Tombabuèu

Vilatge d'Occitània

Tombabuèu Tombebœuf
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
L'ostal de comuna.
Geografia fisica
Coordenadas	44° 30′ 28″ N, 0° 27′ 08″ E
Superfícia	18,38 km²
Altituds  · Maximala  · Mejana  · Minimala	152 m 140 m 57 m
Geografia politica
País	Guiana Agenés
Estat	França
Region 75	Novèla Aquitània
Departament 47	Òut e Garona
Arrondiment 473	Vilanuèva d'Òut
Canton 4723	Lo Liuradés (Montclar d'Agenés avant 2015)
Intercom 244701405	CC d'Òut e Tolzac
Cònsol	Claude Moinet (2020-2026)
Geografia umana
Populacion Populacion totala (2018)	457 ab. Evolucion de la populacion 461 ab.
Densitat	25,41 ab./km²
Autras informacions
Còde postal	47380
Còde INSEE	47309

Tombabuèu (Tombebœuf en francés) es una comuna agenesa situada dins lo departament d'Òut e Garona e la region de Novèla Aquitània, ancianament d'Aquitània.

Geografia

Lo borg de Tombabuèu es sus la penda d'una tuca del calcari blanc de l'Agenés (coma la de Monbaús), situacion ideala per un castèl (e n'i aviá un).

Tombabuèu es a una estèla de viás de comunicacions : s'i crosan principalament la RD 667, de Miramont de Guiana a Senta Liurada d’Òut, la RD 124 cap a Marmanda d'un costat, a Cancor de l'autre, la RD 120 cap a Tonens. Aquels camins pòdon èstre posteriors al sègle XVIII (la mapa Cassini mòstra que lo camin Miramont-Tombabuèu dirècte existissiá pas dins la segonda meitat del sègle XVIII ). L'abséncia d'un estatut administratiu valorizant (lo capluèc del canton èra Montclar) a limitat lo desvolopament comercial e demografic de l'aglomeracion.

Comunas vesinas

Distanças e posicion relativa

Tombabuèu

Tortrés
(1,9 km)

Vilabramar
(3,1 km)

Cors de Vertuèlh
(4,6 km)

Vertuèlh d'Agenés
(5,5 km)

Montastruc
(5,6 km)

La Pèrcha
(5,7 km)

Toponimia

Las atestacions ancianas son : Cumbabove (prioratus de ~), en 1309, en latin (que sembla d'èstre una maissanta lectura per Tumbabove, segon Durengues), Tombeben (seigneur de ~), en 1324, en francés, Tombabon (capella de ~), en 1326, en occitan, Tombeben (dominus de ~), en 1330, Tombabove (eccl. B.M. de ~), en 1516, en latin, Tombabove (r. de ~), en 1520, en latin .

Tant Dauzat coma Ernèst Negre, citat per Bénédicte Boyrie-Fénié, interprètan lo nom coma un compausat de tombar e de buèu, mas lo sens que li donan es diferent. Per Dauzat e Rostaing, lo mot designa un masèl e Negre postula lo chafre d'un òme fòrt, capable (metaforicament) de desquilhar un buèu en lo tenent per las banas, vengut nom de luèc. L'acceptabilitat toponimica de la proposicion de Dauzat es milhora que per la de Negre. Mas Bénédicte Boyrie-Fénié, tot en acceptant l'idèa de masèl, evòca tanben la possibilitat d'un crosament entre buèu (ancianament bòu) e bòsc : l'accion de tombar un bòsc seriá la d'eissartar, de rompre, d'artigar; una tala confusion sembla atestada en d'autres luècs .

La prononciacion presenta un detalh interessant : la persisténcia de la prononciacion de a pòsttonic, a la plaça de [ɔ] : [,tumba'bɛw] , que fai pensar a un fenomèn semblable que coneis una partida de l'èst de l'Entre Duas Mars : [,senta'fe] per Senta Fe, [pəla'grujə] per Pelagru(i)a.

Istòria

Aquesta seccion es voida, pas pro detalhada o incompleta. Vòstra ajuda es benvenguda !

Administracion

Lista dels cònsols successius

Periòde		Identitat	Etiqueta	Qualitat
novembre de 2014	2026	Claude Moinet
març de 2014	octobre de 2014 (demission)	Jean Bolzon
2001	2014	René Corradini		retirat de maselièr
junh de 1995	2001	François de Richemont
	1995
Totas las donadas non son pas encara conegudas.

• Abans la refòrma cantonala de 2014, aplicada en 2015, la comuna èra del canton de Montclar d'Agenés; es adara del canton del Liuradés.

Demografia

Evolucion demografica Populacion comunala actuala (2013): 467, totala: 474
1793	1800	1806	1821	1831	1836	1841	1846	1851
3 110	765	867	883	974	991	948	898	925
1856	1861	1866	1872	1876	1881	1886	1891	1896
953	970	938	887	928	933	918	867	832
1901	1906	1911	1921	1926	1931	1936	1946	1954
796	770	742	662	653	706	662	596	613
1962	1968	1975	1982	1990	1999	2006	2007	2008
588	545	484	417	450	424	437	439	441 447
2009	2010
445 450	453 458
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

• en 1793, la municipalitat es « Tombeboeuf, Tortrés et Villebramar » (en francés), donc Tombabuèu, Tortrés e Vilabramar; mas aquò explica mal l'enòrma populacion recensada; en efècte, en 1800, lo total de la populacion de las tres comunas èra de 1837 abitants.
• En 2018 la populacion èra de 457 abitants e la densitat èra de 24,86 ab/km².

Veire tanben

• Comunas d'Òut e Garona