Graisseçac

Vilatge d'Occitània

Graisseçac Graissessac
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Vista generala de Graisseçac, presa en davalant del Còl de Lairac.
Armas
Geografia fisica
Coordenadas	43° 40′ 54″ N, 3° 05′ 36″ E
Superfícia	10,03 km²
Altituds  · Maximala  · Mejana  · Minimala	1 001 m 350 m 270 m
Geografia politica
País	Lengadòc
Estat	França
Region 76	Occitània
Departament 34	Erau
Arrondiment 341	Arrondiment de Besièrs
Canton 3403	de Clarmont d'Erau, ancianament de Bedarius
Intercom 243400538	comunautat de comunas Grand Orb 200042646
Cònsol	Roland Bascoul (2014-2020)
Geografia umana
Populacion Populacion totala (2018)	632 ab. 641 ab.
Densitat	69,59 ab./km²
Autras informacions
Còde postal	34260
Còde INSEE	34117

Graisseçac (Graissessac en francés) es una comuna lengadociana situada dins lo departament d'Erau e la region d'Occitània, ancianament de Lengadòc-Rosselhon.

Geografia

Perimètre del territòri

Comunas confrontantas de Graisseçac

Melagas (Avairon)	Avèna
Sant Gervais		Camplong
	Sant Estève d'Estrechós

Toponimia

Dauzat fornís doás atestacions ancianas, Graixantarias, en 804, de Gressiaco, en 1516, e doás de pus recentas, Graissac, Graissessac, en 1760 , mas n'i a mai : Allum villarem quem vocant Graixamarias, en 806, Raimundus de Graissensac, en 1141 (cartulari de l'abadiá de Silvanés p. 136), Raimundus de Graissenciaco, en 1142 (ibid p 57), Raimundus de Graisenzac, en 1154, (ibid., p 61), Raimundus de Graissenciaco, en 1200 (cartulari de Valmanha), Raymondus de Graissenciaco, en 1204. Dauzat explica l'atestacion de 804 pel gallés craxantos, « grapaud », amb lo sufixe -arium [o sa fòrma femenina -aria]; per la de 1516, suggerís lo nom latin d'òme Grassius, amb lo sufixe -acum , latinizacion del sufixe gallés -āco(n). Los Féniés fan pas res de la fòrma de 804 e explican lo nom modèrne per lo nom Crassicius + -acos .

En primièra analisi, se devinha un crosament entre un nom format sul gallés craxanto- e un nom en -ac. Seriá pas rasonable de supausar que i a dos noms diferents e successius, d'aitant que las fòrmas dels sègles XII e XIII (que Dauzat coneissiá pas) consèrvan l' n de craxanto-, absorbit desempuèi. E coma las fòrmas basadas sus craxanto- son las pus ancianas, coma la de 806 manifèsta dejà un començament d'escamotatge del mot qu'a lo sens de « grapaud », es probable que lo nom d'origina a lo sens de « luòc emplenat de grapauds » e que se modifiquèt aprèp. Al sègle IX, lo nom èra comprés : l'eretièr de craxanto-, graissan, o graiçan se se vòl, visquèt longtemps en occitan. Cal supausar que lo nom foguèt considerat lèu coma pejoratiu per sos abitants umans e que lo volguèron amagar darrèr una finala banala en -ac, per quitar de viure dins una grapaudièra. En tot cas, es una explicacion sociologica e psicologica coma una autra. I a un segond fenomèn curiós qu'es la tendéncia a escriure pas qu'un -ss-. La reaccion normala d'un escriba (perqué cal pas oblidar qu'avèm de fòrmas escritas) en preséncia d'un mot que conten dos còps -ss- es de pensar que lo qu'a escrich lo tèxte abans el a copiat dos còps la meteissa causa. Pr'aquò, lo mot foguèt benlèu sincopat a l'oral de temps en temps, sense qu'aquò siá definitiu, mas no'n mancan las pròvas.

Istòria

• La comuna de Graisseçac se creèt en 1859. Lo siti Cassini escriu que Graisseçac ven del territòri de La Torre d'Òrb , es un pauc mai complicat. D'una part, La Torre d'Òrb s'apelava encara Boçagas (nom supausat), d'autra part, las doás comunas se tòcan pas. Graisseçac ven del territòri de Camplong, que aparteniá a Boçagas abans la Revolucion.

Administracion

Lista dels cònsols successius

Periòde		Identitat	Etiqueta	Qualitat
2014	2020	Roland Bascoul	sense etiqueta	retirat foncion publica
2008	2014	Francine Saisi
2001	2008	Bernard Rodier
Totas las donadas son pas encara conegudas.

• Abans la refòrma cantonala de 2014, aplicada en 2015, la comuna èra del canton de Bedarius; es ara del canton de Clarmont d'Erau.

Demografia

Evolucion demografica Populacion comunala actuala (2013): 698, totala: 717
1856	1861	1866	1872	1876	1881	1886	1891	1896
-	1 320	2 311	2 134	2 880	3 089	2 738	2 936	2 282
1901	1906	1911	1921	1926	1931	1936	1946	1954
2 093	2 092	2 042	2 200	2 322	2 548	2 416	2 318	2 404
1962	1968	1975	1982	1990	1999	2006	2007	2008
1 962	1 510	1 134	924	687	632	686	682	690 697
2009	2010
699 704	708 710
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE

Veire tanben

• Comunas d'Erau