Maials

Maials es un municipi de la província catalana de Lhèida, de la Comunautat Autonòma de la Generalitat de Catalonha e de la comarca de Segrià.

Toponimia

La prononciacion es [ma'jals]. Lo gentilici es [maja'luzos] e la sola mencion anciana es Mayals en 1359. Lo nom s'explica probablament per (villas) mediales o (pagos) mediales, ambe -di- conservada coma -i- per la fonetica locala que tirava a mossarabe. Lo vocalisme primitiu èra e-à (*Meials) e a patit d'una assimilacion, coma dins gresal(a) (de creteale) > grasala, ferrada > farrada. Maiala es sus l'aigavèrs entre las doás ribièras. Una autra ipotèsi es que Maials es una tèrra d'òli e d'olivedas. Mallal es una mesura per divèrs grans e liquides, donc l'òli. Donc tèrra de mallals seriá l'equivalent de tèrra d'òli. Mallal es un derivat, meallal, de meaylla, « malha, moneda divisionària ». Mès mallal a pas jamai designat una mesura agrària, la necessària per produire un mallal d'òli. De mai, l'airal coneis pas la prononciacion j per ʎ, çò que daissa la plaça a la primièra solucion .