Aumelaç

Vilatge d'Occitània

Aumelaç
Aumelas

Castèl d'Aumelaç

Armas

Geografia fisica

Coordenadas

43° 36′ 14″ N, 3° 35′ 57″ E

Superfícia

58,26 km²

Altituds
· Maximala
· Mejana
· Minimala

341 m
180 m
64 m

Geografia politica

Lengadòc

França

Lodeva

Ginhac

Ronny Poncé
(2020-2026)

Geografia umana

Populacion
Populacion totala
(2018)

529 ab.

Evolucion de la populacion

546 ab.

Densitat

8,7 ab./km²

Autras informacions

Gentilici

aumelacenc, aumelacenca

Còde postal

34230

Còde INSEE

34016

Aumelaç^[1] (Aumelas en grafia mistralenca^[2] e en francés) es una comuna lengadociana situada dins lo departament d'Erau e la region d'Occitània, ancianament de Lengadòc-Rosselhon.

Lo gentilici es aumelaçenc -enca o aumelassenc -enca. Son escaissats los copagarrolhas o los manjamèrles.^[3]

Geografia

I a pas o pas mai de vilatge d'Aumelaç, que garda çaquelà un castèl arroïnat e una glèisa sus un morre. La comuna es au Mas d'Arnaud. Cabrials, en situacion periferica au sud-oèst de la comuna, es un vilatge relativament important. Las construccions recentas son mai que mai a Cabrials e encara mai au Mas d'Arnaud. Lo Cardonet es abandonat (una glèisa romanica sola).

Toponimia

Aumelàs

Las fòrmas ancianas son : castello quem vocant Omelares [legir : -ates] de Guidone, cap a 1036, castro quod vocant Emellaz, castrum d'Omellaz, de Omellaz en 1068 (?), ad Omellaz en 1113, castellum d'Omelas en 1114, ecclesia S. Salvatoris de Omelaz en 1114, in Omelaz, parochia S. Marie de Omelaz en 1118, domino de Omellacio, Guillelmo de Omellatis en 1122, Guilelmi de Omelaz en 1137, Willelmus de Omellacio en 1138, Guillelm d'Omellas en 1148, castro de Omellas en 1194, in cauceni de Omellaz en 1199, terminio de Homelaz, al sègle XII, castri et terre de Omelacio en 1272, de Omelacio, de Beatâ Mariâ-de-Omelacio en 1323, vicecomitatibus Omeladesii et Carladesii en 1352, de Homelatio en 1361, la baronie de Homelas, d'Omelau, cap a 1370, la ville et baronnie de Montpellier et Homelas en 1484, Aumelas en 1571, 1590, 1622, 1643, 1708, 1740-60, Omelas en 1740-60, Homelas en 1770-72 (mapa de Cassini)^[4].

Segon Dauzat, Aumelaç vendriá dau greco-latin amygdala, « amètla », amb lo sufixe -aris, per un sens ipotetic « los ametlièrs »^[5]Sens del nom segon Ernèst Negre: "luèc plantat d'olmes"^[6]. L'etimologia prepausada per Frank R. Hamlin es mai versemblable (que dins la garriga creisson pas los olmes): domeni galloroman, sobrenom latin Homullus mai sufixe prelatin [gallic] -atis^[4].

Cabrials

Las fòrmas ancianas son : villa Caprelis en 990, villa que vocatur Cabrils en 1094, apud Cabrils en 1134, terminio de Cabrils en 1137, ad Kabrils en 1138, villam de Caprillis en 1199, villa de Caprilis, al sègle XII, capellam S. Petri de Caprilis en 1201, de Caprilis en 1351, de Cabrilis en 1361, Cabrialz en 1571, vicaire de Cabrialz au Causse d'Aumellas en 1636, Cabrials en 1643, 1708, Cabinals en 1740-60, Cabrials en 1770-72 (mapa de Cassini). Cabrials ven de l'ancian occitan cabril, vengut posteriorament cabrial, que deviá significar « luòc d'elevatge o pastenc de cabras » ^[7].

Cardonet

Las fòrmas ancianas son : capellanus de Cardoneto en 1153, villam de Cardoneto en 1199, de Cardoneto en 1323, de Cardonneto en 1361, viccaire de Cardonnet en 1571, Cardonnel en 1622, S. Martin de Cardoñets en 1708, p[aroi]sse de Cardonnet en 1740-60, Cardonnet en 1770-72 (mapa de Cassini). Cardonet ven de l'occitan cardon, amb lo sufixe collectiu -et; lo sens es : « luòc plantat de cardons », mai versemblablament dipsacus fullonem, que servissiá per lo cardatge de la lana, que dipsacus silvestris^[8].

Fòrmas ancianas tiradas dau diccionari topografic d'Eugène Thomas

Aumelaç/Aumelàs - Omelares castellum en 1036; Villa Amellan en 1126; Amelaz en 1148; De Amenlario en 1166; Omellacium, Omellatium, Omelacium, Omelassium, de Omellatis als sègles XII e XIII; Omellas, Omelaz, Omelas, Aumelaz als sègles XII e XIII; Omelas (occitan) en 1287^[9]; Homelas en 1512^[10] Valdras et Homelas en 1518; Aumelas en 1570^[11]; Aumellas en 1649; Aumelas en 1688^[12].

Istòria

Aquesta seccion es voida, pas pro detalhada o incompleta. Vòstra ajuda es benvenguda !

Foguèt durant l'Edat Mejana lo centre d'una baroniá e puèi del viscomtat d'Aumeladés^[3], possession dels Guilhèms de Montpelhièr, puèi dels reis de Malhòrca.

Las comunas de Cabrials e dau Cardonet li foguèron restacadas dins las annadas 1790-1794 ^[13].

Administracion

Lista dels cònsols successius
Periòde		Identitat	Etiqueta	Qualitat
mai de 2020	2026	Ronny Poncé		quadre comerciau
març de 2008	2020	Michel Saintpierre	sense	agricultor
març de 1989	2008	Jean-Claude Poncé	divèrs esquèrra
1947	1989	Henri Cheule
1944	1947	François Saintpierre		President dau comitat locau de Liberacion
1933	1944	Émile Cheule		President de la delegacion especiala en 1942
	1933
Totas las donadas son pas encara conegudas.