1193

1193
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Ans : 1190 1191 1192  1193  1194 1195 1196 Decennis : 1160 1170 1180  1190  1200 1210 1220 Sègles : Sègle XI  Sègle XII  Sègle XIII Millennis : Millenni I  Millenni II  Millenni III Cronologias tematicas : Autres calendièrs : Roman • Chinés • Gregorian • Ebrieu • Indó • Musulman • Persan • Republican

Aquesta pagina concernís l'an 1193 del calendièr gregorian.

Eveniments

Occitània

Comtat de Forcauquier

Lo maridatge entre Anfós II de Provença e Gersanda de Forcauquier permetèt de tornar unificar lei comtats de Provença e de Forcauquier. Aquò entraïnèt la fin de l'independéncia dau comtat.

Comtat de Provença

Lo maridatge entre Anfós II de Provença e Gersanda de Forcauquier permetèt de tornar unificar lei comtats de Provença e de Forcauquier.

França

L'anóncia de la captura dau rèi Ricard I^èr per lo duc Leopold d'Àustria encoratjèt seis adversaris (Felip II, Joan Sensa Tèrra... etc.) a accelerar sei plans. En particular, Felip II mandèt una ambaissada dins lo Sant Empèri Roman Germanic per prolongar la captivitat de son rivau e una ambaissada en Danemarc per assaiar d'obtenir l'aliança dau rèi Knut VI. Puei, sensa esperar lei resultats d'aquelei missions, ataquèt Normandia onte prenguèt Gisors. Joan Sensa Tèrra lo jonhèt e li jurèt fidelitat per sei fèus continentuas. En fàcia, Alienòr d'Aquitània, maire Ricard, organizèt la defensa e capitèt de protegir Roan (junh).

De son caire, Knut refusèt de portar una ajuda navala ai Francés mai acceptèt la conclusion d'un maridatge entre sa sòrre Ingeborg e Felip II. Donèt una dòt de 10 000 marcs d'argent. Pasmens, tre la ceremònia, lo rèi regretèt sa chausida e demandèt a sei conselhiers de preparar la repudiacion de sa frema novèla (14 d'aost). Un concili acceptèt de contentar lo rèi (5 de novembre) mai la rèina refusèt d'acceptar lo divòrci — sostenguda per lo papa — e foguèt estremada dins lo covent de Cyseing.

En parallèl, Alienòr d'Aquitània capitèt de reünir lo recapte demandat per la liberacion de son fiu e anèt en Alemanha amb una fòrta escòrta (→ 1194).