Montastruc (Òlt e Garona)

Vilatge d'Occitània

Montastruc Montastruc
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
La glèisa de Sent Pèir de Cabanas.
Geografia fisica
Coordenadas	44° 29′ 23″ N, 0° 31′ 10″ E
Superfícia	24,88 km²
Altituds  · Maximala  · Mejana  · Minimala	195 m 195 m 62 m
Geografia politica
País	Guiana Agenés
Estat	França
Region 75	Novèla Aquitània
Departament 47	Òut e Garona
Arrondiment 473	Vilanuèva d'Òut
Canton 4723	Lo Liuradés (Montclar d'Agenés avant 2015)
Intercom 244701405	CC d'Òut e Tolzac
Cònsol	Ric Martin (2020-2026)
Geografia umana
Populacion Populacion totala (2018)	251 ab. Evolucion de la populacion 252 ab.
Densitat	11,54 ab./km²
Autras informacions
Còde INSEE	47182

Montastruc (en francés tanplan coma en occitan) es una comuna agenesa situada dins lo departament d'Òut e Garona e la region de Novèla Aquitània, ancianament d'Aquitània .

Geografia

Comunas a l'entorn.

Perimètre del territòri

Comunas confrontantas de Montastruc

Vilabramar	Montbaús	Baugast
Tombabuèu		Pinuèlh e Autariba
Cors de Vertuèlh	Montclar

Toponimia

Las fòrmas ancianas de Montastruc son : Monte asturgo (rectori parrochialis ecclesiae de ~), en latin, en 1309, Montis Astrugii (parrochia ~), en latin, en 1317, Monte Oustruc (?) (capella de ~), en occitan, en 1326, Monte astruco (p. de ~), en latin, en 1520, Montestruc, en occitan, sus una mapa del sègle XVII , que deu èsser la de Sanson .

Lo primièr element es l'occitan mont. Lo segond es de la familha d'astre. Dauzat e Rostaing interprètan Astruc coma un nom de personne , mas sembla que siá puslèu un adjectiu .

La prononciacion locala es [muŋtas'try] (tombada de las consonantas finalas).

Istòria

Montastruc, pincat sus un puèg que domina de tots los costats, es mençonat tanlèu lo segond quart del sègle XII, coma « castellum » e non pas coma « castrum », çò que vòl dire (en principi) qu'èra un castèl, mas pas un vilatge fortificat. Del castèl, demòran los valats. L'installacion del vilatge a l'entorn del castèl deu èsser posteriora a la Guèrra de Cent Ans, quand la senhoriá passèt dins las mans de la familha de Grossoles. La capèla castrala Sent Jòrdi (o una autra varianta del meteis nom), bastida al sègle XVI, serviá tanben de glèisa als abitants e après la Revolucion venguèt glèisa parroquiala. Lo plan cadastral de 1838 mòstra l'emplaçament del castèl, arroïnat, al centre del borg, e pas que qualques abitacions. La capèla, qu'èra pichona, d'una sola nau e acabada per una absida en mièg cercle, e mai o mens arroïnada, foguèt desrocada après que lo cloquièr tombèt en 1838. Una novèla glèisa ambe una caminada se bastiguèron en 1848. La comuna e l'escòla primària s'i ajustèron dins la segonda mitat del sègle XIX.

La parròquia d'origina ont se bastiguèt lo castèl deu èsser la de Sent Pèir de la Crotz. La glèisa es sola, fòra del vilatge de Montastruc. Sent Estève (o Estèfe) de Périllac (en francés), una autra glèisa campèstra concedida a l'abadiá de la Seuva Majora al sègle XII, èra una annèxa de Sent Pèir de la Crotz al sègle XVIII. La parròquia Sent Pèir de Las Cabanas foguèt desmembrada entre Montastruc e Monbaús quand se formèt la comuna .

Administracion

Lista dels cònsols successius

Periòde		Identitat	Etiqueta	Qualitat
març de 2014	2026	Ric Martin
març de 2001	2014	Clément Gleize
	2001
Totas las donadas non son pas encara conegudas.

• Abans la refòrma cantonala de 2014, aplicada en 2015, la comuna èra del canton de Montclar d'Agenés; es adara del canton de Le Livradais (en francés), donc benlèu Lo Liuradés. Lo burèu centralizator es Senta Liurada.

Demografia

Evolucion demografica Populacion comunala actuala (2013): 287, totala: 290
1793	1800	1806	1821	1831	1836	1841	1846	1851
907	550	1 053	1 077	1 103	1 141	1 096	1 081	1 097
1856	1861	1866	1872	1876	1881	1886	1891	1896
1 010	972	965	900	903	858	795	1 467	690
1901	1906	1911	1921	1926	1931	1936	1946	1954
690	681	647	532	540	562	536	512	500
1962	1968	1975	1982	1990	1999	2006	2007	2008
464	431	381	357	309	276	279	279	279 287
2009	2010
277 285	277 285
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

• la populacion de 1891 s'explica mal; mas, la meteissa annada, la comuna vesina de Montclar passèt de 1528 a 331 abitants, per tornar a 1504 abitants en 1896, mentre que Pinuèlh e Autariba passèt de 335 abitants en 1886 a 719, e, ambe 322 abitants en 1896 tornèt trobar sa populacion de dètz ans ença; probable que i a un rapòrt.
• En 2018 la populacion èra de 251 abitants e la densitat èra de 10,09 ab/km².

Luècs e monuments

• Capitèls esculptats de la glèisa de Sent Pèir de la Crotz (sègles XII e XIV, restaurada e modificada al sègle XVI).
• Anciana glèisa de Sent Estève (Estèfe) de Périllac (sègle XIV) .
• Anciana glèisa de Sent Pèir de Cabanas, sola, bastida entre lo sègle XII e lo sègle XIII, reconstruccion de la façada occidentala, de la paret nòrd, murs auçats e autras restauracions al sègle XVI; sacrestia, benlèu del sègle XVII; inscrita al títol dels monuments istorics lo 11 de setembre 1997.

Veire tanben

• Comunas d'Òut e Garona