Politica
La politica[nòta 1] designa l'ensems d'activitats e modalitats que son associadas a la presa de decision comunitària, o autras formas de relacion de poder en grop, coma l'autoritat d'un Estat. [1] Lo mot proven del grèc ancian polis, es a dire la ciutat; dins un sens mai estreit, lo tèrme politica remanda a la ciutadanetat, l'execucion del poder o l'oposicion politica.[2]
Las sciéncias politicas son una branca de las sciéncias socialas qu'estúdian particularament los cambiaments relatius a l'Estat.[3] La politica es ligada a la compreneson del poder qu'inclutz la promocion d'un punt de vista politc, la negociacion amb un autre partit, la creacion de leis, e l'exercici intèrn o extèrn de la fòrça sus sos opausants.[4][5]
Doctrinas e ideologias politicas
[modificar | Modificar lo còdi]La doctrina politica es un concèpte de principis e de valors de basa que defendon que s'apièjan una estrategia e dels plans d'accions.[6]
Dempuèi la Revolucion Francesa, las ideologias politicas e lors simpatisants se reconeisson coma apartenissent a una posicion de dreita o d'esquèrra. Totas las concepcions politicas s'estructuran a l'entorn de dos axes principals: l'economia e la societat. L'axe economic se dividís en doas ideologias opausadas, esquèrra e dreita, formant aital una linha orizontala. Tot parièr, l'axe social se compausa de doas autras ideologias opausadas, l'autoritarisme e lo libertarisme,[7][8][9][10] creant una linha verticala. Aqueles dos axes combinats forman una carta ideologica ont emergent quatre sistèmas màgers: lo totalitarisme, lo conservatisme, lo socialisme e lo liberalisme. Lo punt d'interseccion d'aquelas doas linhas es generalament considerat coma lo centre politic.
Nòtas
[modificar | Modificar lo còdi]- ↑ Del latin polīticus, del grèc ancian πολιτικός politikós, masculin de πολιτική politikḗ, significant «de, per o relatiu als ciutadans».
Referéncias
[modificar | Modificar lo còdi]- ↑ De Cantalausa, Joan. Diccionari General Occitan a partir dels parlars lengadocians. ISBN 978-2-912293-04-6.
- ↑ Schmidt, Manfred G. (2004). Wörterbuch zur Politik. 2a edicion. Stuttgart: Alfred Kröner Verlag, p. 538. ISBN 9783520404022.
- ↑ Surrel, Yves (2015). La science politique et ses méthodes. Armand Colin, p. 23-26. ISBN 9782200603823.
- ↑ Brady, Linda P. (2017). The Politics of Negotiation: America's Dealings with Allies, Adversaries, and Friends. University of North Carolina Press., p. 47. ISBN 978-1-4696-3960-4.
- ↑ Blanton, Shannon L.; Kegley, Charles W.. World Politics: Trend and Transformation, 2016–2017. Cengage Learning. ISBN 978-1-305-50487-5.
- ↑ Duharte Díaz, Emilio (2006). Teoría y Procesos Políticos Contemporáneos (Tom. I). L'Abana (La Havana): Editorial Félix Varela. ISBN 959-07-0169-8.
- ↑ Lakkof, George (1996). What Conservatives Know that Liberals Don't, University of Chicago Press (Moral politics). ISBN 978-0-226-46805-1.
- ↑ (2001) How Liberals and Conservatives Think. University of Chicago Press (Moral Politics). ISBN 978-0-226-46771-9.
- ↑ (2000) European Politics Into the Twenty-First Century: Integration and Division. Westport: Praeger. ISBN 0275968146.
- ↑ «David Nolan - Libertarian Celebrity». Advocates for Self Government. Archiu de l'original del 2003-02-17.