1229
|
1229 |
|
|---|---|
| Ans : 1226 1227 1228 1229 1230 1231 1232 Decennis : Cronologias tematicas : Autres calendièrs : |
|
Aquesta pagina concernís l'an 1229 del calendièr gregorian.
Eveniments[modificar | modificar la font]
Occitània[modificar | modificar la font]
- Tractat de Meaux de 1229
- Creacion de l'Universitat de Tolosa
- 31 de desembre - Jaume Ièr dintra dins Ciutat de Malhòrca aprèp la conquèsta de l'ilha.
França[modificar | modificar la font]
Au començament de l'annada, Blanca de Castelha se turtèt a una fronda novèla dei grands senhors dau Reiaume. D'efèct, demandèt la reünion d'una armada per destrurre lei fortificacions, en cors de restauracion, de Bellême. La vila èra tenguda per Pèire de Bretanha qu'aviá pas lo drech de la fortificar. Pasmens, lei barons convocats arribèron ambé solament dos chivaliers per empachar l'expedicion. La regenta foguèt finalament sauvada per l'arribada de Tibaud de Campanha — qu'èra amorós de la rèina — amb un important contingent. Bellême foguèt ansin presa e sei fortificacions destruchas.
En Lengadòc, fin de la Crosada deis Albigés ambé la somission de Ramon VII de Tolosa. D'efèct, la tactica novèla d'Humbert de Beaujeu, que s'interessava plus ai castèus mai a la destruccion sistematica dei fònts de revenguts dei Tolosencs, privèt rapidament lo còmte dau sostèn de la populacion. Lo Tractat de Meaux laissèt a Ramon VII lo Comtat de Tolosa mai lo privèt de seis autrei possessions. En mai d'aquò, Anfós de Peitieus, lo fraire de Loís IX, veniá son eiretier per lo Comtat de Tolosa. Enfin, deviá sostenir la caça ais eretics menats per la Glèisa Catolica que creèt l'Inquisicion. Pasmens, fins a sa mòrt, Ramon VII assaièt d'obtenir la revision d'aqueu tractat e venguèt una fònt quasi permanenta de revòutas.
A partir de julhet, la guèrra acomencèt tornarmai còntra Anglatèrra ambé lo non prolongament de la trèva en vigor dempuei dos ans (→ 1227 e 1228). Enric III preparèt un desbarcament sus lo continent (→ 1230). Obtenguèt l'aliança de Pèire de Bretanha (29 d'octòbre).
Euròpa[modificar | modificar la font]
Republica de Venècia[modificar | modificar la font]
Mòrt de Pietro Ziani e eleccion de Jacopo Tiepolo coma dòge novèu.
