1207
|
1207 | |
|---|---|
| Ans : 1204 1205 1206 1207 1208 1209 1210 Decennis : Cronologias tematicas : Autres calendièrs : | |
Aquesta pagina concernís l'an 1207 del calendièr gregorian.
Somari
Eveniments[modificar | modificar la font]
Occitània[modificar | modificar la font]
Comtat de Tolosa[modificar | modificar la font]
Perseguida deis operacions dei legats pontificaus còntra lo catarisme. Pasmens, lei catars contunièron de viure normalament en causa de l'abséncia de reaccion deis autoritats dau Comtat. Ansin, a la prima, unei caps catars poguèron provocar un collòqui de doas setmanas a Montreal. Leis arbitris dei discussions refusèron de designar un venceire mai lei legats s'estimèron venceires e s'enardiguèron. Aprofichant l'arribada de monges suplementaris, se devesiguèron en grops pus pichons per visitar un nombre pus important de vilatges. Venguèron ansin pus malaisats de susvelhar e, en abriu, lo legat Pèire de Castelnòu poguèt arribar en dessobte a Tolosa per i prononciar l'excommunicacion de Ramon VI de Tolosa e l'interdich sus sei territòris.
França[modificar | modificar la font]
A la prima, represa de la guèrra en Peitau còntra Anglatèrra en abriu. Lo pretèxte foguèt divèrseis accions de guèrra entrepresas per lei senhors peitavins. Pasmens, l'expedicion francesa donèt una amplor novèla ais escaramochas localas. La region de Toars foguèt ansin durament pilhada sensa entraïnar de reaccion militara dau rèi d'Anglatèrra.
Pasmens, l'annada foguèt donc subretot centrada sus lei relacions ambé lo papa Innocenci III que voliá organizar una crosada còntra l'eresia catara e qu'èra totjorn opausat a la rompedura dau maridatge de Felip II e d'Ingeborg de Danemarc. Ja pauc desirós de laissar lo papa intervenir dins leis afaires intèrnes de França — en despiech de son independéncia de facto, lo Comtat de Tolosa ne'n fasiá nominalament partida — lo rèi foguèt irritat per l'afaire de son maridatge e refusèt de sostenir lo projècte papau (→ 1208).
Euròpa[modificar | modificar la font]
Asia[modificar | modificar la font]
Empèri Mongòl[modificar | modificar la font]
Acomençament d'incursions mongòlas còntra l'Empèri Tangut. Destinadas a observar e estudiar lei defensas de l'empèri dau nòrd de China, aqueleis expedicions gardèron encara una amplor limitada avans l'acomençament deis invasions vertadieras en 1209. En parallèl, divèrsei tribüs quirguizas de la region dau Lac Baikal se someteguèron a Genghis Khan[1].
Empèri de Nicèa[modificar | modificar la font]
Militarament inferiors ai Latins installats a Constantinòble (→ 1204), lei Bizantins de Nicèa, dirigits per Teòdor Lascaris aprofichèron lei ressorsas de sa diplomacia per trobar d'aliats estrategics. En particular, formèron una aliança ambé lei Bulgars de Kalojan per atacar per darrier lei Crosats. Aquela estrategia foguèt victoriosa e permetèt ai Bizantins de reconquistar Cizica e d'assegurar sei posicions a l'entorn de Nicomèdia. En junh de 1207, una trèva foguèt concluda ambé lei Latins de Constantinòble.
Empèri Tangut[modificar | modificar la font]
Incursions mongòlas lòng dei frontieras meridionalas. Aquò marquèt la revirada de la politica de l'emperaire Xiangzong qu'aviá assaiat de negociar una aliança ambé Genghis Khan per utilizar sei cavaliers arquiers còntra leis autreis estats chinés.
