Artesa de Segre

Artesa de Segre es un municipi de la província catalana de Lhèida, de la Comunautat Autonòma de la Generalitat de Catalonha e de la comarca de Noguera.

Toponimia

La prononciacion es [ar'teza] a Artesa e a l'entorn, mentre que a Ponts e pus a l'èst dison [ar'tɛzə]. Lo gentilici es [arte'zans]. Las fòrmas ancianas son Artesia en 1036 e 1068, Artesa en 1071, 1076, 1105, 1162, 1172, 1193, 1359, Artea en 1359. L'explicacion es ligada ambe la d'Artana. L'etimologia es preromanica, de mal precisar, es pas araba. I a una Artana a la província d'Alessandria. L'iniciala art- se tròba tanben en Artesa, Artés, Arties, Artaso, Artasona (los dos darrèrs en Aragon), çò que fa sospeitar l'ibero-basc arte, « entremèg ». En realitat arte es una pòstposicion, non una preposicion. Se pòt pensar a arte, « alzina en catalan, donc euse ». Mès i a una semblança impressionanta ambe'l dieu Artahe / Artehe / Arteie, documentat en Comenge, idèa pas contradictòria ambe la d'euse. Las finalas son de sufixes aplicables a de rasics iberoaquitanas, -ěsse (d'Artés), -es(i)a (d'Artesa), -aso (d'Artaso(na)), -an(a) (d'Artana, Artà) .