Casin de Ròca

Vilatge d'Occitània

Casin de Ròca Cazideroque
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
La glèisa.
Geografia fisica
Coordenadas	44° 23′ 59″ N, 0° 55′ 46″ E
Superfícia	11,94 km²
Altituds  · Maximala  · Mejana  · Minimala	237 m 150 m 80 m
Geografia politica
País	Guiana Agenés
Estat	França
Region 75	Novèla Aquitània
Departament 47	Òut e Garona
Arrondiment 473	Vilanuèva d'Òut
Canton 4733	Le Fumélois (Tornon d'Agenés avant 2015)
Intercom 244701397	CC de Fumèl Val d'Òut
Cònsol	Jean-Pierre Arondel (2020-2026)
Geografia umana
Populacion Populacion totala (2018)	234 ab. Evolucion de la populacion 241 ab.
Densitat	19,43 ab./km²
Autras informacions
Còde postal	47370
Còde INSEE	47064

Casin de Ròca (Cazideroque en francés) es una comuna agenesa situada dins lo departament d'Òut e Garona e la region de Novèla Aquitània, ancianament d'Aquitània.

Geografia

Aquesta seccion es voida, pas pro detalhada o incompleta. Vòstra ajuda es benvenguda !

Comunas a l'entorn.

Perimètre del territòri

Comunas confrontantas de Casin de Ròca

Tremonts	Sent Jòrdi	Borlens
Dòuça		Tornon d'Agenés
Valelhas (Tarn e Garona)	Ante

Toponimia

Las fòrmas ancianas son Quasideroqua, Quasideroque, Quasideroch, al sègle XIII, Casi de Rocha, en 1271, Casi de Roche en 1271, Quasideroca, en 1271, Casida Rocca en 1305, Calvi de Roca, en 1326, Quasideroque, en 1505, Quasidaroqua, en 1520, Quasideroque, en 1629. La prononciacion actuala es [ka,zie'rrɔkɔ] . Dauzat explica lo nom per casil (derivat de casa, « ostal », ambe'l sufixe -ile) e lo bas latin rocca, « ròca » ; mès -l finala de casil seriá prononciat. Aquí perqué Bénédicte Boyrie-Fénié adòpta la proposicion de Negre, casin, ambe -n mut, d'un òme nommat Ròca; casin a lo sens, relevat en Roergue, d'« ostal isolat » .

• Najejouls (nom francés) es citat per Durengues Prior sive Decanus de Nogogolh et capella de Nogogolh, en 1326 [cal legir los g coma de j - i aviá pas de j en latin], In archipresbyteratu de Opere : Prior de Nujejols et Rector ejusdem (lista de Valeri, 1520) . I a un dobte sus la valor fonetica de la primièra atestacion, pr'amor de -lh final, mès lo nom sembla representar lo gallic nouio-ialon, « vilatge nuèu ». Que representa tanben Nu- de 1520 ? En tot cas lo Na- es lo resultat d'una dissimilacion vocalica, mès quina es la prononciacion actuala de Najejouls ? Veire tanben Nusejols, ambe dissimilacion consonantica.

Istòria

A l'èst-nòrd-èst del borg, i a un luòc nommat Najejouls en francés, ambe un castelet devath un puèg. Durengues relata una legenda donada per l'avesque Nicolas de Villars (Micolau de Vilar ?) en 1601 : lo puèg auriá portat una vila. Micolau de Vilar annexèt un temps la parròquia de Najejols a Casin de Ròca, [indici de sa pauca importància ? mès al començament del sègle XVII los parroquians catolics èran pauc nombroses]. I aviá, a la fin de l'Ancian Regime la glèisa a cent passes del castèl a la cima del puèg [de 227 m, a l'èst dels puèges de 239 m que dominan Casin de Ròca]. La glèisa menaçava roïna e lo curat obtenguèt en 1783 lo drech de bastir una capèla provisòria près de son ostal . Probable qu'aquel ostal èra près del luòc nommat ara Najejouls, a mièja penda del puèg e encara abitat. En 1441, los franceses prenguèron e rasèron lo vilatge ambe son castèl e sa glèisa Sent Estèfe. Lo puèg foguèt tornat abitat, puèi abandonat al sègle XIX. A l'Edat Mejana, Najejouls èra benlèu pus important que Casin de Ròca ; çò que lo nom de Casin de Ròca (una origina modèsta, un ostal) suggerís. Demòra un potz e qualques murs, mès cap camin sus la mapa mena pas mai a la cima del puèg.

La comuna se creèt en 1876, a partir de Tornon d'Agenés. En 1793, la municipalitat èra Tournon, Anthe, Bourlens, Cazideroque, Courbiac, Lamothe, Masquieres, Montairal, Pericart, Saint Georges, Saint Vite et Thezac (en français) donc Tornon, Ante, Borlens, Casin de Ròca, Corbiac, La Mòta (a l'oèst-sud-oèst de Tornon), Masquièras, Montairal, Puèg-ricard (comuna de Montairal), Sent Jòrdi, Sent Vit de Dòrn e Tesac. D'aquí a 1837, lo perimètre de la comuna de Tornon èra identic al canton de Tornon.

Administracion

Lista dels cònsols successius

Periòde		Identitat	Etiqueta	Qualitat
mai de 2020	2026	Jean-Pierre Arondel
17 de genièr de 2007	2020	Jean-Claude Cavaillé
març de 1983	25 de novembre de 2006	Claude Maury
març de 1977	1983	Robert Rigal
març de 1971	1977	Jean Brouat
1953	1971	Marius Cavaillé
1944	1953	Lucien Loubère
1935	1944	Henri Bons
1924	1935	Jean Alric
1912	1924	Pierre Causse
1908	1912	Julien Fabre
1900	1908	Jean Fabre
1884	1900	Pierre Causse
1877	1884	Auguste Castaing
Totas las donadas non son pas encara conegudas.

• Abans la refòrma cantonala de 2014, aplicada en 2015, la comuna èra del canton de Tornon d'Agenés; es ara del canton de Le Fumélois (en francés).

Demografia

Evolucion demografica Populacion comunala actuala (2013): 232, totala: 240
1856	1861	1866	1872	1876	1881	1886	1891	1896
-	-	-	-	451	447	437	434	420
1901	1906	1911	1921	1926	1931	1936	1946	1954
422	421	387	347	352	351	356	332	307
1962	1968	1975	1982	1990	1999	2006	2007	2008
295	261	227	223	244	264	247	250	246 247
2009	2010
243 244	239 241
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

• Comuna creada en 1876, a partir de Tornon d'Agenés. En 1793, la municipalitat èra Tournon, Anthe, Bourlens, Cazideroque, Courbiac, Lamothe, Masquieres, Montairal, Pericart, Saint Georges, Saint Vite et Thezac (en français) donc Tornon, Ante, Borlens, Cazideroque, Corbiac, La Mòta (a l'oèst-sud-oèst de Tornon), Masquièras, Montairal, Puèg-ricard (comuna de Montairal), Sent Jòrdi, Sent Vit de Dòrn e Tesac. D'aquí a 1837, lo perimètre de la comuna de Tornon èra identic al canton de Tornon.
• En 2018 la populacion èra de 234 abitants e la densitat èra de 19,6 ab/km².

Veire tanben

• Comunas d'Òut e Garona