Conilhac de la Montanha

Vila d'Occitània

Conilhac de la Montanha Conilhac-de-la-Montagne
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Vista generala de Conilhac de la Montanha.
Armas
Geografia fisica
Coordenadas	42° 58′ 46″ N, 2° 11′ 41″ E
Superfícia	4,45 km²
Altituds  · Maximala  · Mejana  · Minimala	602 m 442 m 380 m
Geografia politica
País	Lengadòc
Estat	França
Region 76	d'Occitània, ancianament de Lengadòc-Rosselhon
Departament 11	Aude
Arrondiment 112	Limós
Canton 1114	Canton de Quilhan, ancianament de Couiza
Intercom 200071926	Comunautat de comunas del Limouxin SIREN 200043487
Cònsol	Jean-Paul Canet (2014-2020)
Geografia umana
Densitat	14,83 ab./km²
Autras informacions
Còde postal	11190
Còde INSEE	11097

Conilhac de la Montanha (Conilhac-de-la-Montagne en francés) es una comuna lengadociana, situada dins lo departament d'Aude e la region d'Occitània, ancianament de Lengadòc-Rosselhon.

Geografia

Los ostals individuals bastits mai que mai al sud e sud-oèst del vilatge (bona exposicion, polidas vistas e pendas moderadas) son en rapòrt ambe l'aumentacion de la populacion dempuèi 1999.

Perimètre del territòri

Comunas confrontantas de Conilhac de la Montanha

Borièja	Ròcatalhada	Alet
La Serpent	Antunhac

Toponimia

I a dos Conilhacs (tres en comptant un lòc entre Narbona e Grussan ) e totis dos son del departament de l'Aude, Conilhac de la Montanha e Conilhac de las Corbièras (canton de Lesinhan de las Corbièras). Las fòrmas ancianas d'ambedós presentan d'anomalias : per Conilhac de la Montanha, In Redensi comitatu, castrum de Corniliaco, en 1165, de Conilhaco, en 1319, Covilacum = Conilacum, Covilatum = Conilacum, en 1320, Couilhatum = Conilhacum, en 1320, Conilhac, Connylhac, en 1594, etc, per Conilhac de las Corbièras, Castrum nomine Conneracum, en 1142, De Oneraco, en 1165, Ilonairacum, en 1257, Rector de Conilhaco en 1351, Conilac, al sègle XIV, Counilhac, en 1537, etc . En supausant que la fòrma autentica de cadun siá Conilhac, donc que las atestacions del sègle XII sián d'errors o de cacografias dins cada cas, lo nom vendriá de Connilios, latinizat en Connilius, atestat al mens en abreviacion (Connil[), derivat del nom gallés d'òme Connos, ambe'l sufixe -acum , latinizacion del sufixe gallés -ācon. Se n'es atal, cada Conilhac èra una anciana granda propietat antica qu'aviá per mèstre Connilios / Connilius.

Dauzat [e Delamarre après Dauzat] supausan que la fòrma de 1165 de Conilhac de la Montanha, Corniliaco, es falsa perqué l'èrra se seriá conservada; pausa tanben lo problèma de las doás atestacions contradictòrias de Conilhac de las Corbièras e pensa que lo vilatge auriá poscut cambiar de nom se Conneracum correspond a qualque realitat; estima tanben qu'una atraccion del nom d'una localitat per l'autra es pas gaire probabla, perqué los dos vilatges son tròp luènh . Vertat es qu'una atraccion per viá orala es gaireben impossibla; mès en supausant una influéncia a l'escrit, en partent de l'error d'un escriba, qu'auriá contaminada la prononciacion, la possibilitat existís (veire lo cas de Lusinhan Petit e de son omonime e vesin Lusinhan Grand qu'avián pas de -u- a la primièra sillaba abans lo sègle XVII e que l'an manlevada a l'oral a la fòrma oficiala); un ancian *Cornilhac (lo nom existís) auriá poscut passar a Conilhac (mès lo passatge de *Conerac a Conilhac seriá pus malaisit). La fòrma Conneracum de Conilhac de las Corbièras fa pensar al vilatge francés de Connerré, *Coniduralion; mès la responsabilitat d'un escriba francés qu'auriá interpretat Conilhac segon la localitat de son país seriá pus versemblabla al sègle XIII qu'al sègle XII. Los dos noms gardan doncas de mistèris.

Administracion

Lista dels cònsols successius

Periòde		Identitat	Etiqueta	Qualitat
març 2001	2020	Jean-Paul Canet	PS
	2001
Totas las donadas son pas encara conegudas.

• Abans la refòrma cantonala de 2014, aplicada en 2015, la comuna èra del canton de Coisan; es ara del canton de Quilhan.

Demografia

Evolucion demografica Populacion comunala actuala (2013): 66, totala: 69
1793	1800	1806	1821	1831	1836	1841	1846	1851
103	102	111	117	118	128	110	130	116
1856	1861	1866	1872	1876	1881	1886	1891	1896
110	116	115	107	111	109	114	101	102
1901	1906	1911	1921	1926	1931	1936	1946	1954
102	120	98	71	72	81	74	55	60
1962	1968	1975	1982	1990	1999	2006	2007	2008
62	57	54	55	51	45	54	55	55 58
2009	2010
59 62	61 65
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE