Ricard Ièr d'Anglatèrra (Richard Ièr d'Anglatèrra dins la koinè arcaïca dels trobadors), tanben conegut coma Ricard Còr de Leon (Richard Còr de Leon, Lo Rei Richart d'Anglaterra en occitan ancian) èra nascut lo 5 de març de 1133 a Lo Mans e foguèt tuat dabans lo castèl de Chasluç, lo 6 d'abril de 1199.
Ricard foguèt escaissat « Oc e non » per Bertran de Bòrn, amor de son umor cambiadissa.[1].
Èra tanben trobador e compausava sas cançons en occitan, ja que visquèt pro longtemps en Occitània, dins lo ducat d'Aquitània. Ricard participèt a la Tresena Crosada. Es mòrt a Chasluç lo 6 d'abril de 1199.
D'el conservam aumens un tèxte en occitan (Ja nuls hom pres non dira sa rason) e en vers escriut durant sa captivitat qu'es una mena de messatge a sos vassals per dire que seriá una vergonha se demorèsse mai de dos ivèrns en preson. Coma una version existís en francés, demòran qualques dobtes sobre lo fach que lo rei d'Anglatèrra siá l'autor dels dos tèxtes. Segon Martín de Riquer, las diferéncias entre los dos mòstran que lo tèxte francés es anterior mas tanben que i a d'especificitats dins lo tèxte occitan que fan pensar de qu'es plan original e de la man del rei d'Anglatèrra.
Pels articles omonims, vejatz Richard.
.svg){kind=small}
