Graisseçac

Vilatge d'Occitània

Graisseçac
Graissessac

Vista generala de Graisseçac, presa en davalant del Còl de Lairac.

Armas

Geografia fisica

Coordenadas

43° 40′ 54″ N, 3° 05′ 36″ E

Superfícia

10,03 km²

Altituds
· Maximala
· Mejana
· Minimala

1 001 m
350 m
270 m

Geografia politica

Lengadòc

França

Arrondiment de Besièrs

Canton
3403

Clarmont d'Erau (Bedarius abans 2015)

Intercom
243400538

CC de Grand Òrb

Cònsol

Mariette Combes
(2020-2026)

Geografia umana

Populacion
Populacion totala
(2018)

632 ab.

Evolucion de la populacion

641 ab.

Densitat

69,59 ab./km²

Autras informacions

Gentilici

graissassaquenc -enca
graissessacois -oise

Còde postal

34260

Còde INSEE

34117

Graisseçac^[1] o Graissassac^[2] (Graissessac en grafia mistralenca^[3]; Graissessac en francés) es una comuna lengadociana situada dins lo departament d'Erau e la region d'Occitània, ancianament de Lengadòc-Rosselhon.

Lo gentilici es graissassaquenc -enca (fr graissessacois -oise)^[2].

Geografia

Perimètre del territòri

Comunas confrontantas de **Graisseçac**
Melagas (Avairon)	Avèna
Sant Gervais		Camplong
	Sant Estève d'Estrechós

Toponimia

Las fòrmas ancianas son : Graixantarias villaris en 804-6; Graixamarias en 806; Raimundus de Graissensac en 1141 (cartulari de l'abadiá de Silvanés p. 136); Raimundus de Graissenciaco en 1142 (ibid p 57); Raimundus de Graisenzac en 1154; (ibid., p 61); Raimundus de Graissenciaco en 1200 (cartulari de Valmanha); Raymondus de Graissenciaco en 1204; Rector de Gressiaco en 1516; Cure de Graissac ; prieuré de S. Sauveur-Graissessac et Camplong en 1760; Graissessac en 1780; Graissessac al sègle XVIII (Cassini); Graicessac en 1837 probablament segon lo (marrit) diccionari topografic d'Eugène Thomas (1865)^[4].

Frank R. Hamlin admet pas per Graisseçac las primièras fòrmas e las atribuís a Grassentières (comuna de Puèg-Abon) o a un omonime de Gard. Dona las fòrmas ancianas seguentas : Raimundus de Graissenciaco en 1200, Raimundus de Graisensac en 1141, Raimundus de Graisenciaco en 1142, Raimundus de Graisenzac en 1154, Raimundus de Graissessaco en 1204, ad Graissessacum en 1225, vallis de Grayssiciaco en 1396, a Greyssessac en 1500, Graissesac en 1629, l'eglise de Graissessac en 1740-60, Graissessac en 1770-1772 (mapa de Cassini)^[5].

Dauzat explica l'atestacion (supausada) de 804 pel gallés craxantos, « grapaud », amb lo sufixe -arium [o sa fòrma femenina -aria]; per la de 1516, suggerís lo nom latin d'òme Grassius, amb lo sufixe -acum ^[6], latinizacion del sufixe gallés -āco(n). Los Féniés fan pas res de la fòrma de 804 e explican lo nom modèrne per lo nom Crassicius + -acos ^[7].

Segon Hamlin, Graisseçac ven del gentilici latin *Graxentius, inatestat, amb lo sufixe -acum. Graisseçac èra una proprietat galloromana^[5]. *Graxentius (o C- o *Graxintios, C-) sembla ben un derivat del celtic Graxsios o Grassios, atestats^[8].

Istòria

La comuna de Graisseçac se creèt en 1859. Lo siti Cassini escriu que Graisseçac ven del territòri de La Torre d'Òrb ^[9], es un pauc mai complicat. D'una part, La Torre d'Òrb s'apelava encara Boçagas (nom supausat), d'autra part, las doás comunas se tòcan pas. Graisseçac ven del territòri de Camplong, que aparteniá a Boçagas abans la Revolucion.

Administracion

Lista dels cònsols successius
Periòde		Identitat	Etiqueta	Qualitat
2020	2026	Mariette Combes	divèrs esquèrra
2014	2020	Roland Bascoul	sense etiqueta	retirat foncion publica
2008	2014	Francine Saisi
2001	2008	Bernard Rodier
	2001
Totas las donadas non son pas encara conegudas.