Mossolens

Vilatge d'Occitània

Mossolens
Moussoulens

Glèisa de Mossolens.

Armas

Geografia fisica

Coordenadas

43° 16′ 49″ N, 2° 13′ 49″ E

Superfícia

19,6 km²

Altituds
· Maximala
· Mejana
· Minimala

294 m
170 m
108 m

Geografia politica

Lengadòc

França

Arrondiment de Carcassona

Canton
1110

De la Malapera a la Montanha Negre (Alzona abans 2015)

Intercom
200035715

Carcassona Agló

Cònsol

Gérard Vallier
(2020-2026)

Geografia umana

Populacion
Populacion totala
(2018)

1 011 ab.

Evolucion de la populacion

1 041 ab.

Densitat

50,71 ab./km²

Autras informacions

Còde postal

11170

Còde INSEE

11259

Mossolens^[1] (Moussoulens en nòrma mistralenca^[2]^[3]; Moussoulens en francés) es una comuna lengadociana en Cabardés, dins lo departament d'Aude e a la region d'Occitània, ancianament de Lengadòc-Rosselhon.

Lo gentilici es mossolensòl -a^[2]^[3]. Los escais-noms son sanguetós -osa/sanquetós -osa e manja-sanqueta^[4].

Geografia

Comuna de l'Airal urban de Carcassona, Mossolens es situada sus la Rojana e sus l'anciana RN629 entre Montoliu e Pesens.

Perimètre del territòri

Comunas confrontantas de **Mossolens**
	Montoliu	Argon quadripunt
Alzona		Ventenac Cabardés
Santa Aulària	Pesens

Toponimia

Mossolens

Las atestacions ancianas son : Moschelingus, cum ecclesia in honore S. Mariae en 934; Mociolens en 1174; Mociolencz en 1183; Castrum de Mossolens en 1258; Villa de Mossolencs en 1262; Decimale S. Martini de Mossolinco…, prope Mossolinchum en 1269; Rector de Mossolenchis en 1347; Moussolenx en 1532; Moussolens…, Mossolens en 1572; Moussoulens en 1781^[5].
Mossolens vendriá, segon Ernst Gamillscheg, d'un nom germanic d'òme *Muskila, derivat de Musco, amb lo sufixe -ing ^[6]. Los Féniés, probablament a la seguida de Negre, accèptan pas l'explicacion e aiman mai lo nom Macciolus ^[7].

Caunetas

Las atestacions ancianas son : In terminio de Caunetis en 1262; Ecclesia Beati Saturnini de Caunetis en 1269; Rector de Caunetis prope Ventenacum en 1347; Caunetes, de la chatellenie de Montréal en 1532; Caunette al sègle XVIII^[8].
Lo mot cauna es prelatin e conservat en occitan modèrna (sinonimes : balma/bauma, espelonga, cròta) ^[9]^,^[10]. Cauneta n'es un diminutiu, siá al sens de « caunas pichonas », siá coma derivat d'un autre nom nommat Caunas(s); Caunas de Menerbés es a un vintenat de km.

Istòria

Entre 1790 e 1794, Caunettes-Les-Moussoulens (nom francés) foguèt annexat a Mossolens ^[11]. Sus la mapa IGN, se vei a l'èst de la comuna Caunettes-Hautes e Caunettes-Basses separats de 2 km ^[12]. Sembla que Caunetas èra pas parròquia abans la Revolucion^[13].

Administracion

Lista deus cònsols successius
Periòde		Identitat	Etiqueta	Qualitat
julhet de 2018	(2026)	Gérard Vallier	divèrs esquèrra
2009	mai de 2018 (mòrt en foncions ^[14])	Jacques Carriqui	PS
1977	2009 (mòrt en foncions)	Michel Escande	PS	conselhièr general del canton d'Alzona (1998-2009)
	1977
Totas las donadas non son pas encara conegudas.

Abans la refòrma cantonala de 2014, aplicada en 2015, la comuna èra del canton d'Alzona; es ara del canton de Montreal, que tornèron nommar de la Malapera a la Montanha Negre.