Doasith

	Sus d'autres projècte de Wikimedia:
Commons	Commons (Galariá)
Commons	Commons (Categoria) Modèl:Commonscat/categories

Vilatge d'Occitània

Doasit
Doazit

Doasit, lo Camp de Murs.

Armas

Geografia fisica

Coordenadas

43° 41′ 29″ N, 0° 38′ 42″ O

Superfícia

22,16 km²

Altituds
· Maximala
· Mejana
· Minimala

127 m
110 m
57 m

Geografia politica

Shalòssa Hauta

França

Dacs

Costalat de Shalòssa (Mugron avant 2015)

Intercom
244000717

CC de Tèrras de Shalòssa

Cònsol

Denis Langlade
(2020-2026)

Geografia umana

Populacion
Populacion totala
(2018)

857 ab.

Evolucion de la populacion

884 ab.

Densitat

40,39 ab./km²

Autras informacions

Los Doasits

40700

https://www.doazit.fr/

Doasit (Doazit en francés) qu'ei ua comuna gascona de Shalòssa, situada dens lo departament de las Lanas e la region de Navèra Aquitània, ancianament d'Aquitània. En 2018, que comptavan 857 Doasits.

Geografia

Doasit que's tròba en Gasconha, au mijorn de l'Ador, en Shalòssa o tà miélher díser en plenh còr de Shalòssa Hauta. La comuna qu'es traversada per la Guauga qui's vueita dens lo Los. Las comunas tòcatocantas que son : Horsarriu, Audinhon, Banòs, Montaut, Mailís, Sent Cric de Shalòssa, Sèrraslós e Arribans, e Hagetmau.

Perimètre deu territòri

Mont Aut	Banòs	Audinhon
Mailís	N	Horcs Arriu
	O Doasit E
	S
Sent Cric de Shalòssa	Sèrraslós e Arribans	Hagetmau

Quartièrs

lo borg
Aulèrs (de Auleriis^[1])
Murs (de Muris^[2])

Toponimia

La prononciacion qu'ei [dwa'zit]. Las fòrmas ancianas que son Donagello en latin, en 933 (sic pro 988), G. de Diazid en 1242, de Doazito, en latin, en 1289, Otto de Doaset en 1294, Doasit (mapa de 1638), Doüazit (mapa de 1651), Doazin (mapa deu sègle XVIII), Doasit (mapa de 1714), Doazit (mapa de 1733) ^[3].

Per Dauzat, qui's basa sus l'atestacion de 933 (sic pro 988), lo nom que vien de *Donatiellum, derivat rare deu nom latin d'òmi Donatius e deu sufixe -ellum. Lo nom qu'ei religat dab Doason^[4].

Negre, citat per Bénédicte Boyrie-Fénié, qu'interprèta lo nom com Donatillus, tractat com *Donadillus [per explicar lo passatge a -z-]; la tombada de n intervocalica e lo passatge de -ll a -t que complètan l'evolucion. Astor, tanben citat per B. Boyrie-Fénié, que dona la medisha explicacion, en precisant que Donatillus deriva de Donatus « donat (a Diu) »^[3].

Bénédicte Boyrie-Fénié qu'accèpta lo nom Donatillus, derivat deu cognomen Donatus. La fòrma de 933 qu'ei devuda a un cambiament d'oclusiva intervocalica ^[3] (mès l'autora precisa pas s'ei fonetic o simplament grafic).

Istòria

La comuna de Doasit qu’a balhat traças vielhas d’aucupacion umana, com pèirahuec talhadas, deu paleolitic inferior, tà las mei ancianas.
Lo « camp de Murs »^[6] (enclaus de terra), lo « Tucòu deu Casterar » (esperon barrat) e lo site deu borg^[7] (esperon barrat), que son tres obratges de mau datar, qui poirén estar autan plan protoistorics com miejancèrs.
Lo senhor Donat Garcia de « Donazello » (fòrma vielha de « Doasit »), que viscó au sègle X^au. Qu’avó solide, lo son castèth au bèc de la mòta lhevada a l’oèst deu borg actuau. Qu’es au pè d’aqueth « tarrèr » que, de cap a 1300, los poblants e s’amassàn en un castèthnau amainatjat sus l’esperon barrat deu borg.
Bastida au sègle XII^au, la glèisa de Sent Joan d’Aulèrs qu’estó lo sièti de l’arquiprestat de Shalòssa (avescat d’Aira), dinc a 1827^[8].
Los Foish-Candale que crompàn la baronia de Doasit au sègle XV^au, e qu’i hasón bastir lo castèth de Candale a la fin deu XVI^au.
Dinc au sègle XVII^au, qu'i avè a Doasit ua hòrta preséncia de Cagòts.
Un cronicaire deu vilatge, l’Enric de Labòrda-Pèboèr, qui viscó au sègle XVII^au, que’ns conda los hèits petits o grans d’aquera tempòra destraubiada en Shalòssa, susquetot per la « Fronde » e la revòlta contre la gabèla, miada preu Bernat Daudijòs e los « Invisibles ».

Dinc au mes d'abriu de 2015, la comuna de Doasit qu'èra restacada au canton de Mugron.

Administracion

Lista deus cònsols successius

Periòde

Identitat

Etiqueta

Qualitat

mai de 2020

(2026)

Denis Langlade

2014

2020

Maryline Beyris

PS

agricultritz, conselhèra regionau

març de 1977

2014

Marcel Dutoya

PS

agricultor

1959

1977

Joseph-Jean Bonnefemne

Seguida de la lista deus maires


Periòde		Identitat
mai 1945	1959	Jean-Norbert Ducau
1935	1945	Marie-Alexandre-Jean Gaillard
1909	1935	Jules-Raymond Branzeau^[9]
1900	1909	Joseph-Henri Barbe
1896	1900	Gaston Lacaze
1893	1896	Arnaud Lalaude
1888	1893	Gaston Lacaze
1883	1888	Jean-Alexandre Dagès
1871	1883	Jean-Jacques Victor Brocas-Perras
1870	1871	Jean-Alexandre Dagès
1861	1870	Jean-Jacques Victor Brocas-Perras
1856	1861	Jean-Pierre Dubernet
1854	1855	Arnaud Ducamp
1837	1854	Jean-Jacques Victor Brocas-Perras
1821	1837	Jean Barbe
1808	1821	François Henri de Foix Candale
1803	1808	Jean Tachouères
1800	1803	Ambroise poysegur
1800	1800	Martin Lanevère
1799	1800	Jean Diris
1798	1799	Jean Tachouères
1797	1798	Jean Darcahute
1797	1797	Pierre Barbe
1796	1797	Jean Darcahute
1795	1796	Pierre Poységur
1793	1795	Pierre Barbe
09/05/1793		creacion de la comuna per l'aplec de las comunas de : Aulèrs Paradèra Murs Doasit (borg)

Economia

Se la cultura de la vinha e lo colonat a miejas e marcavan d’auts còps l’economia deu vilatge, uei qu’es lo milhòc qui senhoreja.
Per çò deus mestieraus, au sègle XX, Doasit que’s distingueish per mantuas enterpresas de hustatge. Mes la principau, l'enterpresa Soubaigné, qui emplegà dinc a 85 obrèrs, qu'es barrada en 2014^[10].

Demografia

modificar « persona »
v · d · m

Evolucion demografica
Populacion comunala actuala (2013): 895, totala:

1 379

1 395

1 407

1 437

1 498

1 499

1 490

1 520

1 504

1 493

1 503

1 465

1 408

1 360

1 319

1 273

1 250

1 260

1 256

1 257

1 177

1 143

1 074

1 071

1 004

1 028

1 069

1 032

901

865

858

884

945

931

918
945

2009

2010

904
928

900
925

Fonts

Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE

Evolucion de la populacion 1962-2008

Lòcs e monuments

Glèisa de Sent Joan d’Aulèrs, classada Monument Istoric (8-11-2004). Absida deu sègle XII^au
Glèisa de Sent Martin de Murs.
Glèisa de N.-D. de l’Assompcion (glèisa deu borg)^[11].
Castèth de Candale.
Arenas (1976) ; 1200 plaças ; corsas de vacas.
Estèlas discoïdaus (pèiras de cementèris) : un dotzenat que son estadas recensadas sus la comuna.

Lo camp de Murs
Glèisa de St Joan d'Aulèrs
Glèisa de St Martin de Murs
Glèisa de Nosta Dauna de l'Asompcion deu borg de Doasit
Castèth de Candale
Jean Darcet
(Doasit 1724 - París 1801)

Clicatz sus una vinheta per l’agrandir.

Personalitats ligadas a la comuna

Jean Darcet (Doasit 1724 – París 1801) : Quimista.
Louis Lamaignère (Doasit 1855 – Artassen 1917) ; aliàs "Vin-cent" : autor de textes e poesias en gascon.
Raphaël Lamaignère (Doasit 1887 – Èrm 1951) ; aliàs "Jan de Junat" : autor de textes e poesias en gascon.
Olivier Luquet (Bona Guarda 1914 – Lo Poi (Bruglòssa) 2005) ; aliàs "Jan deu Pradèu" ; curat de Doasit (1956-1996) : autor de peçòtas en gascon.

Bibliografia

(fr) Doazit aux trois églises, per l'Abat Raphaël Lamaignère; 1941.
(fr) Regards sur le passé, per Joseph Ferré; 1940.

Véder tanben

Comunas de las Lanas

Ligams extèrnes

Lo parlar de Doasit

Nòtas e referéncias

↑ Pouillé d’Aire ; Bulletin de la Société de Borda 1884, p.202, 212 e 213.
↑ en 1335 ; Libe roi de l'Avescat d'Aire ; Bulletin de la Société de Borda 1885, p. 280 , e 1886, p. 3 e 8.
↑ ^3,0 ^3,1 et ^3,2 Bénédicte Boyrie-Fénié, Dictionnaire toponymique des communes. Landes et Bas-Adour, ed. Institut occitan e CAIRN, Pau, 2005, p. 92
↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 248
↑ Charles-René d'Hozier, Armorial général de France, tome XIII Guienne, folio 327 ; "La ville de Douazit", 1700.
↑ J.-F. Massie ; Le "Camp" du Mus, à Doazit ; in Bulletin de la Société de Borda, 1969.
↑ Colonel J.-F. Massie ; Les Origines du Bourg de Doazit ; in Bulletin de la Société de Borda, 1975.
↑ Farbos Jean-Paul, Les dates de l'histoire de Saint-Sever, en linha : http://ypf-dico.blogspot.com/2008/10/d-dates-les-grandes-et-petites-de.html, consurtat lo 28-05-2020).
↑ Base Leonore Jules Raymond Branzeau
↑ http://www.sudouest.fr/2014/10/30/l-entreprise-familiale-soubaigne-liquidee-1720256-3350.php
↑ Lhèu fondada preu Rogèr de Vielar lo 28/10/1463 (V. Foix, Dictionnaire des Seigneuries, segon "gen. mss. de Viella par Mme de la Baume-Pluvinel" ; Archius de la Lanas IIF180 f°38).

Portau de Gasconha

[1] Pouillé d’Aire ; Bulletin de la Société de Borda 1884, p.202, 212 e 213.

[2] 1335 ; Libe roi de l'Avescat d'Aire ; Bulletin de la Société de Borda 1885, p. 280 , e 1886, p. 3 e 8.

[bbf-3] 3,0 ^3,1 et ^3,2 Bénédicte Boyrie-Fénié, Dictionnaire toponymique des communes. Landes et Bas-Adour, ed. Institut occitan e CAIRN, Pau, 2005, p. 92

[4] Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 248

[5] Charles-René d'Hozier, Armorial général de France, tome XIII Guienne, folio 327 ; "La ville de Douazit", 1700.

[6] J.-F. Massie ; Le "Camp" du Mus, à Doazit ; in Bulletin de la Société de Borda, 1969.

[7] Colonel J.-F. Massie ; Les Origines du Bourg de Doazit ; in Bulletin de la Société de Borda, 1975.

[8] Farbos Jean-Paul, Les dates de l'histoire de Saint-Sever, en linha : http://ypf-dico.blogspot.com/2008/10/d-dates-les-grandes-et-petites-de.html, consurtat lo 28-05-2020).

[9] Base Leonore Jules Raymond Branzeau

[10] ttp://www.sudouest.fr/2014/10/30/l-entreprise-familiale-soubaigne-liquidee-1720256-3350.php

[11] Lhèu fondada preu Rogèr de Vielar lo 28/10/1463 (V. Foix, Dictionnaire des Seigneuries, segon "gen. mss. de Viella par Mme de la Baume-Pluvinel" ; Archius de la Lanas IIF180 f°38).

[1]

[2]

[3]

[4]

[5]

[6]

[7]

[8]

[9]

[10]

[11]