Balanhans

Balanhans Balagnas
Era glèisa de Sent Laurenç de Balanhans.
Geografia fisica
Altituds  · Mejana	431 m
Geografia politica
Region istorica	Gasconha
Parçan	Bigòrra Lavedan
Estat	França
Region [[Modèl:Nmrfr|]]	Occitània
Departament	Hauts Pirenèus
Arrondiment	Argelèrs de Gasòst
Canton	Era Vath deths Gaves (Argelèrs de Gasòst avant 2015)
Intercom {{CòdeEPCI|}}	CC deths Pirenèus Vaths deths Gaves
Cònsol	()
Geografia umana
Densitat	km² ? ab./km²
Autras informacions
Còde postal	65400
Còde INSEE	[1]
Divèrs	anciana comuna, ara dens Laur e Balanhans

Balanhans (Balagnas en francés) qu'ei ua anciana comuna gascona de Bigòrra, en Lavedan, dens era arribèra de Sent Savin, situada dens eth departament deths Hauts Pirenèus e era region d'Occitània, ancianament de Mieidia-Pirenèus. Despuish 1846, qu'ei incorporada a Laur e Balanhans.

Geografia

Eth ancian borg de Balanhans qu'ei ath sud de Laur, dens era arribèra deth Gave de Pau, dit locaument Gave de Lavedan, dens eth territòri dera arribèra de Sent Savin, près dera RD 921, anciana RN 21.

Toponimia

Eras fòrmas ancianas que son Balaias, en 1036, cap a 1085, en 1105, etc, Balagnas, Balanhas au sègle XIIau, Arnaldus de Balanians en 1131-1134, Baleignans en 1168, Vitale de Balayes, cap a 1180, de Balanhanis, en 1379, Balanhaas, Balanhas, en 1429, Balagnas sus era mapa de Cassini, ara fin deth sègle XVIIIau. Era prononciacion qu'ei [bala'ɲas] .

Albèrt Dauzat qu'explica eth nom, shens certitud, per un nom latin d'òme inatestat, *Balanius, dab eth sufixe -anum . Miquèu Grosclaude qu'accèpta la proposicion de Dauzat, modificada per Jacques Boisgontier, qui pensa a un sufixe d'apertenéncia au plurau, -anos (Balanianos agros, donc eths camps de Balanius). Miquèu Grosclaude que constata lo nom latin Balanius ei inatestat e que's pòt benlhèu derivar deth nom latin (atestat) Ballius .

Xavier Delamarre, meilèu que per un nom latin, qu'explica Balanhans per un nom celtic, *Balanios. Balanhans qu'èra donc segon Delamarre Balaniānon, la proprietat de *Balanios, inatestat (mès Balanos qu'ei coneishut) .

Istòria

Balanhans qu'èra ua comunautat diferenta de Laur, qu'èra deth país e senescaucia de Bigòrra, en Lavedan, dens era arribèra de Sent Savin. Que ho deth canton de Sent Savin en 1790, puish d'Argelèrs de Gasòst en 1801 .

Balanhans qu'èra ua parròpia annèxa au sègle XVIIIau.

En 1846, que fusionèn era comuna de Balanhans dab Laur .

Demografia

Evolucion demografica Populacion comunala actuala (2013): , totala:
1793	1800	1806	1821	1831	1836	1841	1846	1851
75	74	82	111	119	132	135	134	-
1962	1968	1975	1982	1990	1999	2006	2007	2008
				Cercar	Cercar	Cercar	Cercar	Cercar
2009	2010
Cercar	Cercar
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

Eth n° INSEE qu'ei estat cambiat per rasons practicas.

Lòcs e monuments

Era glèisa de Sent Laurenç.

Interior dera glèisa.

Véder tanben

• Comunas deths Hauts Pirenèus