Mailís

Un article de Wikipèdia, l'enciclopèdia liura.
Anar a : navigacion, Recercar


Flag of Occitania (with star).svg Vilatge d'Occitània Blason Languedoc.svg

Mailís
Maylis

Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Maylis.jpg
Glèisa de Nosta Dauna de Mailís
Geografia fisica
Occitania map (1).png
geolocalizacion
Coordenadas 43° 41′ 52″ N, 0° 40′ 46″ O
Superfícia 12,21 km²
Altituds
 · Maximala
 · Mejana
 · Minimala
 
122 m
110 m
43 m
Geografia politica
País Gasconha Armas de Gasconha
Parçan Shalòssa Hauta
Estat Bandièra de França França
Region
75
Aquitània Nava
Departament
40
Lanas Escut de Lanas
Arrondiment
401
Dacs
Canton
4014
Costalat de Shalòssa
Intercom
244000717
Comunautat de comunas deu canton de Mugron
Cònsol Anne-Marie Lailheugue
(2014-2020)
Geografia umana
Populacion
Populacion totala
(2013)
323 ab.
Evolucion de la populacion

ab.
Densitat 26,45 ab./km²
Autras informacions
Gentilici los mailís
Còde postal 40250
Còde INSEE 40177

Mailís[1] (en francés: Maylis) qu'ei ua comuna d'Occitània, en Gasconha, situada dens lo departament de las Lanas e la region d'Aquitània.

Glèisa nava de Nosta Dauna de Mailís (1868-1875)

Geografia[modificar | modificar la font]

La comuna de Mailís que's tròba dens la Hauta Shalòssa, sus l'arribèra dreta deu Los. Que tòca a las comunas de Doasit, Montaut, Sent Aubin, Larbei, Caupena, Vergüei, e Sent Cric de Shalòssa. Lo nòrd de la comuna qu'es traucat per l'arriu de la Guauga.

Ròsa dels vents Sent Aubin Mont Aut Ròsa dels vents
Larbei N Doasit
O    Mailís    E
S
Caupena Vergüei Sent Cric de Shalòssa

Istòria[modificar | modificar la font]

Mailís que pareish peu permèr còp dens los textes en 1273 o 1274[2].

L’istòria civila de Mailís que’s con·hon dab la de Doasit. En efèit, avant la Revolucion, tot lo territòri deu Mailís actuau, qu’èra de la baronia de Doasit, e la màger part d’aqueth territòri, suu nom de « Sauvon » o « Bòsc-Sauvon » que formava l’ua de las 4 mandas (quartièrs) de la comunautat de Doasit, qui elegèn sengles jurats.
Lo nom de « Mailíes », que sembla d’aver designat meilèu la parròpia, qui èra annèxe de Larbei, e despenè deu diocèsi d’Aira.
Tà formar la manda de "Bòsc-Sauvon", Mailís (o Sauvon), qu'èra aplegat dab lo vielèr de Bòsc. Aqueth quartièr de Bòsc qu’èra cobedejat dens las annadas 1950 preu maire de Caupena, qui’u volè restacar a la soa comuna[3].

Dab la creacion de la comuna en 1790, en mei deu vielèr de Bòsc, Mailís que s’agraní d’un troçòt de la parròpia de Sent Joan d’Aulèrs (Doasit), dont la maison de Crabessat, anciana caveria[4]. Puish, que son los quartièrs de Tomina, sus l’arriba dreta de la Guauga, e los de La Veiria e deu Teulèr, gahats sus Sent Aubin, qui’s vienen ajustar a la comuna[5]. La maison « La Veiria » (uei aperada Sent Germain), qu’èra l’ostau de la familha nòbla d’Abadia de Sent German, dempuish au mensh 1612, dinc a la Revolucion[6].

Economia[modificar | modificar la font]

Administracion[modificar | modificar la font]

Lista deus cònsols successius
Periòde Identitat Etiqueta Qualitat
2014 (2020) Anne-Marie Lailheugue    
2012 2014 Philippe Serra    
2008 2012 Sylvie Marsan    
2001 2008 André Noaillan    
         
Totas las donadas son pas encara conegudas.

Demografia[modificar | modificar la font]


 v · d · m 
Evolucion demografica
Populacion comunala actuala (2013): 323, totala:
Picto infobox character.png
1793 1800 1806 1821 1831 1836 1841 1846 1851
231 407 469 482 504 502 489 561 570
1856 1861 1866 1872 1876 1881 1886 1891 1896
572 512 481 431 449 451 438 436 413
1901 1906 1911 1921 1926 1931 1936 1946 1954
440 461 467 438 419 405 369 400 359
1962 1968 1975 1982 1990 1999 2006 2007 2008
369
369
337
329
338
330
334
334
334
344
2009 2010
337
347
340
350
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE
Evolucion de la populacion 1962-2008


Lòcs e monuments[modificar | modificar la font]

  • La capèra de Nosta Dauna de Mailís. Sègles XII e XIIIau ; Inscriuta Monument Istoric lo 2 de noveme de 1976[7]. Renovada de cap a 1980.
  • La glèisa nava de Nosta Dauna de Mailís : purmèra pèira en 1868 ; acabada en 1875.
  • L'abadia : Monges olivetans, dempuish lo 30 d'aost de 1948.
La mongia de Mailís
La capèra de Nosta Dauna de Mailís

Pelegrinatge[modificar | modificar la font]

Cartas de 1548 o 1554[8], que pòrtan testimòni de çò que la gent hasèn paréisher ua devocion tà Nosta Dauna de Mailís, mes finalament briga mei que tà las autas glèisas vesias.
La mencion mei anciana d'ua devocion especiau a Nosta Dauna, dab desplaçament de monde, qu'es de 1640 : "Daubuns lòcs que son hòrt visitats de las gents deus parçans vesins, Mailies, Godòssa, & Sent Genh, per la devocion a Nosta Dauna, lo Mas, per senta Quitèira, Bascons pr'amor de Sent Aman, & quauques auts, on se cuelhen mant bonas aumoinas."[9]
Aquesta descripcion que deisha pensar en practicas espontanèas. Lo vertadèr peregrinatge organizat, eth, que serà aviat en 1658. Enric de Laborde, cronicaire deu sègle XVIIau e purmèr vesin (que damora a mensh de 2 km de la capèra de Mailís), qu'ac ditz clarament : "Ce fut pour lors qu'on commença à parler de tout de bon de faire avec la grâce de Dieu une fort belle dévotion à l'église de Noustre-Dame de Meylis"[10]. Lo màger mestierau que n'estó l'abat Hugues Dufaur vienut de Gondrin au diocèsi d'Aush, aperat tad aquera mission per l'avesque d'Aira Monsenhor Bernard de Sariac.

Lo prenom "Mailís"[modificar | modificar la font]

Lo nom de batiòu femenin Mailís, qu'estó balhat peu purmèr còp oficiaument en 1932. Mes qu'èra dejà emplegat com petit nom dens los mitans de la noblessa o borgesia deu parçan[11]. En 2006 en França, que vienè en 194au posicion, dab 339 atribucions[12] dab ua tropa de variantas ortograficas com Maylis, Maïlis, Maïlys, Mailys, Maÿlis,....

L'escaduda d'aqueth prenom que vien màgerment deu jòc de mots suu nom Mailís descompausat en "mair"+"lys"(mot francés), e interpretat com "mair deus liris" qui designaré la Verge Maria. Mes ne cau pas con·hóner un jòc de mots dab ua etimologia.

Que's cau tanben avisar de ne'u pas mesclar dab lo petit nom breton Maelys.

hèsta[modificar | modificar la font]

Pr'amor deu ligam popular hèit dab Senta Maria, las Mailís que son hestejadas lo 15 d'aost.
La hèsta de Nosta Dauna de Mailís qu'es lo 25 de març[13].

Honts[modificar | modificar la font]

  • (fr) Notre Dame de Maylis, Histoire et Pélerinage ; per Cesari Daugèr ; Laffitau et Labonne, Impr. Centrale, Aire-sur-l’Adour ; 1936 ; 190p.
  • (fr) Histoire de N. D. de Maylis ; per A. Labarrère; Bordeaux ; 1864.

Ligams extèrnes[modificar | modificar la font]

Nòtas[modificar | modificar la font]

  1. http://www.institutoccitan.com/index.php?option=com_content&task=view&id=167&Itemid=0
  2. Recogniciones Feodorum in Aquitania ; Bémont, p.42, n°107.
  3. L’ahar qu’es evocat dens los libes de las deliberacions deus conselhs municipaus de Mailís e Caupena enter genèr de 1947 e abriu de 1957.
  4. Arnaut Guilhem de Crebassac, cavèr (miles), mentavut in Recogniciones feodorum in Aquitania, n°68 ; 22 octobre 1273 ou 1274 ; publicat per Charles Bémont ; p.33.
  5. En 1843, segon David Chabas ; Villes et Villages des Landes ; tome II ; p.260.
  6. La Paroisse de Saint-Aubin ; Raphaël Lamaignère ; imprimerie Bonne Presse du Midi, Vaison-la-Romaine (Vaucluse) ; 1938 ; chapitre IV.
  7. Base Mérimée : Maylis
  8. Abat V.Foix ; Vieux clochers, vieilles ruines ; Tome IX (370 bis, Maylis). A. d. Lanas II F 912.
  9. Descripcion de l'abescat d'Aira per Pierre Duval ; 1651, segon ua visita hèita en 1640 e 1641.
  10. Relation veritable... ; Henry de Laborde
  11. Mailís qu'èra lo petit nom usuau de Mailís de Gorostarzu, deu castèth de Candale a Doasit, vaduda Antoinette Gabrielle Marie Personnaz (Baiona 1908 - Sent Sever 1997) ; o enqüèra, de Mailís de Cardaillac, vaduda au castèth de Fauron a Monthòrt de Shalòssa, e enregistrada com Marie de Cardaillac (Monthòrt 1924 - París 1978).
  12. RNIPP, INSEE.
  13. La Croix de la Drôme, 29 mars 1896, p.9.

Paginas correspondentas d’autres projèctes Wikimèdia :

commons:Category:Maylis (Landes)
Mailís sus Commons.