Vilaroja de Termenés

Vilaroja de Termenés; Villerouge-Termenès
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
	La glèisa Sant Estève.
	Armas
	Armas
	Geografia fisica
Coordenadas	43° 00′ 28″ N, 2° 37′ 44″ E
Superfícia	19,41 km²
Altituds; · Maximala; · Mejana; · Minimala	; 620 m; 310 m; 272 m
	Geografia politica;
País	Lengadòc;
Estat	França;
Region; 76	Occitània ;
Departament; 11	Aude ;
Arrondiment; 113	Narbona (Carcassona abans 2017);
Canton; 1107	Las Corbièras (Motomet abans 2015);
Intercom; 200035863	CC de la Region Lesinhanenca, Corbièras e Menerbés;
Cònsol	Michel Ponçot ; (2020-2026)
	Geografia umana
Populacion; Populacion totala; (2018)	152 ab. Evolucion de la populacion; 158 ab.
Densitat	7,21 ab./km²
	Autras informacions
Còde postal	11330
Còde INSEE	11435

Vilatge d'Occitània

Vilaroja de Termenés, autra grafia Vila-roja (de Termenés)^[1] (Vilo-Roujo en nòrma mistralenca^[2] e Biloróujo en grafia de Savartés^[3]; Villerouge-Termenès en francés) es un vilatge d'Occitània, en Lengadòc, dins lo departament d'Aude, dins la region administrativa d'Occitània, ancianament de Lengadòc-Rosselhon.

Geografia

Toponimia

Vilaroja de Termenés

Las atestacions ancianas son : Villarubea en 1107; Villa Rubea en 1156; Castrum Villae Rubeae en 1110; Villarubea in Termenesio en 1343; Vylaroga de Termenes en 1391; Vylha Roja en 1538; Vilarouge en 1595; Villerouge de Termenès en 1781; Biloróujo en 1912 (prononciacion segon Savartés)^[4]^[3].
Vilaroja es format de villa, que designa las grandas proprietats ruralas a partir del sègle IV, puèi pren pauc a pauc lo sens de « vilatge ». Lo determinant es un epitèt de natura descriptiva ^[5].

Sant Martin de las Ausinas

Es una capèla rurala al nòrd de Vilaroja, un ancian priorat, unit a l'abadiá de La Grassa. Las atestacions ancianas son : Forcia Sancti Martini de Villarubea en 1227, Sant Marti delhas Auzinas en 1538, Saint Martin en 1683, Saint Martin, lieu ruiné en 1763 ^[6].
Sant Martin, avesque de Tors, èra un evangelizator de las Gàllias al sègle IV ^[7]^,^[8] e las parròquias que pòrtan son nom datan sovent de la Nauta Edat Mejana o de l'Antiquitat tardiva. Las ausinas son los euses (elzes en roergàs, Quercus ilex); la fòrma eusina passa pro sovent a au-, perqué eu- pretonic se consèrva mal.

Istòria

Dins lo vilatge demora lo castèl, ont foguèt cremat en 1321, Guilhèm Belibasta lo darrièr bon òme catar.

Administracion

Lista dels cònsols successius
Periòde		Identitat	Etiqueta	Qualitat
mai de 2020	(2026)	Michel Ponçot	divèrs esquèrra
junh de 2012	2020	Philippe Brulé	divèrs esquèrra
junh de 1995	junh de 2012	Eric Andrieu	PS	Conselhièr general de 1988 à 2004, conselhièr regional de 2004 a 2015, vice-president del conselh regional de Lengadòc-Rosselhon de 2004 a 2010, primièr vice-president del conselh regional de 2014 a fin 2015, president del País Corbièras-Menerbés, deputat europèu de 2012 a 2023 (demission)
?	?	Paul Séguy
abans 1981	?	Auguste Marcy	PS
Totas las donadas non son pas encara conegudas.

Abans la refòrma cantonala de 2014, aplicada en 2015, la comuna èra del canton de Motomet; es ara del canton de Las Corbièras (burèu centralizator : Fabresan).