Daguerreotipe

Un article de Wikipèdia, l'enciclopèdia liura.
Sauter à la navigation Sauter à la recherche
Daguerreotipe realizat en 1850.

Lo daguerreotipe es un procès fotografic desvolopat per Louis Daguerre (1787-1851) desvolopat a la fin deis ans 1830 e comercializat a partir de 1839. Permetiá alora de redurre lo temps de pausa de plusors oras a 20-30 minutas e donava d'imatges de bòna qualitat. Lo daguerreotipe dominèt la fotografia durant un desenau d'annadas avans d'èsser remplaçat per de tecnicas pus perfeccionadas coma l'ambrotipe ò lo ferrotipe.

L'invencion de Daguerre èra generalament formada d'una placa de coire cubèrta d'argent. Aquela placa èra expausada a de vapors d'iòde que permetián de formar, après reaccion ambé l'argent, un jaç d'iodur d'argent fotosensible. Un còp plaçada a la lutz, la placa enregistrava un imatge invisible. Lo desvolopament èra realizat gràcias a de vapors de mercuri que formavan un amalgama ambé l'iodur d'argent en foncion de l'intensitat luminosa recebuda per la placa. Aquò permetiá de revelar l'imatge qu'èra destacada de la placa per caufatge. A respèct deis autrei procès fotografics deis ans 1840-1850, lo daguerreotipe se destriava per sa qualitat d'imatge. En revènge, permetiá pas de realizar de copias car i aviá ges de negatiu.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]