Municipi

Un municipi es una entitat administriva d'una comuna que repausa sus l'element primari de participacion ciutadana dins los afars publics, valent a dire, lo conselh municipal.

L'organizacion, las competéncias e la talha de las entitas municipalas varián d'un país a l'autre:

• en França e Soïssa, designa l'organ executiu d'una comuna.

• lo mot designa tanben las comunas en Alemanha, Belgica e Àustria (Gemeind), als Païses Basses (gemeent), en Suècia (kommuner), etc.;

• en Canada, los municipis an divèrses rang, entre autres ciutat (city), borg (town), parròquia (parish), comtat (county), canton (township), etc.;

• dins los païses ispanics, es nomenat ayuntamiento.

Cal non confondre lo concèpte de municipi amb lo de comuna format per un nuclèu urban nomenat ciutat, borg, vilatge, etcetèra.

Istòria

Durant la Roma antica, un municipi (municipium en latin) èra una ciutat liura governada per sas pròprias leis segon los dreits de ciutadanatge roman. Òm utiliza de còps coma sinonim lo mot «municipalitat» que significava a l'origina la qualitat de municipal

Espanha

En Espanha, un municipi es, segon la Lei regulatritz de las Basas del Regim Local, l'entitat locala basica de l'organizacion territoriala de l'Estat. La meteissa lei indica que la municipalitat a una personalitat juridica constituida del territòri, la populacion e l'organizacion municipala.

Val d'Aran

Aran es devesit en nòu municipis que lo mai important es la capitala, Vielha e Mijaran, amb 5 493 abitants (2018).