Trémons

Un article de Wikipèdia, l'enciclopèdia liura.
Anar a : navigacion, Recercar
Flag of Occitania (with star).svg Vilatge d'Occitània Blason Languedoc.svg

Tremonts
Trémons

Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Trémons.jpg
La dintrada del vilatge de Tremonts.
Defautoc.png
Geografia fisica
Occitania map (1).png
geolocalizacion
Coordenadas 44° 24′ 38″ N, 0° 54′ 01″ E
Superfícia 13,49 km²
Altituds
 · Maximala
 · Mejana
 · Minimala
 
230 m
110 m
52 m
Geografia politica
País Guiana Armas de Guiana
Parçan Agenés
Estat Bandièra de França França
Region
75
Novèla Aquitània
Departament
47
Òut e Garona
Arrondiment
473
Vilanuèva d'Òut
Canton
4726
Lo País de Sèrras ancianament Pena d'Agenés
Intercom
244701389
de Penne d'Agenais
Cònsol Marie-Thérèse Pouchou
(2014-2020)
Geografia umana
Populacion
Populacion totala
(2013)
387 ab.
Evolucion de la populacion

ab.
Densitat 28,69 ab./km²
Autras informacions
Còde postal 47140
Còde INSEE 47314

Tremont [1],[2], o puslèu Tremonts segon l'istòria lingüistica (oficialament en francés Trémons) es una comuna occitana d'Agenés situada dins lo departament d'Òut e Garona e la region de Novèla Aquitània, ancianament d'Aquitània.

Geografia[modificar | modificar la font]

Perimètre del territòri[modificar | modificar la font]

Comunas confrontantas de Tremont
Trentels Sent Jòrdi
Tremont
Pena d'Agenés Dòuça Cazideroque

Toponimia[modificar | modificar la font]

La prononciacion es [tre'mun]. Bénédicte Boyrie-Fénié fornís d'atestacions ancianas : villa... Modalinens, en latin, en 817 [se tracta de Moudoulens], Tremons (ecclesia de ~), au sègle XIII, Tribus Montibus (parrochia de ~) prope Torno, en latin, al sègle XIII, Tribus Montibus (parrochie de Modalencs, de~), en 1271, Tres Montes, en latin, en 1307-1317, Trumont (capella de ~), en 1326, Tremons (ecclesia Beate Marie de ~), en 1511, Tribus Montibus (rector de ~), en latin, en 1520 [3].

Los toponimistas considèran que lo nom es format de mont, al plural, que correspond, siá als puèges que pòrtan las vilas principalas, Pena d'Agenés e Tornon d'Agenés, siá a l'ensemble des puèges (tipicament de mai de 200 m d'altitud), Puègcalvari, [la'tu], Cassanhas, etc, situats al sud, al sud-oèst, al sud-èst, estant que l'altitud merma en direccion de la val d'Òut, e d'un autre mot, que pòt èsser entre (del latin intra), o tras, del latin trans, « delà » : « entre los monts » o « delà los monts ». La situacion geografica [4] fariá puslèu pensar a la segonda possibilitat, mas l'evolucion fonetica (abséncia d'atestacions en tra-) fariá causir la primièra. Dins lo detalh, avèm Dauzat e Rostaing, que pòrta trans, milhor que intra, e mons, « montanha » [5], Negre, citat per Bénédicte Boyrie-Fénié, que causís tanben trans, tras, çò que motiva per la situacion « cap al nòrd en venent de Dòuça » (traduccion), Astor, citat tanben per Bénédicte Boyrie-Fénié, qu'explica lo nom per un desverbal de trasmontar, tresmontar, e Bénédicte Boyrie-Fénié, qu'aima mai entre, en precisant (çò qu'es pas indiscutible, i a plan de puèges comparables a l'entorn, en fòrma de semicercle, que pòdon motivar milhor la segonda partida del nom) que lo vilatge es entre Pena e Tornon. L'autora ajusta qu'es un nom d'epòca dialectala, que remplacèt un autre, puèi que l'origina del lòc es un domeni antic [6]. Es pas impossible, pr'aquò, de conciliar una primièra sillaba en Tre- e una origina en tras- : quand l' s finala de tras èra prononciada dins *Trasmonts, l'atraccion de tres (3) monts (veire la fòrma de 1307-1317) auriá poscut menar al vocalisme actual de la primièra sillaba, çò que permetriá d'estalviar la necessitat de l'aferèsi (supression del començament d'un mot) de la primièra sillaba d'*Entremonts, se lo primièr element del nom èra la preposicion entre.

Totas las atestacions medievalas menon cap a un nom al plural, donc Tremonts; la logica semantica (del sens), mai que mai se lo primièr element del nom es entre, fa tanben supausar Tremonts puslèu que Tremont : se pòt pas imaginar un vilatge entre un sol mont. Dins lo grope consonantic final, -t- es normalament mut. Per -s, dins un cas semblable, a mens de dètz km a l'èst, Borlens se pronóncia [bur'len] [7]. Se vei donc pas perqué Bénédicte Boyrie-Fénié escriu Tremont; lo nom en grafia classica es Tremonts.

Istòria[modificar | modificar la font]

  • Moudoulens (nom francés), atestat au sègle IX, aviá benlèu una importància que perdèt. Segon lo canonge Durengues, abans 1789, la glèisa Senta Quitèira de Moudoulens èra l'annèxa de Sent Pèir de Tremont. I aviá 280 comuniants a la matritz e 130 a l'annèxa. Lo total es coërent ambe la populacion de l'ensemble en 1800, mai de 600 abitants.

Administracion[modificar | modificar la font]

Lista deus cònsols successius
Periòde Identitat Etiqueta Qualitat
1989 1995 Jean-Claude Goutouly PS  
1995 2001 Marie-Thérèse Pouchou PS Presidenta de la CC de Pena d'Agenés
2001 2008 Marie-Thérèse Pouchou PS Presidenta de la CC de Pena d'Agenés
2008 2014 Marie-Thérèse Pouchou PS Presidenta de la CC de Pena d'Agenés
2014 2020 Marie-Thérèse Pouchou PS Presidenta de la CC de Pena d'Agenés
Totas las donadas son pas encara conegudas.
  • Abans la refòrma cantonala de 2014, aplicada en 2015, la comuna èra del canton de Pena d'Agenés; es ara del canton de Le pays de Serres (en francés), donc Lo País de Sèrras.

Demografia[modificar | modificar la font]


 v · d · m 
Evolucion demografica
Populacion comunala actuala (2013): 387, totala:
Picto infobox character.png
1793 1800 1806 1821 1831 1836 1841 1846 1851
606 672 691 753 680 658 701 679
1856 1861 1866 1872 1876 1881 1886 1891 1896
648 604 570 540 470 487 481 435 444
1901 1906 1911 1921 1926 1931 1936 1946 1954
441 409 370 392 378 365 334 351 324
1962 1968 1975 1982 1990 1999 2006 2007 2008
302
291
244
256
339
340
359
362
364
374
2009 2010
367
376
377
386
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE
Evolucion de la populacion 1962-2008


  • en 1793, la comuna èra Puycalvary, Dousse, Tremons et Mondoulens (en francés). L'ensemble aviá 1037 abitants en 1793 [8]. Aprèp, i agèt doás comunas, Tremont qu'annexèt Moudoulens (nom francés), d'un costat, e Dòuça qu'annexèt Puègcalvari, de l'autre.
  • 2013 : 387 abitants (29 ab/km²)

Luòcs e monuments[modificar | modificar la font]

Personalitats ligadas amb la comuna[modificar | modificar la font]

Vejatz tanben[modificar | modificar la font]

Ligams extèrnes[modificar | modificar la font]

Nòtas e referéncias[modificar | modificar la font]

  1. Bénédicte Boyrie-Fénié, Dictionnaire toponymique des communes, Lot-et-Garonne, ed. CAIRN e Institut Occitan, Pau, 2012, p. 286
  2. http://www.locongres.org/oc/aplicacions/top-oc/topoc-recerca/
  3. Bénédicte Boyrie-Fénié, Dictionnaire toponymique des communes, Lot-et-Garonne, ed. CAIRN e Institut Occitan, Pau, 2012, p. 286
  4. https://www.geoportail.gouv.fr/carte?c=0.15,44.7836&z=0.0001122899999984639&l=GEOGRAPHICALGRIDSYSTEMS.CASSINI$GEOPORTAIL:OGC:WMTS(1)&permalink=yes
  5. Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 683, a Tramont-Émy
  6. Bénédicte Boyrie-Fénié, Dictionnaire toponymique des communes, Lot-et-Garonne, ed. CAIRN e Institut Occitan, Pau, 2012, p. 286-287
  7. Bénédicte Boyrie-Fénié, Dictionnaire toponymique des communes, Lot-et-Garonne, ed. CAIRN e Institut Occitan, Pau, 2012, p. 286-287
  8. http://cassini.ehess.fr/cassini/fr/html/fiche.php?select_resultat=28300