Sètge de Bagdad (1258)

Un article de Wikipèdia, l'enciclopèdia liura.
Anar a : navigacion, Recercar
Representacion dau sètge de Bagdad dins un manuscrit iranian deis annadas 1430.

Lo sètge de Bagdad de 1258 se debanèt dau 29 de genier au 10 de febrier de 1258. Opausèt una armada mongòla dirigida per Hulegu (entre 120 000 e 150 000 òmes) a la garnison abbassida de la vila (50 000 òmes). S'acabèt per la capitulacion dau califa abbassida Al-Mustasim que foguèt executat ambé la quasi totalitat de sa dinastia. En parallèl, lei Mongòls organizèron d'un biais metodic lo pilhatge de la vila e lo chaple de seis abitants que durèron dau 13 au 20 de febrier. Segon leis estimacions, entre 90 000 e un milion de personas foguèron tuats mentre que la màger part de la ciutat foguèt cremada. Plusors monuments e òbras de l'Edat d'Aur Islamic foguèron ansin destruchs.

Aquò marquèt la fin dau Califat Abbassida coma estat independent. Pasmens, un subrevivent de l'Ostau Abbassida capitèt de s'enfugir en Egipte onte restaurèt un Califat reduch a un ròtle simbolic sota la proteccion dei Mamelocs. Enfin, Mesopotamia e Bagdad, qu'èran lo centre culturau dau mond musulman, perdiguèron son importància fins au sègle XX.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]