Rènnas del Castèl

Vilatge d'Occitània

Rènnas del Castèl Rennes-le-Château
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Torre Magdala.
Armas
Geografia fisica
Coordenadas	42° 55′ 41″ N, 2° 15′ 48″ E
Superfícia	14,95 km²
Altituds  · Maximala  · Mejana  · Minimala	568 m 500 m 272 m
Geografia politica
País	Lengadòc
Parçan	Rasés
Estat	França
Region 76	d'Occitània, ancianament de Lengadòc-Rosselhon
Departament 11	Aude
Arrondiment 112	Limós
Canton 1114	de La Val Nauta d'Aude (Quilhan), ancianament de Coisan
Intercom 200071926	CC del Limosenc SIREN 200043487, ancianament del País de Coisan
Cònsol	Alexandre Painco (2014-2020)
Geografia umana
Populacion Populacion totala (2018)	91 ab. 95 ab.
Densitat	3,88 ab./km²
Autras informacions
Gentilici	rennenc
Còde postal	11190
Còde INSEE	11309

Rènnas del Castèl (Reno o localament Rennos en grafia mistralenca; Rennes-le-Château en francés) es una comuna d'Occitània, en Lengadòc, dins lo parçan de Rasés e administrativament dins la region d'Occitània, ancianament de Lengadòc-Rosselhon, lo departament d'Aude, l'arrondiment de Limós e lo canton de de La Val Nauta d'Aude (burèu centralizator Quilhan), ancianament dins lo canton de Coisan. La populacion es de 71 abitants en 2015.

Es al som d’un puèg, près de Coisan, e s’i arriba per una estrada segondària en pujada. La superfícia de la comuna es de 1470 ha, e se tròba a una altitud de 435 m.

Dempuèi lo limit del vilatge, près de la Torre Magdala, se gaudís d'un panorama esplendid de tota la val. Lo vilatge ten una glèisa notabla dedicada a santa Magdalena, amb un demòni a l’entrada e una estatua amb clòsca de mòrt. La ciutat se coneissiá dins l'Edat Antica coma Rhedae, Castellum Redae (vèrs l'an 1000), Redes, Castrum Rades, Reddae, Castel de Redas (vèrs 1130), Rehennas (sègles XV e XVI), afrancesat en Rennes (1778).

A Rènnas del Castèl an trobat qualques rèstas preïstoricas e romanas. Se pensa que foguèt la darrièra capitala del reialme visigòt quand los sarrasins ja avián conquerit tota Tarraconesa e gaireben tota Septimània, e se crei qu'aquí s'amaguèt lo tresaur visigòt que pas jamai s’es trobat mas qu'a donat pè a de legendas e a la preséncia de cercaires de tresaurs dins la vila. Se l’identifica amb la ciutat de Rhedae, capitala del comtat de Rasés, que son istòria se confond amb ela. Quand lo comtat despareguèt, la vila perdèt d'importància e uèi es un vilatjon pichòt que viu del torisme e de l’agricultura.

Geografia

Perimètre del territòri

Comunas confrontantas de Rènnas del Castèl

	Coisan
Esperasan		Los Banhs de Rènnas
Granes	Sant Just del Besun	Sogranha, Bugarag

Toponimia

Las fòrmas ancianas son Castellum Redae, en latin, en 1002, Ambos castros de Redez, en latin, en 1067, De Redes, en latin, en 1068, Castrum Redes, en latin, en 1070, Reddae, en latin, en 1125, Castel de Redas (en ?), en 1130, Civitas quae dicitur Redes, en latin, en 1179, Villa de Reddis... territorium Beate Marie de Reddis, en latin, en 1185, Beata Maria de Reddas, en latin, en 1246, Sancta Maria de Reddis, en latin, en 1255, Rezae, en latin, en 1258, Vallis dicta de Redde, en latin, en 1307, Rector de Regnis, alias de Reddis, en latin, en 1347, Règnes, en 1571, Rehennes, en 1428-1589, Rénes, en 1647, Rennes, en 1778. La prononciacion en occitan es Rènnos (grafia de l'abat Sabarthès) , doncas ['rrɛnnɔs]. Las fòrmas latinas majoritàrias explican pas lo nom actual. Carles Rostanh (Charles Rostaing) imagina un element preceltic red-, inexplicat, e un sufixe preceltic atòn -ena . Aquel sufixe -ena apareis pas dins las fòrmas ancianas e red- sembla celtic (redo-, « anar a chaval, en carri, viatjar », *rēdā passat al latin rheda, reda, reada coma veitura de quatre ròdas) . Raymond Lizop supausa un pòble celtic aparentat als redones de Bretanha, a l'origina de Rasés; redonas, a l'acusatiu plural, auriá donat Rènnas e Redae se seriá conservat dins lo latin dels escribas . Mès i a pas de pròva que lo pagus Redensis carolingian, que son nom es basat sul nom de Rènnas, siá la seguida d'una entitat culturala o politica antica. Observem que las fòrmas ancianas latinas en Red- son seguidas de fòrmas en Redd-, benlèu explicablas per la prononciacion del nom popular occitan ambe una consonanta dobla (Rènnas) se lo nom èra dejà aquò. Mès cal pas atribuir una valor fonetica a aquel -d-, passat regularament a -z- dins l'evolucion fonetica. Lo cas demòra problematic.

Administracion

Lista dels cònsols successius

Periòde		Identitat	Etiqueta	Qualitat
març 2008	2020	Alexandre Painco
novembre 1998	2008	Jean François Lhuillier		oficièr militar retirat
	1998
Totas las donadas son pas encara conegudas.

• Abans la refòrma cantonala de 2014, aplicada en 2015, la comuna èra del canton de Coisan; es ara del canton de La Val Nauta d'Aude (Quilhan).

Demografia

Evolucion demografica Populacion comunala actuala (2013): 58, totala: 63
1793	1800	1806	1821	1831	1836	1841	1846	1851
302	308	392	421	439	427		401	474
1856	1861	1866	1872	1876	1881	1886	1891	1896
400	315	308	351	302	298	269	241	244
1901	1906	1911	1921	1926	1931	1936	1946	1954
217	205	192	152	139	113	123	103	89
1962	1968	1975	1982	1990	1999	2006	2007	2008
104	90	80	63	88	111	90	91	91 92
2009	2010
82 87	72 77
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE

Lòcs e monuments

• 
• 

  Lo castèl de Rènnas

• 

Personalitats ligadas amb la comuna

• Berenguièr Saunièra