Estocòlme

Un article de Wikipèdia, l'enciclopèdia liura.
Anar a : navigacion, Recercar

Estocòlme

Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Stockholm.jpg
Stockholm vapen bra.svg
Geografia fisica
Coordenadas 59° 19′ 46″ N, 18° 04′ 07″ E
Superfícia 187 74 km²
Geografia politica
País Bandièra de Suècia Suècia
Geografia umana
Populacion
(2014)
942 370 ab.
Autras informacions
http:

Estocòlme (en suedés Stockholm) es la capitala de Suècia e la mai granda de las capitalas escandinavas. Sa conurbacion, a caval sus lo lac Mälaren e la mar Baltica, passa lo milion d'abitants. La vila s'estend per un ensemble d'illas, de las qualas la mai significativa es la que forma la Gamla Stan, o vila vièlha. L'edifici sèti de l'Ostau de Vila es famós internacionalament, ja que es ont se fa la remesa dels prestigioses Prèmis Nobel.

La vila d'Estocòlme (Stockholms kommun) compta 871.952 abitants (31-12-2012).[1] mas lo nom d'Estocòlme es generalament donat a l'ensemble del comtat d'Estocòlme, que ne regropa 2.011.047 (30-09-2009).[2]

En tant que capitala suedesa, lo govèrn i residís e lo parlament s'i reunís. Es tanben la residéncia del cap de l'Estat, lo rei Carles XVI Gustau de Suècia.


La ciutat es la capitala de Suècia dempuèi lo sègle XIII.

Geografia[modificar | modificar la font]

Situacion[modificar | modificar la font]

Una mapa d'Estocòlme en 1910.

Estocòlme se tròba sus la còsta orientala de Suècia, a l'endrech ont lo lac Mälar rejonh la mar Baltica. La quita vila s'estend sus quatorze illas qu'apertenon totas a l'archipèla d'Estocòlme, ont l'aiga representa aperaquí 30 % de la superfícia de la vila amb una proporcion identica pels espacis verds. Cinquanta-set ponts permeton de religar los diferents quartièrs[3],[4].

La vila foguèt fondada sus la pichona illa de Stadsholmen (ont se tròba Gamla stan, la vila vièlha), e s'es puèi desvolopada al nòrd cap a Norrmalm e Östermalm, e al sud cap a Södermalm.

L'importanta archipèla, constituida d'aperaquí 24 000 illas, es un luòc de detenta particularament presat dels abitants de la vila, que s'i rendon la dimenchada o lo dimècres après -dinnar[4].

Clima[modificar | modificar la font]

Lo clima d'Estocòlme es de tipe continental, del fach de la latitud fòrça septentrionala, e del relatiu alunhament de l'ocean Atlantic. Las sasons son fòrça marcadas amb d'ivèrns freds e d'estius suaus a cauds, aquò degut a una granda diferéncia dins la durada de la jornada entre lo solstici d'estiu (18+ oras de jorn) e lo solstici d'ivèrn (6 oras de jorn). Los recòrds de temperatura a Estocòlme son de 36 °C al maximum e -32 °C al minimum [5]. Pasmens, la temperatura es pas jamai davalada en dessós de - 25 °C dempuèi l'ivèrn de 1986-1987[6]. Lo nombre d'oras d'ensolhelhament es 1830 oras.

Lo centre istoric de la vila d'Estocòlme.

Nòtas[modificar | modificar la font]

  1. "”Folkmängd i riket, län och kommuner 31 december 2012”. Statistiska centralbyrån. Consultat el 17 març 2013.
  2. Folkmängd i riket, län och kommuner 30 september 2009 och befolkningsförändringar 1 juli - 30 september 2009
  3. Stockholm – le « Top 10 », sur le Guide officiel de Stockholm
  4. 4,0 et 4,1 Stockholm sur europevoyage
  5. http://www.smhi.se/kunskapsbanken/meteorologi/temperaturrekord-i-stockholm-och-uppsala-1.4735
  6. http://data.smhi.se/met/climate/time_series/day/temperature/SMHI_day_temperature_clim_9720.txt