Fraires Grimm

Un article de Wikipèdia, l'enciclopèdia liura.
Salta a la navegació Salta a la cerca
Daguerreotipe dei fraires Grimm realizat en 1847.

Lei Fraires Grimm, Jacob Grimm (1785-1863) e Wilhelm Grimm (1786-1865), èran de lingüistas, de filològs e de collectors de còntes alemands dau sègle XIX.

Après d'estudis de drech, lei dos fraires venguèron professors a l'Universitat de Göttingen. Revocats en 1837 per aver protestat còntra l'abrogacion de la constitucion de Hannover en 1837, foguèron emplegats a l'Universitat de Berlin en 1841. Lei dos fraires son famós per son trabalh de collècta dei creacions poeticas e còntes populars. Començat en 1806, menèt a la publicacion de plusors recuelhs a partir de la sintèsi de plusors versions dei tèxtes enregistrats per obtenir d'òbras mesclant poèsia, realisme, fantastic, umor e crudelitat.

En parallèl, aqueu trabalh permetèt ai fraires Grimm d'estudiar de dialèctes germanics ancians. S'interessèron donc a identificar leis evolucions de la lenga alemanda. Publiquèron sei resultats dins una Gramatica (1837), una Istòria de la lenga alemanda (1848) e un diccionari istoric (1861), obratges a l'origina de la filologia alemanda.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]