Castèths (Lanas)

Un article de Wikipèdia, l'enciclopèdia liura.
Anar a : navigacion, Recercar
Pagina d'ajuda sus l'omonimia Pels articles omonims, veire Castèths.

Castèths
Castets

Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Glèisa Castèths 40 FR.JPG
Glèisa de Castèths
Geografia fisica
Occitania map (1).png
geolocalizacion
Coordenadas 43° 53′ 00″ N, 1° 08′ 45″ O
Superfícia 90,18 km²
Altituds
 · Maximala
 · Mejana
 · Minimala
 
86 m
60 m
23 m
Geografia politica
Region istorica Gasconha Armas de Gasconha
Parçan Modèl:Marensin
Estat Bandièra de França França
Region
75
Aquitània Escut d'Aquitània
Departament
40
Lanas Escut de Lanas
Arrondiment Dacs
Canton Canton de Castèths (caplò
Intercom
244000857
Còsta Lanas Natura
Cònsol Jean-Pierre Beguery (2008-2014)
Geografia umana
Populacion
Populacion totala
(2013)
1 997 ab.
Evolucion de la populacion

ab.
Densitat 22,14 ab./km²
Autras informacions
Gentilici los castèths
en francés
Còde postal 40260
Còde INSEE 40075
Eglisa de Castèths

Castèths (Castets en francés) qu'ei ua comuna d'Occitània, en Gasconha, situada en Maransin, administrada peu departament de las Lanas de la region d'Aquitània.

Toponimia[modificar | modificar la font]

A la fin deu sègle XIIau [1] que son mentavudas Ecclesia Sancte Marie de Casted Bresque e Sanctus Petrus de Favars, qui fòrman uei la comuna de Castèths.
Que tròbam arron :
- Castet-Breta en 1356[2].
- Quastet Bresque en 1457, per l’establiment d’ua hèira, lo jorn de St Antòni, (lo 17) deu mes de genèr[3].
- Shens condar las ortografias divèrsas : Casted, Castelz, Castex, Castets,...
A la Revolucion, solide pr’amor d’evocar de tròp la feudalitat, lo nom de « Castèths » qu’es estat cambiat en « Vert-Rameau ».

Etimologia[modificar | modificar la font]

  • Castèth (deu latin castellum = tuc, fortificacion) + "s" (plurau ?) ; Lo plurau qu'es de mau explicar.
  • Huars [’hwas] que vin de « Havars » [ha’was], arron mudada deu « h » e aferèsi deu « a ». Havars / Favars (deu latin faba = hava gròssa) + "-ar " (sufixe collectiu vegetau) + "s " (plurau, o ahortiment deu sens collectiu) : endret on créishen havas.

Geografia[modificar | modificar la font]

Castèths qu'es un caplòc de canton de las Lanas, sus la rota nacionau 10, enter Bordèu e Baiona. Las comunas vesias que son : Talèr, L'Esperon, Linça, Sent Miquèu-Escalús, Lon, Magesc, Èrm, Gorberar.
Lo còr deu vilatge que's tròba enter las vaths de l'Escorjon e de la Palua qui se mesclan a l'oèst deu borg, e se'n van plejar l'estanh de Lon.

Ròsa dels vents Linça L'Esperon Ròsa dels vents
Sent Miquèu-Escalús N Talèr
O    Castèths    E
S
Lon ; Magesc Èrm Gorberar

Economia[modificar | modificar la font]

Castèths que tira avantatge de la soa posicion sus la RN 10. Mantruas enterpresas que s'i son installadas, en mei de l'industria tradicionau deu bòi : piscicultura, basa de distribucion alimentària tà subermarcats, quimia, ostalaria, agroalimentari,...
Produccions agricòlas : Los pins que son juste pertot, mes que s'i hèi tanbei quauque chic d'indon, aspèrjas, poralha e guits engreishats.

Istòria[modificar | modificar la font]

Administracion[modificar | modificar la font]

Lista deus cònsols successius
Periòde Identitat Etiqueta Qualitat
2008 2014 Jean-Pierre Beguery    
març de 2001 2008      
Totas las donadas son pas encara conegudas.

Demografia[modificar | modificar la font]


 v · d · m 
Evolucion demografica
Populacion comunala actuala (2013): 1997, totala:
Picto infobox character.png
1793 1800 1806 1821 1831 1836 1841 1846 1851
1 065 877 977 1 049 1 446 1 632 1 615 1 782 1 921
1856 1861 1866 1872 1876 1881 1886 1891 1896
1 941 2 055 2 167 2 081 2 044 2 006 2 013 1 942 1 732
1901 1906 1911 1921 1926 1931 1936 1946 1954
1 721 1 708 1 661 1 608 1 558 1 455 1 370 1 350 1 451
1962 1968 1975 1982 1990 1999 2006 2007 2008
1 489
1 494
1 517
1 453
1 719
1 808
1 885
1 896
1 915
1 960
2009 2010
1 945
1 991
1 963
2 020
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE
Evolucion de la populacion 1962-2008


Lòcs e monuments[modificar | modificar la font]

  • L’eglisa de Sent Bertomiu, pitada sus un tucolet, qu'es l'eglisa parropiau de Castèths. La partida mei anciana, lo capcèr, qu’es deu sègle XIIau. Qu’es inventoriada dens la Base Mérimée (Ref. Mérimée IA40001326).
  • Huars (d’auts còps « Favars » o « Havars »), que’s troba a 3 km a l’oèst de Castèths, suu cantèr nòrd de la rota D.42, pròche deu limit dab Linça.
    Per n’estar pas mei documentada dempuish 1734[4], la capèra de Sent Pè de Havars, uei dispareishuda, qu’es enqüèra dessenhada sus la carta de Cassini, notada : Chap(el)le St Pierre, a costat deu M(oli)n des Habas. Que damoraré d’aquera capèra, ua campana deu sègle XVIau(?), inventoriada dens la Base Palissy, (Ref. Palissy IM40001096).
    Segon ua legenda o tradicion, la capèra de Huars que seré estada l’antica glèisa parropiau, quèn n’i avè pas au borg, sonqu’ua capèra senhorau[5].
  • Lo Tuc deus Becuts : qu’es ua hautor naturau, enter las vaths de la Palua et de l’Escorjon. Qu’i son estadas trobadas pèirahuec talhadas, e « substruccions galloromanas » [6] Aqueth tuc que seré estat amainatjat en oppidum, e a l’Edat Mejana, qu’auré portat un castèth a l’entorn deu quau a creishut lo vilatge. Qu’es estat traucat e copat en dus au sègle XIXau tà har passar au dret la rota nacionau RN10, au còr de la vila.
  • Las hargas : En 1809, François Dubourg, qui èran dinc aquiu director de las hargas d’Usar proprietat deus Lur Saluces, que crompa, au ras deu borg de Castèths, un maine, dab dus molins suus la Palua, dab l’amira d’installar ua harga. Que s’i escad en 1820, arron dètz annadas d’arromèras de l’administracion, au grat deus cambiaments politics. En 1835 lo son nabot, qui s’apèra tanbei François Dubourg, que hèi bastir ua auta usia, dita « la Palua », suu medish arriu, mes 2 km mei a baish. De cap a 1850, las hargas de Castèths qu’emplegavan de 400 a 500 personas[7] : obrèrs de las hargas, dempuish los bracèrs dinc aus haurs especialisats, mes tanbei los minaires de garluisha, los boèrs, los carboèrs, los tombaires,...
    En 1867, Charles Boulart, arrèr-hilh deu fondator, qu’es proprietari de las duas hargas de Castèths, mes tanbei de las hargas d’Abesse e d’Ardy a Sent Pau d'Acs ; qu’es lavetz lo màger Mèste de hargas deu departament de las Lanas. La creacion de l’usia de la « Compagnie des Forges et Aciéries de la Marine », en 1882, au Bocau Nau, que va concurrenciar seriosament las hargas lanusquetas e portar-las lo còp mortau : La harga « deu Borg » de Castèths, qu’ac deisha en 1905, e la de « la Palua » que vira enqüèra en 1907, que s’estanca abans de s’i tornar pendent la Guèrra de 14, puish que barra tà de bon.
  • La hont viva : o hont de Sent Ròc, tanbei hont de legendas, qu'èra un putz artesian que lo son borbolhoar l'a valut lo nòm. Lo Genie Rural qu'a sajat de la captar tà servir a l'alimentacion en aiga de la comuna, mes la hont qu'a deishat de hornir, desapareishuda...[8] Qu'a tornat pishar un an mei tard, 15 mètres mei lunh, abans de's pèrder, esbarrisclada capvath los marèscs qui bordejan l’Escorjon.
  • Las maisons borgesas[9] :
    • Beauregard : edificada en 1870 per Mma Dubourg, vedoa deu mèste de hargas.
    • Dorlanne : deu nòm deu son proprietari, geomètre ; bastida en 1898.
    • Galan : bastida per lo doctor Maisonnave en 1880.
    • Jeandanse : bastida en 1870 per Thérèse Fabre, hilha deu doctor Martin Fabre. Qu'es la mairia actuau, dempuish las annadas 1960.
    • Bitche : lo bastidor que n'es Gustave Neurisse (1844-1915). L'endret que s'aperava « Cluca l'ardit », mes lo proprietari que l'a tornat batiar « Bitche » en sovièr de la vila de Mosèla, on avè resistat ad atacas alemandas en 1870.
    • Ladoue : anciana proprietat, au sègle XVIIau, deu cavalèr de Ladoue. La maison actuau qu'es estada bastida de cap a 1860, per François Neurisse, mastroquet desahumat.
    • La Palue : ostau deu François Dubourg (nabot), mèste de hargas a Castèths e a Abesse (Sent Pau d'Acs). Bastit au sègle XVIII o permèra mieitat deu XIXau.
  • Lo sequòia (sequoia sempervirens) : dab ua circonferéncia a la soca de 8,70 m e dab mei de 39 m de hautor (pagerat en 2005)[10], que's dreça sus la plaça de mairia de Castèths. Samiat o plantat a l'entorn de 1870, que's trobava a l'origina dens lo parc de la maison Jeandanse.

Personalitats ligadas a la comuna[modificar | modificar la font]

  • François-Marie Gieure (Castèths 1851 - Massanjas 1937) : Avesque de Baiona, Lescar e Auloron de 1906 a 1934. Qu'a instituit oficiaument en 1923, dens los seminaris e los establiments deu segondari deu son diocèsi, l'ensenhament deu basco e deu gascon, l’estudi de la literatura d'aquestas lengas e de l'istòria regionau.
  • Emile Vignes (Castèths 1896 – Castèths 1983) : fotograf reconeishut deus païsatges e de las gents de las Lanas.

Nòtas[modificar | modificar la font]

  1. Cartulaire de la Cathédrale de Dax, Liber rubeus ; CEHAG ; 2004 ; acte n°173, p.406 e n°174, p.436.
  2. J.J. Taillentou ; in Bull. de l’Association Mémoire en Marensin ; n°15 ; 2004 ; p.4 ; segon Arch. Dep. Pyrénées Atlantiques E188.
  3. Arch. Nat. JJ 167, folio 182 n°337
  4. J.-J. Taillentou ; Chapelles, églises couvent disparus en Marensin, in bull. de l’Association Mémoire en Marensin ; n°5 ; 1994 ; p.88.
  5. Joseph Légé ; Registre Paroissial de l’Eglise de Linxe ; 1863 ; ed. Association Mémoire en Marensin ; 1995 ; p.170.
  6. Bulletin de la société de Borda, 1881, pp. XXXIV e XLVII.
  7. Segon ua estimacion deu Pèir Laforie : Les forges de Castets, in bulletin de l’Association Mémoire en Marensin ; n°17 ; 2006 ; pp115-131.
  8. David Chabas ; Villes et villages des Landes ; 1967 ; t. 1 ; p.116.
  9. Segon Franck Lalanne ; Catalòg de l’exposicion « Autrefois Castets » ; policopiat ; 1992.
  10. Bulletin de l’Association Mémoire en Marensin ; n°16 ; 2005 ; p.5.