Arrondiment de Besièrs

Canton
3403

Clarmont d'Erau, (Bedarius abans 2015)

Intercom
ZZZZZZZZZ

CC de Grand Òrb (residéncia)

Cònsol

Francis Barsse
(2020-2026)

Geografia umana

Populacion
Populacion totala
(2018)

5 771 ab.

6 002 ab.

Densitat

224,34 ab./km²

Autras informacions

bedarissenc -enca

34600

Bedarius^[1]^[2] [beda'riju]^[2] o Bedariu^[1] (Bedarriéus en grafia mistralenca^[3]; Bédarieux en francés) es una comuna lengadociana situada dins lo departament d'Erau e la region d'Occitània, ancianament de Lengadòc-Rosselhon.

Lo gentilici es bedarissenc -enca (fr bédaricien -ienne)^[1].

Geografia[modificar | modificar la font]

Vista generala de Bedarius.

La vila se situa a 56 km a l'oèst de Montpelhièr, 22 km a l'oèst de Clarmont d'Erau e 30 km al nòrd de Besièrs.

La comuna es dins la val d'Òrb, ont lo riu reçaup lo rèc Vèbre en tot formant una mena de bèc que segon una legenda en fòrma d'etimologia populara li donèt son nom, Bec de Rius.

Comunas a l'entorn.

Perimètre del territòri[modificar | modificar la font]

Comunas confrontantas de **Bedarius**
	La Torre d'Òrb	Carlencaç e Levaç
Vilamanha (l'Argentièira)
Erépia	Faugièiras	Pesena de las Minas

Toponimia[modificar | modificar la font]

La prononciacion es [beda'riju]. Las fòrmas ancianas son ad Bedeirias, de Bedeiriis en 1164, parochia S. Alexandri de Biterivis en 1189 e 1260, Bederius en 1241, apud Biterrivos en 1279, castri de Biterrivis en 1322 e 1361, de Biterrivis en 1323, de Bitterrivis en 1324, Bitterivis en 1344, de Beterivis en 1361, lo luoc de Bederieus en 1364, Bedarrieux en 1571 e 1590, Bec de Riou en 1613, Bec de vieux en 1622, Bederieus en 1643, la ville de Bédarieux en 1654, Bédarrieux en 1694 e 1771, Bedarrieux en 1740-1760 e en 1770-72 (mapa de Cassini)^[4].

Dauzat recusa parcialament la latinizacion de 1164, que pensa influenciada per Besièrs e interprèta lo nom a partir d'un bas latin *betarivum, varianta de *betarium (los dos son inatestats e son bastits a partir del mot latin beta, « bleda-raba » e del sufixe -arium), amb un sufixe -ivum ^[5]. Negre part de la fin de la fòrma de 1323, que representa rius, e lo gallés bedo-, « besal, canal » auriá poscut èsser en relacion amb un mot bas latin beta, « maire de cors d'aiga, canal », atestat en 1219; amb lo sufixe -aria, bastís un (villa) *betaria, « proprietat rurala del flume, del riu »; *betariae rivos seriá [de faiçon pleonasmica] « los rius de la (villa) Betaria » ^[6]. Mas un latin vulgar beta seriá una falsa regression a partir del latin bedo-, cèrtas necessària foneticament (lo -d- de Bedarius es per fòrça l'eretièr d'un -t- latin). La construccion sembla un bocin fragila.

Bedarius es un derivat del vascon biterri, « borg de la rota », qu'a donat tanben lo nom de Besièrs, amb una fòrma latinizada *Biterria e la desinéncia latina de l'ablatiu-locatiu -is. Pendent l'Edat Mejana, l'accent tonic passèt sus la darrèra sillaba, puèi lo nom recebèt l'atraccion paronimica de l'occitan riu (segon l'ipotèsi d'Enric Guiter)^[4].

Istòria[modificar | modificar la font]

Aquesta seccion es voida, pas pro detalhada o incompleta. Vòstra ajuda es benvenguda !

Administracion[modificar | modificar la font]

Lista dels cònsols successius
Periòde		Identitat	Etiqueta	Qualitat
mai de 2020	2026	Francis Barsse	PS, puèi divèrs esquèrra
1983	2020	Antoine Martinez	PCF puèi PS	retirat de l'ensenhament, conselhièr general del canton de Bedarius (1976-2015)
març de 1977	1983	Marcel Roques	UDF	Deputat (1993-1997), conselhièr regional
març de 1959	1977	René Pagès	PCF	conselhièr general del canton de Bedarius (1964-1976)
1947	1959	Henri Maffre	SFIO	conselhièr general del canton de Bedarius (1958-1964)
1945	1947	Lebarbie Lucien
	1945
Totas las donadas son pas encara conegudas.