Landeroat

Un article de Wikipèdia, l'enciclopèdia liura.
Anar a : navigacion, Recercar


Flag of Occitania (with star).svg Vilatge d'Occitània Blason Languedoc.svg

Landeroat
Landerrouat

Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Landerrouat Mairie.jpg
Geografia fisica
Occitania map (1).png
geolocalizacion
Coordenadas 44° 44′ 35″ N, 0° 09′ 34″ E
Superfícia 4,99 km²
Altituds
 · Maximala
 · Mejana
 · Minimala
 
126 m
96 m
68 m
Geografia politica
País Gasconha Armas de Gasconha
Estat Bandièra de França França
Region
75
Aquitània Escut d'Aquitània
Departament
33
Gironda Escut de la Gironda
Arrondiment
333
Lengon
Canton
3334
Canton deu Reulés e de las Bastidas, ancianament de Pelagrua
Intercom
243301116
Communauté de communes du pays Foyen 243 301 371
Cònsol Jeanine Lacombe (2014-2020)
Geografia umana
Populacion
Populacion totala
(2013)
195 ab.
Evolucion de la populacion

ab.
Densitat 39,08 ab./km²
Autras informacions
Gentilici landerroatés, esa
Còde postal 33790
Còde INSEE 33223

Landerroat (Landerrouat en francés), ancianament Landar(r)oat, es una comuna occitana d'Agenés [1], dialèctalament en Gasconha, administrada per lo departament de Gironda de la region de Novèla Aquitània, ancianament d'Aquitània.


Geografia[modificar | modificar la font]

L'aigavèrs entre Dordonha e Dròt travèrsa la comuna; en consequéncia, lo relèu es pauc traversut, sens estar completament planèir.

Quasi tota la populacion es dens lo borg o près del borg. Localament, la ruia màger, que conten la màger part de la zòna d'abitat massat, es apelada lo borg e los ostaus deu camin departementau Senta Fe-Esclòtas son qualificats de fauborg (faux bourg dens un tèxte de l'abat Miramond, curat de Landerroat abans la Revolucion).

En periferia deu borg, i a d'ostaus individuaus modèrnes, dont quauques uns dens un petit lotejament près deu castèu d'aiga e d'autres en aut dau fauborg.

Landerroat es coneishut per son importanta cava cooperativa, per la longa preséncia d'un dancing dempuèi la prumèira meitat del sègle XX e per sa forèst, adara en granda partida desboigada, que s'espand tanben sus las comunas de Savinhac de Duràs e d'Esclòtas.

Perimètre del territòri

Comunas confrontantas de Landerroat
Cablong Las Luèvias e Tomeiragas
Pelagrua Landerroat
Esclòtas Savinhac de Duràs

Toponimia[modificar | modificar la font]

Las atestacions ancianas esitan entre una o duás r : Landarroatum, en latin, 1274, Landaroat (parochia de ~), en occitan, 1290. La prononciacion deus darrèrs locutors naturaus (document sus casseta magnetica de 1987, inedit) èra clarament ambe duás r, çò que justifica la grafia Landerroat segon las règlas de la grafia classica (i a un parelh minimau entre r simpla e r multipla). La varianta Landeroat, inusitada a data recenta, a estat mesa en circulacion per lo libre de Bénédicte Boyrie-Fénié, Dictionnaire Toponymique des Communes. Gironde, basat per fòrça ren que sus l'etimologia e una partida de las fòrmas medievalas. La fòrma grafica francesa, emb duás r, tròba una explicacion dens l'usatge locau.

L'etimologia es a religar a la deus toponimes Landerron (La Mòta Landerron) e Landerroet. Poiré èstre de procedéncia basca : "landare", planta, tot vegetau. Seré una fòrma sufixada de Landerron o Landeron, (Landeron + at ) [2] emb tombada de l'èna intervocalica, coma a Moliets (= Molinets). Es un indici d'un camjament dialectau, benlèu devut a l'arribada dels gavaches aprèp la Guèrra de Cent Ans, o anterior : lo parlar de Landerroat al sègle XX, a penas gascon, es en defòra de l'isoglòssa d'aqueth fenomèn.

Istòria[modificar | modificar la font]

Abans la Revolucion, Landerroat èra una parròquia de la diocèsi d'Agen[3] e avé sa juridiccion (una sola parròquia) [4].

Au sègle XVII, Landerroat èra un vilatge catolic (tradicion locala, qu'es pas la veritat completa segon Durengues [5]), mentre que d'autres près de Senta Fe èran reformats.

L'abat Pierre François Miramond, curat de Landerroat pendant la Revolucion, fut prèire constitucionau segon de las tradicions localas, mes coma lo canonge Durengues (que lo cita coma Pierre François Miramont) ne'n parla pas, aquò deu estar una error; Durengues precisa que morit pendent la Revolucion [6]. Dus tèxtes de l'abat Miramond son conservats : un començament de lista d'abitants de Landerroat e la copia d'una letra a l'avesque d'Agen. Lo darrèir curat de la parròquia fut Delphin Delord (curat de Landerroat entre 1920 e lo començament de las annadas 1960), neishut en 1872 e mòrt en 1964 après una corta retirada.

Cap a 1960, Landerroat avé tres especierias, una forneria, dus cafés, una sala de bal, un ressegaire, un faure, un marescau... L'escòla de Landerroat arribet a 92 escolans dens duás classas pendant las annadas 50 (una partida venièn de las comunas vesinas (Pelagrua, Savinhac de Duràs, Esclòtas, Riucau) perqué l'escòla de Landerroat èra pus près que la de lurs comunas respectivas e que venièn a pé o a bicicleta); pr'aquò, l'escòla barret pendent las annadas 80.


Administracion[modificar | modificar la font]

Lista deus cònsols successius
Periòde Identitat Etiqueta Qualitat
2001 2020 Jeanine Lacombe    
1978 ? 2001 Guy Riffaud RPR conselhièr general (1988-2008)
19.. 1978 ? André Gorry    
Totas las donadas son pas encara conegudas.
  • Abans la refòrma cantonala de 2014, aplicada en 2015, la comuna èra deu canton de Pelagruia; es adara deu canton de Le Réolais et Les Bastides (en francés), donc Lo Reulés e las Bastidas. L'intercomunalitat es la Communauté de communes du pays Foyen.

Demografia[modificar | modificar la font]


 v · d · m 
Evolucion demografica
Populacion comunala actuala (2013): 195, totala:
Picto infobox character.png
1793 1800 1806 1821 1831 1836 1841 1846 1851
351 243 208 223 271 233 248 246 227
1856 1861 1866 1872 1876 1881 1886 1891 1896
234 240 242 236 234 230 229 241 220
1901 1906 1911 1921 1926 1931 1936 1946 1954
217 246 258 235 240 235 230 235 232
1962 1968 1975 1982 1990 1999 2006 2007 2008
196
186
188
183
193
161
172
175
179
181
2009 2010
182
185
182
184
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE
Evolucion de la populacion 1962-2008


  • la populacion de 1793 estona. Fai supausar que lo territòri de la comuna a l'epòca èra pus vaste que après. Devé tanben èstre pus grand que lo de la parròquia d'Ancian Regime perqué lo canonge Durengues compta que 110 comuniants en 1789 [7]
  • 2013 : 195 abitants (39 ab/km²)

Luecs e monuments[modificar | modificar la font]

Glèisa de Sent Joan Baptista, puslèu granda (22 canas per Durengues), en partida romanica. Lo aut deu mur fai veire que fut brutlada (Guèrras de Religion ?) e i a pas mèi de vòuta. Lo portau es gotic, entau coma una nau laterala, aquesta sens gaire d'estile.

Personalitats ligadas emb la comuna[modificar | modificar la font]

Véser tanben[modificar | modificar la font]

Ligams extèrnes[modificar | modificar la font]

Nòtas[modificar | modificar la font]

  1. http://gallica.bnf.fr/ark:/12148/btv1b77101733/f1.item.zoom
  2. Bénédicte Boyrie-Fénié, Dictionnaire toponymique des Communes [de] Gironde, Cairn, Institut Occitan, 2008.
  3. http://gallica.bnf.fr/ark:/12148/btv1b77101733.zoom.r=seneschaussee+d%27agenois.f1.langFR%7C.
  4. Jean Burias, Monumenta Historiae Galliarum, Agenais
  5. https://archive.org/details/pouillhistoriq00dure p. 519
  6. https://archive.org/details/pouillhistoriq00dure p. 519
  7. https://archive.org/details/pouillhistoriq00dure p. 519