Arabi
Aquesta pagina conten de caractèrs arabis. Testatz vòstre navegador afin de verificar que s'afichan corrèctament. En cas de problèma, consultatz la pagina d'ajuda a l'afichatge dels caractèrs Unicode.
|
عربية
Arabi
| |
|---|---|
| Parlat en | Argeria, Bahrayn, Egipte, los Emirats Arabis Units, Iemèn, Iraq, Israèl, Jordania, Kowait, Liban, Libia, Mauritània, Marròc, Oman, Palestina, Qatar, Siria, Arabia Saudita, Sodan, Sahara Occidental, Tunisia |
| Regions | Arabia, Orient Mejan e dins lo nòrd d'Africa |
| Parlat per | 225 milions de personas |
| Classament pel nombre de locutors | 4ena |
| Tipologia | Lenga afroasiatica Lenga semitica |
| Familha lingüistica | grop de lenga semitica |
| Estatut oficial | |
| ISO 639-1 | ar (en) |
| ISO 639-2 | ara (en) |
| ISO 639-3 | ara (en) |
| ISO 639-6 | ara (en) |
| Tipe | L (lenga viva) |
L'arabi (var. arab) (en arabi: عربية = al-arabiyya) es una lenga del grop de las lengas semiticas, parlada en particular pel pòble arabi e dins los Païses Arabis, valent a dire en Arabia, a l'Orient Mejan e dins lo nòrd d'Africa. Los estats ont l'arabi es la lenga dominanta o majoritària son, de l'oèst a l'èst: Mauritània, lo Sahara Occidental, Marròc, Argeria, Tunisia, Libia, Egipte, Sodan, Palestina, Jordania, Liban, Siria, Iraq, Kowait, l'Arabia Saudita, Bahrayn, Qatar, los Emirats Arabis Units, Oman e Iemèn. En Israèl, l'arabi es cooficial amb l'ebrieu. Qualques estats an adoptat l'arabi coma lenga oficiala o cooficiala, e mai se l'arabi i es pas la lenga tradicionala de la majoritat de la populacion: son Chad, Eritrèa, Jiboti, Somalia e las Comòras. A Malta se parla lo maltés, qu'es una lenga per elaboracion venent de l'arabi.
