Comuna

Un article de Wikipèdia, l'enciclopèdia liura.
(Redirigit dempuèi Comuna francesa)
Anar a : navigacion, Recercar

La comuna es una division administrativa, la circonscripcion la mai pichona del territòri francés[1]. Una comuna correspond generalament al territòri d'una vila o d'un vilatge. Sa superfícia e sustot sa populacion pòdon variar considerablament (la pus poblada, París, possedís mai de dos milions d'abitants, las mens pobladas zèro.

Al 1èr de març de 2007, existissiá 36 782 comunas en França (dont 214 en otramar) que cobrissián l'integralitat del territòri francés (a l'excepcion de Wallis e Futuna e de qualques territòris sens populacion permanenta), çò que representa environ la mitat del nombre total de comunas dins l'Union Europèa.

La lista seguenta recapitula lo nombre de comunas per departament o comunautat d'otramar. D'un biais general, los departaments situats al nòrd e a l'èst de França comptan mai de comunas que los situats al sud e a l'oèst. Los departaments e comunautats d'otramar tanben son largament mens devesits que los de la França metropolitana. Enfin, París e los departaments de sa pichona corona, del fach de lor talha pichona, ne còmptan fòrça mens.

Municipi ena Val d'Aran[modificar | modificar la font]

Municipis dera Val d'Aran

Un municipi ei era entitat locau basica dera organizacion territoriau e er element primari de participacion ciutadana enes ahèrs publics. Ena antica Roma un municipi (municipium en latin) ère ua ciutat liura que se governaue pes sues pròpries leis, encara qu'es sòns vesins obtienguen es drets de ciutadanatge roman.

Nòtas[modificar | modificar la font]

  1. Çaquelà, París, Lion e Marselha son de comunas francesas subdevesidas en arrondiments.