Vall de Cardós
Vall de Cardós es un municipi de la província catalana de Lhèida, de la Comunautat Autonòma de la Generalitat de Catalonha e de la comarca de Palhars Sobiran.
Toponimia
[modificar | modificar lo còdi]Ainet de Cardós
[modificar | modificar lo còdi]La prononciacion es [aj'net] o, pas tan sovent, [ej'net]. Las fòrmas ancianas son Asnet en 1120, Aynet en 1281. L'etime es asinetum, « lòc ont fan venir d'ases ». Una possibilitat es que lo nom siá un calque del basc *astotegi, « pargue d'ases » (asto, « ase », tegi a la valor collectiva de -etum e en mai significa « ostal, edifici ») [1].
Estaon
[modificar | modificar lo còdi]Estaon es lo vilatge principal de la val dita lo vallat. La prononciacion es [asta'on], [esta'on], etc. La val del riu d'Estaon es [la ri'bera del ba'ʎat], [lo ba'ʎat]. Las fòrmas ancianas son Vallato e Vallatello en 839 (lo primièr es Estaon, o tota la val, e lo segond sa depéndéncia Anàs), Estaon en 1120, data d'aparicion del nom. L'etime es lo latin statio, -onem, « arrèst », aplicat als lòcs de residéncia e per extension als tropèls qu'amontanhan (la motivacion del toponime es probablament aquesta). L'evolucion de -ti- es confòrma a la fonetica catalana, mès l'n finala es conservada per arcaïsme [parlars d'origina anteriors a la catalanizacion] [2].
Nòtas
[modificar | modificar lo còdi]- ↑ Joan Coromines, Onomasticon Cataloniæ, vol. II, p. 41-42 https://oncat.iec.cat/veuredoc.asp?id=416
- ↑ Joan Coromines, Onomasticon Cataloniæ, vol. IV, p. 151 https://oncat.iec.cat/veuredoc.asp?id=13490
