Cançon de Rotland

Cançon de Rotland
La Chanson de Roland
Tipe	òbra literària
Lenga originala	francés ancian
Genre artistic	Cançon de gèsta e Epopèia
Tèma	Rotland e batalla de Roncesvalls (ca)
Periòde	Edat Mejana
Creacion	sègle XII
Publicacion	sègle XI
Autor	Turold (ca)
Seria
Part de	matèria de França (ca) , Biblioteca bàsica de la literatura neerlandesa (ca) e literatura en neerlandès (ca)
Tèxt complèt	Tèxt complèt

La Cançon de Rotland (var. la Chançon de Rotland) es un poèma epic medieval qu'a una version en occitan e una autra en francés.

Lo Rotland occitan

Existís una version en occitan que son manuscrit es parcialament desaparegut mas que daissa mantun tèxte coma Rotland a Saragossa e Ronçasvals ^[1] e de testimoniatges dins d'autres documents medievals.

Lo Rotland francés

Existís tanben una version en francés, pro celèbra, de divèrses milièrs de vèrses, escricha a la fin del sègle XI en francés ancian, atribuida a un monge normand, Turold, que son nom apareis dins lo darrièr e enigmatic vèrs: "Ci falt la geste que Turoldus declinet". Ça que la, la significacion de decliner dins aqueste vèrs es pas clara: pòt significar "compausar" o benlèu "transcriure", "copiar". Es la Cançon de gèsta pus anciana d'Euròpa. Lo tèxt de l'apelat Manuscrit d'Oxford escrich en anglonormand (cap a 1170) es constituit de 4002 vèrses decassillabs, distribuits en 291 estròfas de longors diferentas.

Las Cançons de gèsta

Las Cançons de gèsta son de poèmas escriches per èsser recitats en public, amb una o mai d'una melodia simpla. Lo mot latin gesta significa "fachs soslinhats". Son, doncas, de fachs memorables, eroïcs. França e Espanha an una importanta tradicion epica medievala. Coma totas las Cançons de gèsta, la Cançon de Rotland es anonima.