Torre-serona

Torre-serona es un municipi de la província catalana de Lhèida, de la Comunautat Autonòma de la Generalitat de Catalonha e de la comarca de Segrià.

Toponimia

La prononciacion es ['torrese'lona] o rarament [-se'rona]. Lo nom es atestat Torre Serona en 1359. Fòra de torre, « tor », lo nom, coma Castellserà, deriva de la rasic germanica sarua, sara-, pr'amor que -an e -on altèrnan tant en gotic coma en francic. La fòrma en -o-, pel femenin, e en -a-, pel masculin, es gotica; en francic, es al revèrs. Torre-serona ven de Burg-Särion-, puèi burg foguèt traduit en torre. Castellserà ven de Särian-. Särion- e Särian- son de noms germanics de personas. Cf. Montseron, La Bastida de Seron, Sentenac de Seron. Çaquelà Joan Coromines a explorat tanben una solucion araba, pas tan satisfasenta, e una autra solucion germanica, un compausat del fecond hari- .