Vièla e Sent Gironç

Pels articles omonims, vejatz Vièla.

Vilatge d'Occitània

Vièla e Sent Gironç
Vielle-Saint-Girons

La glèisa de Sent Joan de Viela.

Armas

Geografia fisica

Coordenadas

43° 57′ 00″ N, 1° 17′ 53″ O

Superfícia

72,03 km²

Altituds
· Maximala
· Mejana
· Minimala

76 m
14 m
0 m

Geografia politica

Gasconha

França

Dacs

Còsta d'Argent (Castèths avant 2015)

Intercom
244000857

CC de Còstas Lanas Natura

Cònsol

Karine Dasquet
(2020-2026)

Geografia umana

Populacion
Populacion totala
(2018)

1 362 ab.

Evolucion de la populacion

1 395 ab.

Densitat

16,85 ab./km²

Autras informacions

Gentilici

los Vielas e los Sent Gironç

Còde postal

40560

Còde INSEE

40326

Vièla e Sent Gironç o locaument Viela e Sent Gironç (Vielle-Saint-Girons en francés) qu'es ua comuna gascona de Marensin o Maransin situada dens lo departament de las Lanas e la region de Navèra Aquitània, ancianament d'Aquitània.

Geografia

Viela-Sent Gironç qu’es situat en Maransin, enviroat de Lit e Micse, Linça, Sent Miquèu-Escalús ; l’estanh de Lon e lo corrent d’Uishet que hèn lo limit dab Lon e Moliets e Mar. A sococ, a 5 km deus borgs de Viela e de Sent Gironç, la comuna que bordeja la Mar grana sus mei de 13 km.

Perimètre deu territòri

	Lit e Micse
	N	Linça
	O Vièla e Sent Gironç E
	S
Moliets e Mar	Lon	Sent Miquèu-Escalús

Gentilici

Lo monde de Viela que son aperats « los Vielas », e los de Sent Gironç que son « los Sent Gironç ».

Etimologia

La comuna de Viela-Sent Gironç qu’es formada dab las tres ancianas parròpias de Sent Joan de Viela, Sent Gironç de Lèst, e Sent Gironç deu Camp. Au sègle XII^au, que son mentavudas Sanctus Johannes de Biele, Sanctus Gerontius de Lest, Sanctus Gerontius deu Camp^[1].

Viela : deu latin villa = maine rurau ; vila ; vilatge. La prononciacion locau que n’es [’bjœlə] e non pas [’bjεlə].
Lèst : deu basco lats > last > lèst = arriu^[2]. Au jorn de uei n’i a pas mei nat arriu suu territòri de Sent Gironç, mes que se n’i ved un, sus cartas deu miei deu sègle XIX, qui traucava dempuish lo nòrd de la comuna dinc a l’estanh (desapareishut) de Talhan, puish, dinc a l’estanh de Lon (au mijorn), en tot seguir lo limit èst de l’avançada de las dunas modèrnas^[3].
Camp : deu latin campus = plana ; terrenh cotivat.
Sent Gironç : latin Gerontius : evangelizator martirizat a Haget au sègle IV^au^[4].

Istòria

De cap a 1100, ua sauvetat qu’es establida sus la parròpia de Sent Gironç, suu trajècte de la via litorau que pelegrins e gahan tad anar dinc a Sent Jacme de Compostèla. Quate hitas (duas que son enqüèra vedederas), dab senglas crotz au bèc, que delimitavan las 7 o 8 ectaras d’aquera sauvetat^[5] qui hasè aubergada taus romius, mes qui avè tanbei per mira d’encoratjar la cotivada dens un parçan on ne n’i avè pas guaire. Qu’es solide pr’amor de 'quò que la navèra parròpia desvelopada alentorn de la sauvetat e pren lo nòm de « Sent Gironç deu Camp ».
La parròpia mair, era, qu’es aperada « Sent Gironç de Lèst ». Que’s trobava, segon la tradicion, au quartier de « Pinhuda », au nòrd-oèst de Sent Gironç deu Camp. Expausada a l’avançada de las dunas, l’eglisa que serà engolida peu sable^[6], e en 1734 n’i damora pas mei qu’ua capèra « qui n’a pas nada utilitat », pr’amor de tròp chic de parropians. L’avesque d’Acs que comanda que sii desbastida, e que la parròpia sii juntada a Sent Gironç deu Camp^[7]. Que’n pòdem véder enqüèra las plomasons e lo carrelatge, au bèc deu « Tuc de la Capèra », a 2 km a l’oèst deu borg actuau de Sent Gironç (deu Camp).

L’eglisa de Viela, qu’èra d’auts còps deu costat de la lèta de « Pètra de vin », a l’oèst de l’estanh de Lon, mei estenut qu’adara. Miaçada per la pujada de las aigas, e l’avançada de las dunas de sable, que prenen la decision de la mudar en un endret mei a la cela. En 1635, qu’es arrebastida a la soa plaça actuau.
Ua campana, carrejada sus un vaishèth capvath l’estanh, que seré estada perduda au hons de l’aiga. Ce disen, la campana, quèn s’enten a sonar, qu’anonça solide un malur^[8].

La comuna qu’estó creada en 1790 per l’aplegada de Viela dab Sent Gironç.

Administracion

Lista deus cònsols successius
Periòde		Identitat	Etiqueta	Qualitat
agost de 2018	2026 ^[9]	Karine Dasquet ^[10]
març 2008	agost de 2018	Bernard Trambouze	divèrs esquèrra	retirat steward
març de 2001	2008
Totas las donadas son pas encara conegudas.

Demografia

modificar « persona »
v · d · m

Evolucion demografica
Populacion comunala actuala (2013): 1214, totala:

427

251

131

595

564

614

608

632

642

718

742

814

819

829

810

806

763

750

751

711

743

725

710

744

722

734

737

801

864

863

824

859

1 026

1 094

1 118

1 139
1 174

2009

2010

1 160
1 195

1 195
1 231

Fonts

Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE

Evolucion de la populacion 1962-2008

Economia

L’economia actuau que s’empara sus la silvicultura, dab los 87% de la comuna caperats de pins^[11] ; suu torisme, qui s’es desvelopat mercès a la proximitat de la mar e de l’estanh de Lon ; e sus l’industia quimica, dab la fabricacion de produits derivats de l’òli de gema.

Lòcs e monuments

Maison Boulart : bungalow de tipe coloniau, bastit en 1859 peu Charles Boulart. Inscripcion Monument Istoric deu 16 d'abriu de 2002.

Personalitats ligadas amb la comuna

Jean-Roger Sourgen (Viela-Sent Gironç 1883 – Òssagòr 1978) : pintre deus paisatges deu Maransin (dunas, pins, estanhs,...).

Véder tanben

Ligams extèrnes

Nòtas

↑ Cartulaire de la Cathédrale de Dax, Liber rubeus ; CEHAG ; Dax ; 2004 ; p. 436.
↑ L’onomastique basque dans le Cartulaire de la cathédrale de Dax ; J.B. Orpustan ; in L’Église et la Société dans le diocèse de Dax aux XIe-XIIe siècles ; CEHAG ; 2004 ; p.181
↑ Véder per exemple la carta de 1871, tirada de l’atlas d’Adolf Stieler. En fèit d’arriu, que poderé n’estar pas sonque ua lèta particularament longa on s’i damorava l’aiga.
↑ Sent Gironç suu site de l’avescat d’Aire e d’Acs.
↑ Bulletin de l’associacion Memoire en Marensin n°6, 1995 ; Michel Mazarico e J.J. Taillentou ; La sauveté de St-Girons ; pp.36-42.
↑ « Présentement (1741) ladite paroisse de Saint-Girons Delest qui était la matrice est totalement couverte par les sables, lesquels couvrent leur église matrice » : citat per J. Beaurredon, Le droit de sanctou et les dunes au 18e siècle, in Bulletin de la Société de Borda 1906, p.63.
↑ Bulletin de l’associacion Memoire en Marensin, hòra seria 1995 ; Joseph Légé ; Registre paroissial de l’église de Linxe ; p.158.
↑ Aquera legenda qu’es evocada peu Cesari Daugèr, in Sonets de Mar ; A l’estanh de Lon ; imp. Pindat ; Lo Mont de Marsan ; 1920 ; LXXXIII ; p.175.
↑ https://www.sudouest.fr/2020/05/29/vielle-saint-girons-40-karine-dasquet-a-ete-reelue-maire-7522872-3577.php
↑ https://www.sudouest.fr/2018/08/29/vielle-saint-girons-40-karine-dasquet-est-le-nouveau-maire-5344798-3577.php
↑ Dossièr d’enquèsta publica P.L.U. Viela-St Gironç, 2007

Portau de Gasconha

[1] Cartulaire de la Cathédrale de Dax, Liber rubeus ; CEHAG ; Dax ; 2004 ; p. 436.

[2] L’onomastique basque dans le Cartulaire de la cathédrale de Dax ; J.B. Orpustan ; in L’Église et la Société dans le diocèse de Dax aux XIe-XIIe siècles ; CEHAG ; 2004 ; p.181

[3] Véder per exemple la carta de 1871, tirada de l’atlas d’Adolf Stieler. En fèit d’arriu, que poderé n’estar pas sonque ua lèta particularament longa on s’i damorava l’aiga.

[4] Sent Gironç suu site de l’avescat d’Aire e d’Acs.

[5] Bulletin de l’associacion Memoire en Marensin n°6, 1995 ; Michel Mazarico e J.J. Taillentou ; La sauveté de St-Girons ; pp.36-42.

[6] « Présentement (1741) ladite paroisse de Saint-Girons Delest qui était la matrice est totalement couverte par les sables, lesquels couvrent leur église matrice » : citat per J. Beaurredon, Le droit de sanctou et les dunes au 18e siècle, in Bulletin de la Société de Borda 1906, p.63.

[7] Bulletin de l’associacion Memoire en Marensin, hòra seria 1995 ; Joseph Légé ; Registre paroissial de l’église de Linxe ; p.158.

[8] Aquera legenda qu’es evocada peu Cesari Daugèr, in Sonets de Mar ; A l’estanh de Lon ; imp. Pindat ; Lo Mont de Marsan ; 1920 ; LXXXIII ; p.175.

[9] ttps://www.sudouest.fr/2020/05/29/vielle-saint-girons-40-karine-dasquet-a-ete-reelue-maire-7522872-3577.php

[10] ttps://www.sudouest.fr/2018/08/29/vielle-saint-girons-40-karine-dasquet-est-le-nouveau-maire-5344798-3577.php

[11] Dossièr d’enquèsta publica P.L.U. Viela-St Gironç, 2007

[1]

[2]

[3]

[4]

[5]

[6]

[7]

[8]

[9]

[10]

[11]