Var (departament)
|
Departament de Var (83)
| |
|---|---|
| Fichièr:Logo 83 var.jpg | |
| |
| OpenStreetMap | . |
| Administracion | |
| Region istorica |  Provença
|
| Region | Provença Aups e Còsta d'Azur 
|
| Prefectura | Tolon |
| Prefècte | Pierre Soubelet |
| President del conselh departamental |
Marc Giraud (UMP) |
| Sosprefectura(s) | Brinhòla Draguinhan
|
| Demografia | |
| Populacion Populacion totala |
1 085 189 ab. (2020) 1 102 299 ab. |
| Densitat | 181,68 ab./km²
|
| Geografia | |
| Superfícia | 5 973 km²
|
| Subdivisions | |
| Arrondiments | 3 |
| Circonscripcions | 8 |
| Cantons | 23 |
| Intercomunalitats | 12 |
| Comunas | 153
|
| Autras informacions | |
| Còde INSEE | 83 |
| ISO 3166-2 | FR-83 |
| NUTS-3 | FR825 |
| Sit web | Recercar |
Var (83) es un departament de l'estat francés situat en Occitània, dins la region administrativa de Provença-Aups-Còsta d'Azur e dins la region istorica de Provença.
Lo capluòc es Tolon.
Lo gentilici es varés -esa.
Origina dau nom
[modificar | Modificar lo còdi]Lo departament tira son nom dau riu de Var, perque avans 1860, aqueu riu n'èra lo limit orientau, e mai s'ara lo riu es completament dins lo departament deis Aups Maritims. Quand lo Comtat de Niça intrèt dins l'estat francés en 1860, trobèron que fariá pas un departament pron gròs doncas li ajonhèron la part orientala dau departament de Var (region de Grassa, Canas e Antíbol) per ne far, amb lo Comtat de Niça, lo departament novèu deis Aups Maritims. Lo departament de Var ansin perdèt sa frontiera amb lo riu de Var, pasmens n'a gardat lo nom.
Geografia
[modificar | Modificar lo còdi]Var es un departament forestier: 56% (341 000 ha) de la superficia es boscós. Var possedis un relèu variat amb doas parts geologicament diferentas: la part calcària sus tot l'Oèst d'un axe Tolon-Draguinhan, e una part cristallina a l'Èst: lei massís ancians dei Mauras e de l'Esterèu.
Lei principaus massís costiers son:
- lei Mauras (bèla cima 771 m) e l’Esterèu (bèla cima 618 m) a l'Èst dau departament, que son de sòl cristallin.
- A l’Oèst dau departament se tròba lo massís de la Santa Bauma (bèla cima 1147 m).
- Au Nòrd-Èst dau departament, la montanha de Lachens (1715 m) es la bèla cima de Var.
- Lei plans au Nòrd dau departament coma lo Plan de Canjuers s'auçan gradualament de 500 a 1000 m. Au Sud e a l’Oèst d'autrei plans coma lo plan dau Siu Blanc au Nòrd de Tolon, son a una mejana de 400 a 700 m d'altitud.
Istòria
[modificar | Modificar lo còdi]Lo departament es creat lo 4 de març de 1790 amb 9 districtes: Tolon, Grassa, Ieras, Draguinhan, Sant Pau, Brinhòlas, Frejús, Sant Maissemin e Barjòus. La prefectura es fixada a Tolon lo 4 de setembre de 1790.
Lo 27 de julhet de 1793, la prefectura es transferida a Grassa.
Lo 19 de vendemiaire de l'an IV (11 d'octobre de 1795), la prefectura es transferida a Brinhòlas.
Lo 9 de floreau de l'an V (28 d'abril de 1797), la prefectura es transferida a Draguinhan.
En 1860, lo departament pèrd l'arrondiment de Grassa, transferit ais Aups Maritims.
En 1974, la prefectura torna a Tolon.
Eraudica
[modificar | Modificar lo còdi]Coma la mai granda part daus departaments, Var a pas d’escut oficiau. Pasmens dins l’Armoriau de Traversier (1842)[1] e l’Atlas de Levasseur (1854)[2] s’utilizava l’escut de Draguinhan.
-
Escut del departament segond l’Atlas de Levasseur (1854) -
Blason dau departament propausat per Robert Louis (annadas 1950) -
Escut de la ciutat de Tolon -
Escut de la ciutat de Draguinhan, prefectura de 1797 a 1974 -
Escut de la ciutat de Brinhòlas, prefectura de 1795 a 1797 -
Escut de la ciutat de Grassa, prefectura de 1793 a 1795 -
Escut de la ciutat de Barjòus -
Escut de la ciutat de Frejús -
Escut de la ciutat d'Ieras -
Escut de la ciutat de Sant Maissemin -
Escut de la ciutat de Sant Pau
.svg)
.svg)
.svg)
.svg)
.svg)
.svg)
.svg)
.svg)
Articles de Wikipèdia
[modificar | Modificar lo còdi].svg){kind=small}
.svg)
- ↑ Henri Traversier, Léon Vaïsse. Armorial national de France. Recueil complet des armes des villes et provinces du territoire francais, reuni pour la premiere fois, dessine et grave par H. Traversier..., Paris: Challamel, 1842.
- ↑ Victor Levasseur. Atlas National Illustré des 86 Départements et des Possessions de la France Divisé par Arrondissements, Cantons et Communes, avec le tracé de toutes les routes, chemins de fer et canaux. Paris: A. Combette, 1854