Espot

Espot

(Escut d'armas)
Nom oficial	Espot (ca)
Administracion
Capitala	Espot
Lenga oficiala	catalan
Politica
• Alcalde (ca)	Josep Maria Sebastia Canal (ca) (2023–)
Geografia
42° 34′ 43″ N, 1° 05′ 17″ E
Estat	Espanha
Comunautat autonòma	Catalonha
Província	Lhèida
Comarca	Palhars Sobeiran
Superfícia	97,3 km²
Altitud mejana	1 218 m
Fus orari	UTC+01:00
Demografia
• Totala	377 ab. (2025 )
• Densitat	3,87 ab./km²
Autras informacions
Còdi postal	25597
Sit web	espot.ddl.net

Espot es un municipi de la província catalana de Lhèida, de la Comunautat Autonòma de la Generalitat de Catalonha e de la comarca de Palhars Sobiran.

Entitat de populacion	Abitants (2023)
Espot	331
Estació d'Espot	24
Estaís	20
Berrader	2
Font: Idescat

Toponimia

La prononciacion es [as'pɔt] o [əsp-] o (varianta sabenta) [esp-]. Las fòrmas ancianas son : Spotu en 839, Spot en 1061, Espot en 1408. Es un nom bascoïde o iberobasc. A Josep Maria de Casacuberta, li diguèron a Esterri d'Àneu : « són dos barris, Espot Obago i Espot Solau » (Lo Solau en 1784), que son separats pel riu Escrita. En basc, la nocion « tots dos » s' exprimís per bot- (boti / bote / botu / bota) que deu èsser de l'euskarà originari. Lo prefixe negatiu ez- es un element de basa de la morfologia basca, mès tanben ibèra e celtibèra. Òr, darrèr z, las sonoras se mudan automaticament en sordas dins los parlars basques e ibèrs. Donc [ez-bot- > ez-pot-], ez-potu o ez-poti èran « pas junts », « separats », mès separats en formant parelh. Los dos elements an una fonetica precatalana : conservacion de -o dins Obago, encara mai per Solau, qu'a conegut l'amudiment de -n- intervocalica vengut del basc (*Solano > *Solao > Solau) .

Estaís

Lo sufixe -is es present dins plan de noms iberobasques de l'airal. Lo basc estu/esto representa « claus, parc (de tropèls), jaça » .

Berrader

Joan Coromines estudia los toponimes Berrós [be'rros] (o barrada), equivalent de Barraonse, fòrma arcaïca, pus prèpa de l'etime basc, pas tan romanizada. La rasic es berro, « sèga, randal; romec e autres sens ». Berrós seriá berro-untze > berraunce (dins los compausats o derivats, o del primièr membre se muda en a) > Berraós > Berrós. Berrader seriá benlèu Berro rader, de berro de darrere, çò que supausa que dins lo Palhars dejà catalanizat, berro seriá encara viu, lo tot seguit d'aplologias [e una metatèsi]. Mès aquelas ipotèsis non son seguras, pr'amor que i a tanben un nom femenin d'origina germanica Berro .

Llort

Ancian vilatge e castèl. Las fòrmas ancianas son castro Leorte en 866, Leorte o Laborte en 966, Leorte en 950, Lort en 1261. La fòrma d'origina es Leorte, qu'a poscut donar un temps una fòrma ambe epentèsi Laborte, puèi que se simplifiquet en L(l)ort (cf. l'evolucion Saort > Sort). I deu aver lo sufixe basc -ti. L'etime pus evident pel radical es le(g)or, « sec », coma per Llavorre e Llaguarres .

Istòria

Espot es un municipi qu'a pas patit de la fusion entre municipis diferents al sègle XX. Çaquelà, Estaís foguèt incorporat a Espot en 1847.