Sant Victor (Cantal)

Vilatge d'Occitània

Sant Victor
Saint-Victor

Vista de Sant Victor.

Geografia fisica

Coordenadas

45° 00′ 39″ N, 2° 17′ 19″ E

Superfícia

13,53 km²

Altituds
· Maximala
· Mejana
· Minimala

652 m
600 m
440 m

Geografia politica

País

Auvèrnhe

Estat

França

Region
84

Auvèrnhe-Ròse-Aups, ancianament d'Auvèrnhe

Orlhac

Sant Pau de las Landas, ancianament de Laròcabrau

Intercom
200006781

CC de la Castanhau cantalona SIREN 200 066 678

Cònsol

Michel Morin
(2014-2020)

Geografia umana

Populacion
Populacion totala
(2018)

107 ab.

Evolucion de la populacion

110 ab.

Densitat

8,35 ab./km²

Autras informacions

Còde postal

15150

Còde INSEE

15217

Sant Victor (Saint-Victor en francés) es una comuna auvernhata, situada dins lo departament del Cantal e la region d'Auvèrnhe-Ròse-Aups, ancianament d'Auvèrnhe.

Segon Joan Francés Blanc, la comuna es partejada entre parlars auvernhats e un bocin lengadocian^[1].

Geografia[modificar | Modificar lo còdi]

La comuna es boscosa e de relèu traversut. La plancarta Saint-Victor sus la RD 52 mena a un ostal o dos al fons d'una comba estrecha, dominada per la glèisa de Sant Victor, situada sus una tuca plaçada dins la vòlta gaireben barrada del riu, en un luòc perdut e çò sembla, inaccessible en veitura. Lo castèl ^[2] a disparegut e la glèisa ne deviá èsser la capèla. A pauca distància a vòl d'aucèl mas a 4 o 5 km e fòrça contorns per la rota, Aleix o Alex, sus un planòl, es lo borg actual, dempuèi 1947 ^[3].

Comunas vesinas[modificar | Modificar lo còdi]

Sant Victor

Sent Santin de Cantalés
(3,3 km)

Airen
(4,2 km)

Noudòm
(4,6 km)

Sant Alire
(6,2 km)

Teissières de Cornet
(7,0 km)

Crandèlas
(7,0 km)

Arnac
(7,0 km)

Sant Pau de las Landas
(7,8 km)

Frais Anglars
(7,9km)

Perimètre del territòri[modificar | Modificar lo còdi]

Comunas confrontantas de **Sant Victor**
Sent Santin de Cantalés		Sant Alire

Noudòm	Sant Pau de las Landas	Airen

Sant Victor e Sant Pau de las Landas se tòcan sus un vintenat de mètres.

Toponimia[modificar | Modificar lo còdi]

Sant Victor. Las fòrmas ancianas son Sanctus Victor, en 1419, Sainct-Victeur, en 1449, Sainct-Victour, en 1551, Sainct-Vitour, en 1586 ^[2]. Lo luòc pòrta lo nom d'un dels Sant Victor, un papa del sègle II, un autre papa del sègle XI, de martirs del sègle III, dont un a Marselha, un avesque de Cartage del sègle V (segon Dauzat e Rostaing, mas se'n vei pas la traça dins Nominis), etc ^[4]^,^[5].
Aleix o Alex (borg actual). Las fòrmas ancianas son Aletz, en 1443, Allectz, en 1551, Alletz, en 1639, Alexst, en 1676, Alex sus la mapa de Cassini, a la fin del sègle XVIII, Alais, en 1857 ^[6]. Lo nom es benlèu lo meteis qu'Alèis o Alés e Casanuèva, interpretats per Dauzat coma un masculin d'Alèsia o puslèu de son etime supausat *alisa, « bauç, escarpament »; recentament, Delamarre dona a alisia lo sens de « ròc » ^[7] e coma origina als dos vilatges citats alision, « la ròca » ^[8]. Un sens oronimic es possible perqué lo vilatge es près de la val prigonda de Braulle (nom francés) ont se vei lo borg ancian, mas las fòrmas ancianas marcan la preséncia d'un africada ts que l'etime alision explica mal. Notem a tot azard que lo riu de Braulle es un afluent d'Etze (nom francés) e que los ajustants son pas luènh.