Borran

Borran; Bourran
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
	L'ostau de comuna.
	Geografia fisica
Coordenadas	44° 20′ 37″ N, 0° 23′ 40″ E
Superfícia	18,16 km²
Altituds; · Maximala; · Mejana; · Minimala	; 145 m; 34 m; 27 m
	Geografia politica;
País	Guiana Agenés;
Estat	França;
Region; 75	Navèra Aquitània;
Departament; 47	Òut e Garona ;
Arrondiment; 471	Agen;
Canton; 4727	Lo Jonhent (Lo Pòrt Senta Maria avant 2015);
Intercom; 244701470	CC deu Jonhent e deus Tuquets de Preishàs;
Cònsol	Béatrice Piloni ; (2020-2026)
	Geografia umana
Populacion; Populacion totala; (2018)	614 ab. Evolucion de la populacion; 638 ab.
Densitat	32,38 ab./km²
	Autras informacions
Còde postal	47320
Còde INSEE	47038

Vilatge d'Occitània

Borran (Bourran en francés) es ua comuna agenesa, lingüisticament gascona ^[1], situada dens lo departament d'Òut e Garona e la region de Navèra Aquitània, ancianament d'Aquitània.

Geografia

Perimètre deu territòri

Comunas confrontantas de **Borran**
	Clairac	La Fita
Nicòla		La Cepeda
Gulhon	Galapian	Sent Sauvi

Toponimia

Albèrt Dauzat hè venir Borran deu nom gallic d'òme Burrus damb lo sufixe -anum ^[2]. Xavier Delamarre part tanben de Burrānon, la proprietat de Burros, nom celtic ^[3].
Bénédicte Boyrie-Fénié constata que i a pas de fòrmas ancianas e considèra Burrus coma un nom latin, un cognomen; accèpta l'idèa d'un nom de proprietat galloromana, damb lo sufixe -anum^[4].
La mapa de Cassini, a la fin deu sègle XVIII, mòstra un simple lòc, probablament un ostau, deu nom de Bourrand, près d'un cairehorc : un camin gran que ven de Clairac, un aute, en angle dret damb lo precedent, que ven de La Fita e una tresava direccion pus segondària cap a Coluènhas e Lo Pòrt Senta Maria; una partida au mens deus camins grans semblan recents ^[5]. Las mapas seguentas, tanlèu lo sègle XIX, mòstran lo cairehorc completat damb un camin gran cap a Gulhon; se tracta donc deu camin Gulhon-Vilanuèva d'Òut, en construccion au sègle XVIII. Lo borg de Borran es donc una aglomeracion navèra deguda a la preséncia d'un cairehorc tanben navèth, per una comuna creada en 1839 que correspon a las parròpias de Coleignes, de Saint-Vincent e de Saint-Brice (noms francés) ^[6]. Seré extraordinari qu'aqueth ancian ostau sia per azard una proprietat galloromana e l'abséncia de las fòrmas ancianas es donc normala. Es donc completament inutile de s'interrogar sus l'existéncia deu mèste roman o gallic Burrus e de sos bens imaginaris. Bourran es un nom patronimic, present sustot en Roergue (i a una varianta Borrand, puslèu auvernhassa ^[7]. La preséncia de noms venguts deu Massís Central a pas ren d'estonabla : una partida deus colons que tornèn poblar lo Bacin d'Aquitània après la Guèrra de Cent Ans en venèvan. Borran es donc a l'origina un ostau qu'apartenè a un paisan qu'avè probablament d'aujòus venguts d'aqueras montanhas.

Sent Breç (nom supausat)

Lo nom ven de Brictius, nom gallic [Briccios ? mès Bricto existeish tanben], avesque de Tors, successor de Sent Martin au sègle V ^[8]; Sent Brici es una fòrma [mièja]-sabenta, la fòrma regulara es Breç (cas subjècte)^[9].

Coluènhas

Lo nom es citat en 1520 dens la liste de Valèri : Sanctus Vincentius de Colonhas; lo vocable de la glèisa parropiala èra Sent Pèir çaquelà, e lo canonge Durengues confond pas damb lo luèc seguent ^[10].
Foneticament Coluènhas sembla representar lo latin colonia (e la mencion deu sègle XVI es en acòrd) e non pas lo frequent colonica ( > *Colongas), mès lo sens de « colonia romana » es improbable. La diftongason de la tonica es probablament anteriora au sègle XVI.

Sent Vincenç

Lo nom es citat en 1520 dens la liste de Valèri : Sancti Vincentii propre Dominicum Podium ^[11]. Sent Vincenç de Soussompech (tau coma citat per Durengues) es a un gròs km de Dominipech.
Sent Vincenç representa Vincentius, diague de l'avesque de Saragossa, mòrt en 304 a Valéncia, o eventualament un monge de Lerins au sègle V ^[12]^,^[13]^,^[14]. Lo determinant, citat per Durengues, es absent de totas las mapas dempuèi Cassini.

Istòria

En 1839, las comunas de Coluènhas e de Sent Vincenç estoren incorporadas a la comuna de Sent Breç. Aquera prengoc lo nom de Borran, d'après ua aglomeracion navèra neishuda a un cairehorc deu camin gran Gulhon-Vilanuèva d'Òut, bastit dens la segonda mitat deu sègle XVIII, venguda lo caplòc navèth. Coluènhas es au sud de Borran, Sent Vincenç a l'extrème sud-èst.

Lista deus cònsols successius
Periòde		Identitat	Qualitat
març de 2014	(2026)^[15]	Béatrice Piloni	agricultritz
març de 1989	2014	Jacques Fanton	retirat d'artesan mecanician
1977	1989	Pierre Carrié
1969	1977	Paul Charrier
1944	1969	Bernard Silvestre
1940	1944	Gabriel Dubreuil
1935	1940	Georges Gibert
1933	1935	Pierre COULIE
1929	1933	Gabriel Sagrini
1912	1929	Pierre Deler
1901	1912	Philippe Boudon
1900	1901	Jean Benquet
1896	1900	Philippe Baudon
1888	1896	Pierre Dubosc
1871	1888	Jean Favières
1865	1871	François Louis Belloc
1863	1865	Jean Florence
1848	1863	Pierre Philippe Baudon
1841	1848	Pierre Chapoul
1839	1841	Jacques Chapoul
abril de 1839	setembre de 1839	Antoine Couderc ^[16]
Totas las donadas non son pas encara conegudas.

Geografia

Perimètre deu territòri

Toponimia

Sent Breç (nom supausat)

Coluènhas

Sent Vincenç

Istòria

Administracion

Demografia de Saint-Brice (Sent Breç ?), puèi de Borran

Demografia Coluènhas

Demografia Sent Vincenç

Lòcs e monuments

Personalitats ligadas damb la comuna

Véser tanben

Ligams extèrnes

Nòtas