Amalfi
|
Amalfi | |
|---|---|
 | |
| Geografia fisica | |
| Coordenadas | 40° 38′ 00″ N, 14° 36′ 00″ E |
| Superfícia | 600 km² |
| Altituds · Mejana |
6 m |
| Geografia politica | |
| País |  Itàlia |
| Region | Campània |
| Província | Salèrne |
| Geografia umana | |
| Populacion (?) |
5 317 ab. |
| Autras informacions | |
| Còde postal | 84011 |
| http://www.comune.amalfi.sa.it | |
Amalfi es una comuna dins la província de Salèrne dins la region de Campània en Itàlia. La Còsta amalfitana foguèt inscricha en 1997 sus la lista del Patrimòni Mondial de l'Umanitat.
Geografia[modificar | modificar la font]
Amalfi se situa dins lo golf de Salerne dins la mar Tireniana. La còsta amalfitana es subretot constituida de bauces. La vila s'esperela es implantada sus las parets e al fond d'una gòrja dubrissant sul pòrt e dominada pel mont Cerreto (1 315 m).
Istòria[modificar | modificar la font]
Amalfi foguèt un dels principals pòrts d'Euròpa del sègle IX al sègle XII.
Las primièras mencions d'Amalfi remontan al sègle VI. La vila venguèt lèu una poténcia maritima fasent lo comèrci de las cereales, de sal e d'esclaus, exportant de fusta cap a Egipte e Siria e important en occident las sedas de l'Empèri Bizantin. Los marins d'Amalfi, los primièrs d'Occident a utilizar la bossòla, faguèron la fortuna de la vila. Al sègle IX, los marcands amalfitans utilizavan ja una moneda d'aur alara que la mai granda partida d'Itàlia encara practicava una economia d'escambis.
Las relacions d'Amalfi amb l'Orient son encara illustrada a l'ora d'ara per la catedrala que las pòrtas foguèron fondudas a Constantinòple en 1066 e menadas fins aquò pel mar. Tanben a la mitan del sègle XI (vèrs 1070[1]), de marcands Amalfitans establits a Jerusalèm foguèron a l'origina de la fondacion de l'Òrdre de Sant Joan de Jerusalèm.
La Republica maritima independenta d'Amalfi atenguèt una populacion de prèp de 70 000 personas quand en 1131, foguèt conquerida pel rei Rogièr II de Sicília. La vila passèt en 1137 jos la dominacion de Pisa e comencèt a declinar rapidament. Pasmens, las Taulas amalfitanas, que fuguèron lo primièr còde maritim, serviguèron a reglar la navigacion dins tota Mediterranèa fins a 1570.
Pertout, demòran de testimòni de l'edat d'aur d'Amalfi entre lo sègle X e XII, quand aquela Republica maritima comerçava amb l'Orient, coma un campanil moresc, un plan urban calcat sul modèl arabia e un Duomo d'inspiracion bizantina. Totes los quatre ans, una corsa sus la mar es organizada per remembrar que los dògas de la ciutat rivalizèron amb aqueles de Venècia, Gènoa e Pisa pel contraròtle de la Méditerranèa[2].
Torisme[modificar | modificar la font]
Amalfi es una vila fòrça toristica. La beutat del site natural, lo dedal de carrieròlas miègjornala e la mescla particular d'influéncia culturalas vengudas de tota Mediterranèa ne faguèron une vila classificada al Patrimòni Mondial de l'Umanitat de l'UNESCO dempuèi 1997.
Economia[modificar | modificar la font]
Amalfi es coneguda per sa produccion de citrons de qualitat e son papièr fach man.
Frazione[modificar | modificar la font]
Lone, Pastena, Vettica, Pogerola, Tovere
Annèxes[modificar | modificar la font]
Articles connèxes[modificar | modificar la font]
Nòtas e referéncias[modificar | modificar la font]
- ↑ (fr)Michel Henry, Les ordres militaires en Lorraine. Éditions Serpenoise, 2006. page 8. (ISBN 2-87692-706-3)
- ↑ GEO N°398 d'avril 2012 p.79