Mont (Bearn)

Un article de Wikipèdia, l'enciclopèdia liura.
Salta a la navegació Salta a la cerca
Flag of Occitania (with star).svg Vilatge d'Occitània Blason Languedoc.svg

Mont
Mont

Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Mont (Pyrénées-Atlantiques) vue 1.JPG
Lo borg.
Geografia fisica
Occitania map (1).png
geolocalizacion
Coordenadas 43° 26′ 09″ N, 0° 39′ 07″ O
Superfícia 18,24 km²
Altituds
 · Maximala
 · Mejana
 · Minimala
 
202 m
100 m
69 m
Geografia politica
País Bearn Armas de Bearn
Estat Bandièra de França França
Region
75
Navèra Aquitània
Departament
64
Pirenèus Atlantics Armas deu Departament deus Pirenèus Atlantics
Arrondiment
643
Pau
Canton
6415
Artics e País de Seuvèstre (Lagòr abans 2015)
Intercom
246400022
CC de Lac-Ortès
Cònsol Jacques Clavé [1]
(2020-2026)
Geografia umana
Populacion
Populacion totala
(2019)
1 137 ab.
Evolucion de la populacion

1 232 ab.
Densitat 58,88 ab./km²
Autras informacions
Gentilici (en francés)
Còde postal 64300
Còde INSEE 64396

Mont[2] (Mont en francés) qu'ei ua comuna bearnesa, administrada peu departament deus Pirenèus Atlantics e la region de Navèra Aquitània, ancianament d'Aquitània.

Geografia[modificar | modificar la font]

Comunas a l'entorn.

Toponimia[modificar | modificar la font]

Arança[modificar | modificar la font]

La prononciacion qu'ei [a'ransə]. Las fòrmas ancianas que son Aransse, en 1383, Aransia, en latin, en 1451, Aransa en 1583, Arance (mapa de Cassini, a la fin deu sègle XVIIIau) [2].

Segon Dauzat, Arança que vien benlhèu deu preindoeuropèu *ar, « aiga, arriu, flume » e deu sufixe -antia [3].

Segon Miquèu Grosclaude, l'associacion deu sufixe latin -antia e d'ua basa preindoeuropèa qu'ei dobtosa. Grosclaude que deisha duas possibilitats, 1) lo radicau basco/aquitan arran, « vegetacion de bròcs negres, d'espinós », mès i a qu'ua sola -r- a Arança; 2) lo radicau basco/aquitan aran, « vath »; totun Arança ei pas sus ua situacion particulara dens la vath e plan d'autes lòcs qu'aurén meritat lo medish nom. Que i a tanben un arriu deu canton d'Arsac e Arrasiguet, l'Arance o la Rance (noms en francés). Lo tot qu'ei dab lo sufixe -tze [2].

Segon Xavier Delamarre, especialista de las lengas celticas, per un aute lòc, l'Arance (Lanas), afluent esquèrre de Lui, que vien d'*arantiā. Mès l'autor qu'ei pas segur de la celticitat deu nom : Arança qu'ei benlhèu un idronime « vielh europèu » (compréner anterior a l'arribada deus cèltas) [4]. Mès aquera darrèra aiga qu'ei sovent escriuta Arrance.

Gosa[modificar | modificar la font]

La prononciacion qu'ei ['guzə]. Las fòrmas ancianas que son Goza, en 1270, Goze en 1286, Gose au sègle XIII, Guoze en 1385, Goose en 1487, Gouze (mapa de Cassini, a la fin deu sègle XVIIIau) [5].

Segon Dauzat, Gosa, nom escur qui vien benlhèu deu nom germanic d'òmi Gozo o Godo, com Gosens (Hauta Garona) [6].

Segon Miquèu Grosclaude, los noms de persona Goto e Godo son atestats au sud deus Pirenèus. Gosa que's pòt benlhèu arreligar dab Gotenh (Sola) e Gots (comuna d'Oràs). Segon Pèire Bèc, se l'etime èra got, lo nom que deuré estar Goda e non pas Gosa (lo [d] romanic que demòra [d] e non passa pas a [z]). Lo nom que demòra escur [5].

Lendreça[modificar | modificar la font]

La prononciacion qu'ei [len'dresə]. Las fòrmas ancianas que son Landresse, au sègle XI (segon Pèir de Marca), Landressa en 1194, Lendressa en 1235, Landresse en 1385, Lendresse (mapa de Cassini, a la fin deu sègle XVIIIau) [7].

Per Dauzat, lo nom qu'ei escur [8].

Lo diccionari d'Alibèrt que pòrta per endreça, « direccion, biais expedient ». Lo de Palay, per endresse/endres, que pòrta « direccion, conselh, guida », e per endressère, « camin, sendèr de travèrsas ». En aragonés, endrezere/endresere qu'a tanben lo sens de « travèrsas ». Lo nom de Lendreça qu'ei lo mot occitan endreça (latin in directum e sufixe -ittiam) dab l'article; lo sens qu'ei la bona direccion, lo camin, lo passatge. La motivacion qu'ei la situacion suu Gave de Pau a un lòc de passatge sus un deus itineraris deu Camin de Sant Jacme. Que i a a Lendreça un lòc aperat la nau, « la barca » e de l'aute costat deu Gave un ostau Guironolé (= Guiron naulèr, Guiron lo barquèr); lo camin qui en part qu'escala un penent per miar au santuari de Nòsta Dauna de Muret, puish a l'abadia de Seuvalada, çò qui confirma Lendreça ei un lòc de passatge jacobita [7].

Mont[modificar | modificar la font]

La prononciacion qu'ei [mun]. Las fòrmas ancianas que son Villa de Mont en 1235, Mont en 1385, Mon en 1538, Mont (mapa de Cassini, a la fin deu sègle XVIIIau) [9].

Lo sens pausa pas de problèma, que pòt estar ua montanha mès tanben un tuc. Mont (latin montem) qu'ei en suspart de l'arribèra deu gave de Pau [9].

Istòria[modificar | modificar la font]

Lo 1èr de gèr de 1972 (arrestat prefectorau deu 29 de deceme de 1971), Arança (INSEE 64030), Gosa (64248), Lendreça (64333) e Mont que fusionèn entà formar la comuna navèra de Mont [10],[11].

Administracion[modificar | modificar la font]

Lista deus cònsols successius
Periòde Identitat Etiqueta Qualitat
2014 2026 Jacques Clavé    
1995 2014 Pierre Domblides    
  1995      
Totas las donadas son pas encara conegudas.

Demografia[modificar | modificar la font]


 v · d · m 
Evolucion demografica
Populacion comunala actuala (2013): 1074, totala: 1168
Picto infobox character.png

1793 1800 1806 1821 1831 1836 1841 1846 1851
477 - -

1856 1861 1866 1872 1876 1881 1886 1891 1896
- - - - 391 - - - -

1901 1906 1911 1921 1926 1931 1936 1946 1954
- - 350 - - - - - -

1962 1968 1975 1982 1990 1999 2006 2007 2008
267



Cercar
845
964
977
990
1 090
2009 2010
1 016
1 117
1 025
1 125
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE
Evolucion de la populacion 1962-2008


  • En 2019 la populacion qu'èra de 1137 abitants.

Lòcs e monuments[modificar | modificar la font]

Personalitats ligadas dab la comuna[modificar | modificar la font]

Véder tanben[modificar | modificar la font]

Ligams extèrnes[modificar | modificar la font]

Nòtas[modificar | modificar la font]

  1. per l'accent : https://www.larepubliquedespyrenees.fr/2020/01/15/mont-arance-gouze-lendresse-jacques-clave-repart-pour-un-second-mandat-de-maire,2649636.php
  2. 2,0 2,1 et 2,2 Michel Grosclaude, Dictionnaire toponymique des communes du Béarn, Escòla Gaston Febus, 1991, p. 121
  3. Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 23, a Aranc
  4. Xavier Delamarre, Noms de lieux celtiques de l'Europe ancienne, ed. Errance, 2012, p. 54
  5. 5,0 et 5,1 Michel Grosclaude, Dictionnaire toponymique des communes du Béarn, Escòla Gaston Febus, 1991, p. 123
  6. Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 327
  7. 7,0 et 7,1 Michel Grosclaude, Dictionnaire toponymique des communes du Béarn, Escòla Gaston Febus, 1991, p. 125-126
  8. Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 395
  9. 9,0 et 9,1 Michel Grosclaude, Dictionnaire toponymique des communes du Béarn, Escòla Gaston Febus, 1991, p. 129
  10. https://www.insee.fr/fr/metadonnees/cog/commune/COM64396-mont
  11. http://cassini.ehess.fr/fr/html/fiche.php?select_resultat=23028