Toleda

Toledo

Bandièra

Armas

Geografia fisica

Coordenadas

39° 52′ 01″ N, 4° 01′ 46″ O

Superfícia

232,1 km²

Altituds
· Mejana

454 m m

Geografia politica

País

Espanha

Comarca

Toledo

Municipalitat

Toledo

Primièr cònsol
Mandat en cors

José Manuel Molina García
2004

Geografia umana

Populacion (INE)
(2004)

73 485, ab.

Densitat

312 ab./km²

Autras informacions

Toledano -a

45001-45009

Toledo^[1]^[2]^[3]^[4]^[5] o Toleda^[6]^[7]^[8]^[9]^[10]^[11]^[12] (Touledo en grafia mistralenca^[13]; Toleta, Toleda^[14] o Toledol^[13] en occitan ancian; Toledo en castelhan) es una vila que se tròba en Espanha, dins lo centre, a 70 km al sud de Madrid. Es la capitala de la província de Toledo e de la comunitat autonòma de Castelha-La Mancha. Los escrivans Alfonso Martínez de Toledo (Archiprèire de Talavera), Rodrigo Cota e Garcilaso de la Vega n'èran originaris.

Lo gentilici es toledan, toledana^[1].

Cultura[modificar | modificar la font]

Lo centre istoric de la vila de Toledo es sus la lista del Patrimòni Mondial de l'Umanitat.

Vila vièlha[modificar | modificar la font]

La vila vièlha se tròba en naut d'un puèg e se pòt veire de fòrça monuments istorics coma l'alcazar, la catedrala e lo Zocodover (de l'arabi Suk-al-dawab, mercat dels bestials, lo mercat central). Toledo foguèt coneguda per sa tolerància religiosa pendent lo periòde d'Al Andalús e las comunautats josievas, musulmana e crestianas i vivián en coabitacion pacifica. Aquò cambièt amb la reconquista (de 718 a 1492) aprèp que foguèsson forabandits d'Espanha josieus e musulmans refusant de se convertir. Pasmens, demòra à Toledo fòrça remembres d'aquela epòca coma la Sinagòga de Santa Maria la Blanca, la Sinagòga del Tránsito e la Mosqueta del Cristo de la Luz.

Toledo aculhiguèt lo pintre El Greco dins la darrièra partida de sa vida e la vila es lo tèma de qualques uns de sos quadres, coma lo celèbre Enterrament del Comte d'Orgaz expausat dins la glèisa de Santo Tomé. Dins l'ostal del Greco l'ambient de la vida del pintre es reconstituit amb de mòbles e una mescla de quadres autentics e de còpias.

Le cineasta Luis Buñuel i fondèt en 1923 l'Òrdre de Toledo amb Federico García Lorca.

La catedrala[modificar | modificar la font]

La catedrala de Toledo començada en 1227 jol reialme de Fernando III a la particularitat d'èsser bastida segon l'estil gotic francés. S'acabèt pas abans la fin del sègle XV amb apondes d'estil espanhòl. La copòla que remplaça la segonda torre foguèt dessenhada per Jorge Manuel Theotocopouli, filh del Greco. Se pòt veire una verge en marbre cap d'òbra d'art francés gotic. La sacristia conten d'òbras d'El Greco (Expolio), Titien, Velazquez, Morales e Caravaggio.

Glèisa de Santo Tomé[modificar | modificar la font]

Aquela pichona glèisa musèu de la torre d'estil mudejar (sègle XIV) presenta lo quadre L'Enterrament del comte d'Orgaz cap d'òbra del Greco.

Musèu de Santa Cruz[modificar | modificar la font]

Construit a l'entorn d'un patio plateresc, l'espital dels enfants trobats que comandèt la Reine Isabèla la Catolica als arquitèctes Enrique Egas e Covarrubias. En mai d'una colleccion de pinturas dels sègles XVI e XVII, (Greco, Ribera, Morales) conten tanben de pèças arqueologicas e d'arts decoratius coma los azulejos.