Literatura

Un article de Wikipèdia, l'enciclopèdia liura.
Anar a : navigacion, Recercar
exemple de tèxte

Etimologicament, la literatura es l'art d'escriure. Ça que la, lo concèpte de literatura inclutz:

  • L'ensems de las òbras escrichas o oralas fondadas sus la lenga e que compòrtan una dimension estetica (a diferéncia, per exemple, de las òbras scientificas o didacticas).
  • Las activitats de produccion e d'estudi de dichas òbras
  • L'ensems dels tèxtes publicats ligats amb una disciplina o tèma en particular, dintre d'una dimension estetica o non. Es, dins aquel sens, que podèm parlar, per exemple, de la literatura scientifica. Atal, s'entend coma literatura una colleccion de tèxtes, que fan generalament partida d'un grop lingüistic determinat (per exemple, literatura occitana, catalana o anglesa), o ligats a un tèma, a una epòca o a un contèxt social determinat (literatura novecentista, feminista...). Evidentament, los classaments literaris son subjectius, e pòdon èsser controvertits dins fòrça cas. Se pòt tanben classificar (o sosclassificar) generalament la literatura en genres literaris. E se pòt considerar coma literatura tot tipe de tèxt e tot tipe de trabalh basat suls simbòls (la benda dessenhada, los imatges...). Ça que la, se considèra correntament coma literatura solament los tèxtes escriches d'una cèrta qualitat e non pas las creacions popularas coma la benda dessenhada.

Literaturas del mond[modificar | modificar la font]