Tiudaç

Vilatge d'Occitània

Tiudaç Roqueredonde
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Geografia fisica
Coordenadas	43° 48′ 05″ N, 3° 12′ 46″ E
Superfícia	22,71 km²
Altituds  · Maximala  · Mejana  · Minimala	853 m 680 m 453 m
Geografia politica
País	Lengadòc
Estat	França
Region 76	Occitània, ancianament de Lengadòc-Rosselhon
Departament 34	Erau
Arrondiment 342	Lodeva
Canton 3416	de Lodeva, ancianament de Lunaç
Intercom 200017341	Comunautat de comunas Lodevés e Larzac 200017341
Cònsol	Jean Reverbel (2014-2020)
Geografia umana
Populacion Populacion totala (2013)	234 ab. ab.
Densitat	10,3 ab./km²
Autras informacions
Gentilici	(en francés)
Còde postal	34650
Còde INSEE	34233

Tiudaç ( Roqueredonde en francés) es una comuna lengadociana situada dins lo departament d'Erau e la region d'Occitània, ancianament de Lengadòc-Rosselhon.

Geografia

Perimètre del territòri

Comunas confrontantas de Tiudaç

Fondamenta (Avairon)	Lo Clapièr (Avairon)	Romiguièiras
Selha e Rocosèls		Laurós
	Jaucèls	Los Plans

Toponimia

Una curiositat toponimica es que lo nom de la comuna en occitan e lo nom en francés an pas cap de rapòrt.

• Roqueredonde, traduccion de Ròca-redonda. Lo mot ròca ven d'un prelatin *rocca e s'aplica a una montanha o una tuca rocassuda, puèi al castèl fòrt bastit dessús, enfin a un castèl fòrt en general . L'adjectiu precisa la fòrma del castèl o (benlèu) del puòg. Fòrça comunas an un nom qu'es lo d'un castèl e non pas lo del luòc de l'administracion comunala, mas aquò apareis pas totjorn perqué lo nom del castèl es transferit al vilatge.
• Tiudaç. Lo nom deu èsser lo meteis que lo de Thiais (region parisenca), qu'èra lo nom germanic d'òme *Theodasium, masculin de Theodasia, cap a 1180 . Dins los noms germanics, la sillaba Theo- es purament convencionala e s'explica per l'atraccion del nom de Diu en grèc; representa quicòm coma Teu- o Tiu- en general. Tiudaç, o benlèu Tiudàs seriá donc un nom germanic, emplegat sense sufixe. Simple ostal al sègle XVIII, son nom deviá èsser lo d'un abitant.
• Autinhaguet (fòrma supausada) deu èsser lo diminutiu d'Autinhac, o d'un autre. Autinhac s'explica per un nom latin d'òme Altinius, amb lo sufixe gallés -āco(n).
• Lo Mas de Gresas. Es un masatge e a l'origina un mas èra un ostal de paisan. Lo mot gresa, plan viu dins la lenga e frequent en toponimia occitana, fòrma femenina de gres, d'origina prelatina, a lo sens de « terrenh peirós, rocassut » .

Istòria

La mapa de Cassini (fin del sègle XVIII) mòstra que Tiudàs (grafiat Tieudas) èra pas qu'un simple ostal e que las parròquias èran Autinhaguet, al nòrd-èst, e Le Mas de Mourié (Lo Mas de Morièr ?) al sud, mas qu'avián pas gaire d'importància demografica, mai que mai lo segond. La mapa mòstra tanben las roïnas d'un castèl, al nòrd del Mas de Morièr, mas pòrta pas lo nom de Ròca-redonda. Lo camin principal, de Lodeva a Sant Africa, passava per Autinhaguet e se pòt que lo camin actual, RD 902, de Lodeva a Albi per Selha èra pas encara fach. Un còp Tiudàs causit per i installar la comuna, beneficièt d'una situacion de caireforc local e venguèt un vilatge d'una certana importància, provesit d'una glèisa e d'una escòla. Autinhaguet e lo Mas de Morièr, isolats de la circulacion generala (pel Mas de Morièr, deviá èsser dejà aital al sègle XVIII), demorèron pauc de causa. D'ostals an disparegut, coma Solairòls, que son nom, derivat de solarium, marca pr'aquò una situacion ensolelhada.

Administracion

Lista dels cònsols successius

Periòde		Identitat	Etiqueta	Qualitat
2001	2020	Jean Reverbel	divèrs drecha	agricultor
	2001
Totas las donadas son pas encara conegudas.

• Abans la refòrma cantonala de 2014, aplicada en 2015, la comuna èra del canton de Lunaç; es ara del canton de Lodeva.

Demografia

Evolucion demografica Populacion comunala actuala (2013): 234, totala:
1793	1800	1806	1821	1831	1836	1841	1846	1851
305	288	367	335	375	353	339	380	349
1856	1861	1866	1872	1876	1881	1886	1891	1896
307	281	312	313	310	352	354	350	339
1901	1906	1911	1921	1926	1931	1936	1946	1954
311	290	286	224	238	250	179	164	149
1962	1968	1975	1982	1990	1999	2006	2007	2008
136	202	206	196	169	138	161	163	190 190
2009	2010
218 218	245 245
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE