Le Borg de Sant Bernat

Vilatge d'Occitània

Le Borg de Sant Bernat Bourg-Saint-Bernard
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Armas
Geografia fisica
Coordenadas	43° 36′ 11″ N, 1° 42′ 48″ E
Superfícia	16,6 km²
Altituds  · Maximala  · Mejana  · Minimala	253 m 223 m 156 m
Geografia politica
País	Lengadòc
Parçan	Lauragués
Estat	França
Region 76	Occitània
Departament 31	Nauta Garona
Arrondiment 313	Tolosa
Canton 3117	Revèl (Lantar abans 2015)
Intercom 243100880	CC de las Tèrras de Lauragués
Cònsol	Évelyne Cesses (2020-2026)
Geografia umana
Populacion Populacion totala (2018)	1 089 ab. Evolucion de la populacion 1 109 ab.
Densitat	58,98 ab./km²
Autras informacions
Gentilici	Bourguignons (en francés)
Còde postal	31570
Còde INSEE	31082

Le Borg de Sant Bernat (Bourg-Saint-Bernard en francés) es una comuna lengadociana situada dins lo departament de la Nauta Garona e la region administrativa d'Occitània, ancianament de Miègjorn-Pirenèus.

Geografia

Comuna de l'airal urban de Tolosa situada en Lauragués a 22 km à l'èst de Tolosa.

Mapa de la comuna e de las comunas vesinas.

Perimètre del territòri

Comunas confrontantas de Le Borg de Sant Bernat

Vrufuèlh	Taulat (Tarn)	Montcabrièr (Tarn)
Gaure
Bèlasvilas	Lantar	Saussens

Toponimia

Lo nom del vilatge ven de Bernat de Claravals, un presicaire de talent de l'ortodoxia catolica del sègle XII.
Astor explica le mot borg, d'origina germanica (gotic baurgs, vièlh naut alemand burg, aparentat a bairgan, « aparar, garar »), crosat ambe'l latin tardiu burgus, del grèc pyrgos, « tor ». Le tèrme s'apliquèt a las implantacions urbanas estrategicas. De borgs s'installèron a costat de las ancianas ciutats .
Segon Dauzat, Le Borg ven del bas latin burgus, « borg, lòc fortificat », manlevat al germanic, ambe un nom de sent .
Segon Negre, le sens primitiu de borg es d'aglomeracion fortificada près d'un castèl o d'una ciutadèla, puèi de novèla vila fortificada .

Ròcas

Ròca(s) ven de *rocca, un mot prelatin, absent del latin classic, aquí perqué los escribas ne donan sovent la traduccion rupes. Ròca prenguèt lo sens de « puèg, tuca, mont rocassós », puèi de « castèl fòrt, fortalesa » . Empacha pas que le sens exacte es aicí de mal precisar : castèls o (puslèu)9 site rocassós.

Bretas

Benlèu las proprietats de Brittos, nom gallic d'òme, ambe la derivacion neutra plurala -a.

Istòria

Pendent l'Ancian Regime, Le Borg de Sant Bernat èra de la diocèsi civila de Tolosa, doncas de la província de Lengadòc, de la generalitat de Tolosa, de l'archidiocèsi de Tolosa e de la senescauciá de Tolosa. En 1790, èra del canton de Lantar, en l'an VIII, del canton de Caramanh, en l'an X tornèt a Lantar. Las glèisas son Sant Bernat, Sant Pèire de Ròcas, Sant Pau de Bretas (despareguda); la glèisa de Sant Martin de la Ribièra, que concernís Taulat, es sus la comuna .

Pendent l'Ancian Regime, la parròquia de Ròcas èra de l'archidiocèsi de Tolosa e de la senescauciá de Tolosa. En 1790, èra del canton de Lantar, en l'an VIII, del canton de Caramanh, en l'an X tornèt a Lantar. Lo vocable de la glèisa, annèxa del Borg de Sant Bernat, es Sant Pèire .

La parròquia de Sant Pau de Bretas (nom supausat) es istorica : glèisa despareguda al sègle XVI, cementèri al sègle XVIII .

Administracion

Lista dels cònsols successius

Periòde		Identitat	Etiqueta	Qualitat
26 de mai de 2020	(2026)	Évelyne Cesses
març de 2001	2020	Andrée Oriol	divèrs dreta	retirada
1981	2001	Yves Jalabert
	1981
Totas las donadas non son pas encara conegudas.

Demografia

Evolucion demografica Populacion comunala actuala (2013): 979, totala: 997
1793	1800	1806	1821	1831	1836	1841	1846	1851
958	1 079	1 117	1 221	1 258	1 242	1 230	1 202	1 220
1856	1861	1866	1872	1876	1881	1886	1891	1896
1 180	1 122	1 157	1 072	1 031	969	996	943	925
1901	1906	1911	1921	1926	1931	1936	1946	1954
883	897	836	699	677	643	676	664	638
1962	1968	1975	1982	1990	1999	2006	2007	2008
590	605	585	584	659	772	823	821	841 855
2009	2010
872 886	903 918
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

• En 2018 la populacion èra de 1089 abitants e la densitat èra de 65,6 ab/km².

Lòcs e monuments

• 
• 
• 
• 

• Glèisa
• Aerodròm de Tolosa – Le borg de Sant Bernat, aerodròm (a 30 km de Tolosa) aparten dempuèi 2007 a la comuna, gerit per l'AVAT , club de planaire.

Personas ligadas a la comuna

• Willy Begarie.

Vida locala

Fèstas

Cada an, lo diluns de Pentacosta es celebrada la fèsta del Prat Contast. Aquela tradicion locala ven de l'an 1211. Dins la crosada contra los Albigeses, los joves del Borg, armats de picas, desliurèron un dels lors per lo tornar a sa maire qu'èra veusa. La veusa reconeissenta dels liberators del filh donèt per eles lo diluns de Pentacosta una fèsta de cavals dins lo seu prat. En sovenir la fèsta serà celebrada cada an per totjorn.

Los joves del vilatge e alentorn festejan, un cortègi partís del vilatge. S'i trapa dins l'òrdre: los musicians que jògan la musica tradicionala, la bandièra, los enfants en abits de soldats amb casques e picas, lo cònsol de caval davant de cavalièrs en abits, l'escut del Prat e aquel del Borg, des carris e veituras florits. Es a miègjorn del solelh (14 h) que lo cortègi partís seguit pels vilatgeses. La fum de gents se dirigís cap al prat situat dins la val du Giron a prèp de 2 km al nòrd del vilatge. Dins aquel prat d'una ectara e mièja environ, l'usatge vòl qu'una superfícia, a la dintrada, de prèp catòrze aras, siá d'en primièr desromegada pel proprietari, per mostrar que la dintrada es liura. L'èrba deu demorar dins tot lo rèsta del prat, perque los cavals pòscan pàisser e fringar en tota libertat. Aquí se dona la fèsta.
La musica jòga dins son luòc reservat. Las danças començan, se corre, s'amusa, se ritz, se ditz que «dins lo prat cap filha de pè», las audaciosas son transportadas e rotladas dins l'èrba mas delicatament se se vòl aver l'onor del poton autorizat. Se sèga l'èrba d'amor gatge de fidelitat, conservada preciosament fins al ramelet de l'an que ven.
Los cavalièrs se preparan en linha e partisson per la corsa. Aprèp tres torns sovent aprèp de peripecias, lo cavalièr arribat primièr es fach rei de la fèsta. Causís sa cavalièira entre las joventas del vilatge que ven reina, li pausa una corona de flors blancas sus sa tèsta. Lo rei la pren sus la cropa va de al cap dels cavalièrs que causisson tanben cadun lor cavalièra formant atal lo reinatge.
A 15 oras lo cortègi se torna format e daissa lo prat acompanha del fum de gents per tornar al vilatge. A la fin del camin lo cortègi se dispersa, se mescla a la gents.
La musica torna, las danças començan, las barracas de la fièra e los vira-vira son investits. Un grand fòc d'artifici marca lo començament del bal de nuèit que s'acabarà fòrça tard.

Veire tanben

Articles connèxes

• Comunas de la Nauta Garona