Simin Palai

Un article de Wikipèdia, l'enciclopèdia liura.
(Redirigit dempuèi Simin Palay)
Anar a : navigacion, Recercar
Simin Palai

Jean-Maximin Palay, aperat Simin Palay (Simin Palai en gascon), que vadó lo 29 de mai 1874 a Castèida e Doat[1], vilatge bearnés deus Pirenèus Atlantics a las termièras de Bigòrra e que's morí en 1965 a Gelòs, vilatge au ras de Pau, en lo medish departament. Que deishè ua òbra diversificada puish qu'estó un escrivan, un poèta, un dramaturg, un filològ e un lexicograf de lenga occitana en dialècte gascon. Que demora un deus màgers noms deu Felibritge gascon.


Biografia[modificar | modificar la font]

Hilh de Joan Palai, que participè dab Miquèu de Camelat a la fondacion de la revista Reclams de Biarn e Gasconha (Reclams de Biarn e Gascougne) en 1897.

Dab Sonets e catorzins (Sounets e Quatourzîs, 1902), Casa ( Case, 1909) e Las pregàrias e las gràcias (Las pregàries e las gràcies, 1926), qu'estó l'autor d'ua òbra poetica qui's meritaré d'estar reeditada e relejuda. Qu'escrivó hèra entau teatre tanben, un shishantenat de pèças dont las mei escadudas e son Lo rei malurós (Lou rey malurous, 1929), Mossur qu'ei pèc (Moussu qu'ey pèc, 1936), e la mei populara Lo franchimand (Lou Franchiman) qui estó representat un milierat de còps.

  • Simin Palai que cotivè tanben la pròsa: memòrias, escriuts politics en la revista Reclams, e un roman, Los tres gojats de Bòrdavielha (1934), on n'atenh pas la hautor de la soa produccion poetica, mes qui presenta totun un gran interès istoric e sociologic.

Au briu de las annadas, l'òbra màger de Simin Palai, tostemps ligada au son nom, qu'ei solide lo Dictionnaire du béarnais et du gascon modernes qui estó editat mantun còp (1932-1934, 1961, 1974). Aqueth obratge immens, e qui s'espèra enqüèra ua edicion occitana, que's pòt comparar au Tresaur de Mistral, que demora lo gatge indispensable entà tots los qui cèrcan d'aquesir ua coneishença pregonda deu gascon.

Que creè dab Miqueu de Camelat l'Escòla Gaston Fèbus (Escole Gastoû Febus).

Òbras[modificar | modificar la font]

Lexicografia[modificar | modificar la font]

Dictionnaire du Béarnais et du Gascon Modernes, Pau : Marrimpouey jeune, bibliotèca de l'Escole Gastoû Febus, 2 vol (vol 1 : de A a E, 1932, 573 p ; vol. 2 : de F a Z, 1934, 698 p.)

  • 1961 : Paris : C.N.R.S, 2au edicion revisada e corregida, 1009 p. dab un suplement de 31 p.
  • 1963 : Paris : C.N.R.S, 2au edicion revisada e corregida, coll. Escole Gastou Febus, 1011 p. + suplement de 31 p.
  • 1974 : Paris : C.N.R.S, 2au edicion revisada e corregida, coll. Escole Gastou Febus, 1039 p. + suplement de 31 p.
  • 1981 : Paris : C.N.R.S. 3au edicion completada, 1053 p. + suplement de la 2au edicion de 45 p.
  • 1991 : Paris : C.N.R.S., coll. Escole Gastou Febus, 3au edicion completada, 1053 p. Reeditat en 1994.

Etnografia[modificar | modificar la font]

Gastronomia[modificar | modificar la font]
  • Autour de la table béarnaise. Traditions, coutumes, terminologie, proverbes et dictions, Tolosa : Privat ; Paris : Didier, Coll. Éditions de l'Académie du Bearn. VIII. 1932, 116 p.

Reeditat en 2014 per Princi Negue, ed. : éditions des Régionalismes, Cressé. Avantdíser de C. Desplat.

  • La cuisine du pays : Béarn, Armagnac, Bigorre, Landes, Pays Basque, 500 recettes de cuisine, pâtisserie, confiserie, recueillies par Simin Palay, editat en 1951, 1962, 1970, 1978, Pau : Marrimpouey Jeune.
Nadaus e musica[modificar | modificar la font]
  • Six Jolis Noëls Anciens [musique imprimée] : Béarnais, gascons et français (paroles et musiques), Pau : ed. Marrimpouey Jeune [imp. Marrimpouey Jeune], 1 vol., 12 p.
  • Les Noëls de Béarn et de Gascogne, 1923
  • Essais sur les origines du chant béarnais, Pau : G. Lescher-Moutoué, 1914

Poesia[modificar | modificar la font]

  • Versets de joenessa e condes entà ríser, dab ua cançon-prefaça de Filadèlfa de Ierda(Bercets dé youénésse é condes enta rise, dab ue cansou-préface de Filadelfe de Yerdo), Escole Gastou-Fébus, 1899

Roman[modificar | modificar la font]

  • Los tres jojats de Bòrdavielha, ua familha biarnesa au sègle darrèr (Los trés gouyats de Bordebielhe, ua familhe biarnésa au sècle darrè), Pau : Marrimpouey jeune; Reeditat en 2004 (Pau : Princi Negre)
    • en grafia classica: Los tres gojats de Bòrdavielha, ua familha biarnesa au sècle darrèr, Orthez : Per Noste ; Pau : Marrimpouey jeune, 201 p. Remarca : tèxte presentat per Robèrt Darrigrand

Teatre[modificar | modificar la font]

  • Lo franchimand, petita patorala (Lou Franchiman, petite pastourale), Bibliotèque de l'Escole Gastou Febus, 1905
  • Casa! Tròbas biarnesas (Case ! Trobes biarneses), Pau : G. Lescher-Moutoué, 1909, 161 p.
  • La bugada, petita pastorala en tres hèitas (entà gojatas) [La bugada, petite pastourale en trés hèytes (enta gouyates)], Pau : [imp.] Marrimpouey jeune, 1923, 16 p.
  • Lo temps que cor, pièça en un acte tà tres gojats (Lou temps que cour, pièce en u acte ta trés gouyats), Pau : Libié de l'Escole Gastou Febus, 1926, 32 p.
  • Lo marcat de la troja, farsejada en un acte (Lou marcat de la trouje, farcejada en u acte), Pau : Lo lieberè de l'Escole Gastou Febus [imp. Marrimpouey jeune], 1927
  • Lo medecin sens practicas, farsa en un acte (Lou medeci sens pratiques, farce en u acte), Pau : G. Lescher-Moutoué, 1928
  • La hemna encracabada, comedia entermesclada de cantas en un acte (La hemne encracabade, coumedie entermesclade de cantes en u acte), Pau : Escole Gastou Febus ; G. Lescher-Moutoué, 1929, 14 p.
  • La noça de la Pamelà, comediòta entà gojatas (La nouce de la Pamela, coumediote enta gouyates), Pau : ed. Marrimpouey Jeune, Pau : ed. G. Lescher-Moutoué, 1929, 14 p.
  • Cadechon e Cabdethon, comediòta entà gojats en un acte e vèrs (Cadechoun e Caddetou : comediote enta gouyats en u acte en bèrs) : Pau, Escole Gastu-Febus, 1932

Nòtas e referéncias.[modificar | modificar la font]

  1. M. Grosclaude dins DICTIONNAIRE TOPONYMIQUE DES COMMUNES DU BEARN, Escòla Gaston Febus, 1991[1]
Gasconha Armas de Gasconha

Articles connèxes[modificar | modificar la font]